Frantziako Senatuak erretiro adina 62 urtetik 64ra atzeratzea onartu du
Frantziako Senatuak pentsioen erreformaren artikulu eztabaidagarrienetako bat onartu du bart, erretiro adina 62 urtetik 64ra atzeratzen duena, hain zuzen ere. Erretretaren adina atzeratzen duen 7. artikulua aurrera atera da aldeko 201 botorekin eta kontrako 115 botorekin.
Senatari sozialistek, komunistek eta ekologistek kontra bozkatu dute, goi ganberan egindako zenbaketaren arabera.
BFMTV telebista kateari egindako adierazpenetan, Olivier Dussopt Frantziako Lan ministroak gehiengo "oso zabala" azpimarratu eta ezkerraren jarrera kritikatu zuen.
Astea amaitu baino lehen, senatariek lege proiektuak dituen hogei artikuluak aztertuko dituzte, tartean, pentsioak gutxieneko soldataren % 85era igotzea aurreikusten duena. Gauzak horrela, 1.200 eurokoa izango da gutxieneko pentsioa.
Azken asteotan erretretaren erreformaren aurka kalera atera dira herritarrak. Urtarriletik sei mobilizazio handi egin dituzte, eta, aurrekoetan bezala, astearteko grebak jarraipen zabala eta eragin handia izan zuen garraio publikoan, hezkuntzan eta bestelako sektore estrategikoetan. Astearteko mobilizazioetan 3,5 milioi pertsona zenbatu zituzten sindikatuek, Gobernuaren arabera, berriz, 1,28 milioi pertsona izan ziren. Ipar Euskal Herriko garraioan eta hezkuntzan jarraipen zabala izan zuen pentsio erreformaren aurkako astearteko grebak.
Halaber, sindikatu nagusiek manifestazio gehiago deitu dituzte larunbaterako, "Gobernuak bere proiektua orain erretiratu dezan".
Zure interesekoa izan daiteke
Bertan behera geratu da Flotillako euskal aktibistei Loiun egin nahi zioten ongietorria, bi kide erietxean baitaude
Flotillaren ontzietan bidaiatu duten sei euskal herritarrak gaur ziren Euskal Herrira iristekoak. Horietako bi, ordea, Turkian daude ospitaleratuta, atxiloaldian jasandako indarkeriak eragindako lesioengatik, eta ez dira itzuli.
Azken 24 orduetan 31 ontzik Ormuz zeharkatu dutela adierazi du Iranek, Guardia Iraultzailearen "koordinazioarekin"
Ameriketako Estatu Batuek ziurtatu dute 94 ontzi birbideratu dituztela Irango portuetara ezarritako blokeoa betetzeko.
Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.
Suak erabat suntsitu du Japoniako Reikado tenplu budista historikoa
Kukai monje budistari eskainitako tenplua 806. urtean eraiki zen Misen mendian, Miyajima uhartean, eta ordutik piztuta egon da bertan "betiereko sugarra" deitua, 1.200 urtez etengabe piztuta egon den sugar sakratua. Su horrekin piztu zen Hiroshimako Bakearen Parkeko sugarra 1964an, munduko bonba nuklear guztiak desagertu arte piztuta egongo dena. Ez da inor zauritu, baina ondare-galera ordezkaezina da.
AEBren eta Kubaren arteko tentsioa areagotu egin da Raul Castroren auzipetzearekin: Washingtonek hegazkin-ontzi bat jarri du Karibean
Auzipetzearekin batera esku-hartze militar baten mamua berpiztu da uhartean; izan ere, Nicolas Maduro ere auzipetu egin zuten Venezuelako operazio militarra abiatu aurretik.
Israelek Flotillako ekintzaile solidarioak umiliatu egin ditu
Itamar Ben Gvir Israelgo Segurtasun Nazionaleko ministro ultraeskuindarrak argitaratutako bideo batek protesten erauntsia eragin du, ministroak atxilotuei emandako tratua dela eta.
AEBk Raul Castro Kubako presidente ohia inputatu du, 1996an bi hegazkin eraisteagatik
Duela berrogei urte, Kubako ehiza-hegazkinek Floridako itsasartean Anaia erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.