Sexu erasoak

2024/04/12 - 14:52

Bost pertsona atxilotu dituzte Gasteizen emakume atzerritarrekin ezkontzak hitzartzea egotzita

Dominikar jatorriko zazpi biktima atzeman dituzte. Lana eta Estatuan modu erregularrean sartzea eskaintzen zizkieten, 10.000-15.000 euroren truke. Behin Arabara helduta, diru gehiago eskatzen zieten, eta zorra kitatzeko, lan egitera eta prostituitzera (kasu batean behintzat) behartzen zituzten.

2024/04/11 - 14:43

10 urteko kartzela zigorra eskatu dute 13 urteko neska bati sexu erasoa egitea leporatzen dioten gizonarentzat

2022ko urtarrilean gertatu zen Gipuzkoako kostaldeko etxebizitza batean, adin txikikoak auzipetuaren etxean gaua pasatzea onartu ostean.

2024/04/09 - 19:14

24 urteko gazte bat espetxeratu dute, Santurtzin bi sexu-eraso egitea egotzita

Emakume bat polizia-etxera joan zen igandean, eta goizaldean etxebizitza batean sexu-erasoa egin ziotela kontatu zuen. Etxe horretara joan zirenean, gizon berak beste emakume bati egindako bigarren sexu-eraso bat egiaztatu zuten ertzainek.

2024/04/08 - 16:17

Badaezpadako espetxealdia 25 urteko gizon bati, Araban bi adingabe tuleladuni eraso egitea egotzita

Litekeena da martxoaren 15ean gertatu izana sexu-erasoa, zentrotik kanpo. Adingabeek beraiek eman diote Ertzaintzari ustezko erasotzailearen nortasuna eta bizilekua.

2024/04/05 - 14:45

10 urteko zigorra ezarri diote Iruñerriko gizon bati bost urtez alabaordeari sexu-erasoak egiteagatik

Epaiaren arabera, ezingo da biktimarengana hurbildu (300 metroko distantzia gorde beharko du) hark 18 urte bete arte. Behin espetxealdia beteta, 7 urtez zaintzapean egongo da. Haren emazteari, bestalde, urtebeteko kartzelaldia ezarri diote, omisio delitua egotzita.

2024/03/30 - 16:40

Gizon bat atxilotu dute Barakaldon emakume bati sexu erasoa egitea egotzita

Ostiral eguerdian gertatu zen erasoa, Lasesarre inguruan. Aparkatutako auto baten barruan zegoela, leihotik sartuta egin zioten eraso biktimari.

2024/03/29 - 19:21

Jeffrey Donaldson lider unionistak dimisioa eman du, sexu delitu bat egotzi baitiote

Alderdiak ostiralean jakitera eman duenez, DUPeko araudiari jarraituz, Donaldsonek bere kargua utzi du, "prozesu judizial baten zain" dagoelako. Gavin Robertsonek beteko du haren lekua.

2024/03/29 - 13:14

Iaz baino % 56,5 emakume gehiagok jasan dituzte sexu erasoak Euskadin, otsailera arte

Familia barruko indarkeria pairatu duten emakumeen kopuruak ere gora egin du (% 21,6). Bestalde, 697 emakumek (2023an baino % 16 gehiago) salatu dituzte bikotekideek edo bikotekide ohiek egindako erasoak.

2024/03/28 - 11:40

Dani Alves lehen aldiz agertu da epaitegian, fidantzapean aske atera ostean

Dani Alves Bartzelonako Auzitegian izan da gaur goizean, behin behineko askatasunean jarraitzen duen bitartean egin beharko dituen asteroko agerraldietako lehenengoan, ihes egin ez duela ziurtatzeko.

2024/03/27 - 15:53

Fiskaltzak 2 urte eta erdiko kartzela-zigorra eskatu du Rubialesentzat Jenni Hermosoren auziagatik

Espainiako Futbol Federazioko presidente ohia zigortzea eskatu du Jennifer Hermoso emakumezkoen selekzioko jokalariari emandako musuagatik eta ondorengo ustezko hertsapenagatik.

2024/03/27 - 08:17

Bi gizon kartzelara bidali dituzte Santurtzin emakume bati sexu erasoa egitea egotzita

Erasoa martxoaren 9an jazo zen, Mamariga auzoko etxebizitza batean. Ustezko bi bortxatzaileak, 24 eta 35 urtekoak, astelehenean atxilotu zituzten eta atzo epailearen esku utzi.

2024/03/21 - 18:03

Semeari sexu-abusuak egiteagatik iaz Bizkaian absolbitu zuten gizona berriz epaitzea agindu dute

Bizkaiko Lurralde Auzitegiak absolbitu zuen iazko azaroan. Orain, EAEko Justizia Auzitegi Nagusiak onartu egin du akusazio partikularrak jarritako helegitea, eta epaiketa errepikatzea agindu du, sententzian "akatsak eta inkoherentziak" daudela iritzita.

2024/03/21 - 09:42

Dani Alvesek beste gau bat emango du espetxean, ez baitu milioi bat euroko fidantza ordaindu

Futbolariaren defentsak gaur goizean ezin izan du ordaindu epaitegian. Presoak 14:00etara arte zuen gaur dirua jartzeko aukera. Bestalde, Ester Garcia biktimaren abokatuak iragarri du Auzitegiaren erabakiaren kontra egingo duela. "Aberatsentzako justizia egiten ari dira", salatu du.

2024/03/20 - 17:59

ANk ukatu egin du Googlek Nagore Laffage hil zuen gizonari buruzko albisteak ezabatu behar izatea

Kondenatuak alegatu zuenez, sexu-deliturik egin ez arren, hainbat komunikabidek mota horretako delituekin lotzen zuten. Epaiaren arabera, informaziorako eskubidea interes orokorreko egitateen gainetik dago.

2024/03/20 - 12:46

Bartzelonako Auzitegiak Dani Alves behin-behinean aske uztea ebatzi du, milioi bateko bermea ordainduz gero

Ezingo du Espainiako Estatutik irten eta astero epaitegian agertu beharko du. Futbol jokalari ohiari lau urte eta erdiko kartzela zigorra ezarri zioten emakume bati Bartzelonako diskoteka batean sexu erasoa egiteagatik, eta urtebete egina du behin-behineko espetxealdian.

2024/03/19 - 16:51

7 urteko espetxe-zigorra ezarri diote iazko martxoan, Iruñean, emakume bat bortxatu zuen gizonezkoari

Epaiak jasotzen duenaren arabera, gizonezkoak 20.000 euroko kalte-ordaina eman beharko dio biktimari. Zigorraren erdia espetxean bete behar izango du, eta ondoren, Espainiatik botako dute.

2024/03/19 - 14:14

Apirilaren 10ean zabalduko dute Nafarroako Sexu Indarkeriei Arreta Integrala emateko Zentroa

Iruñeko Arrosadia auzoan egongo da zentroa, eta bertan indarkeria matxistaren biktima izan diren emakumeei arreta, aholkularitza eta laguntza emango zaie urte osoan, 24 orduz. Iaz, 2.091 salaketa aurkeztu ziren Foru Erkidegoan, aurreko urtean baino % 8,4 gehiago.

2024/03/16 - 17:47

Hamar emakumek salatu dute Tolosaldeko osteopata sexu erasoengatik

Urtarrilaren 22an atxilotu zuten ustezko erasotzailea, Tolosaldeko osteopatia zentro batean sexu erasoa jasan zuten hainbat emakumeren salaketak jaso ostean.

2024/03/12 - 17:44

'La Manada'ko guardia zibilak proposatu du biktimaren kalte-ordaina hilean 10 euro ordainduz kitatzea

Bostek 100.000 euroko kalte-ordaina eman behar diote biktimari, eta zati bat dagoeneko egin da militar ohiaren etxebizitza bat salduta. Gaur egun, gutunaren egileak eta 'La Manada'ren gainerakoek ia zortzi urte daramatzate kartzelan.

2024/03/10 - 18:23

Gizon bat atxilotu dute Gasteizko taberna batean emakume bati eraso egin eta arma batekin mehatxatzeagatik

60 urteko gizonak bi emakumeri egin zien aurre larunbat gauean, eta horietako bat arma zuri batekin mehatxatu zuen.