Sumendiak
2026/09/08 - 10:47
Indonesiako zenbait aireportu berriz ireki dituzte, Anak Krakatoa sumendiaren erupzioaren ondorioz itxita egon ostean
Krakatoaren erupzioaren ondoren asteburutik itxita zeuden Jakartako aireportu nagusia eta beste lau aireportu ireki ditu berriro Indonesiak. 3.000 hegaldi eta 370.000 bidaiari inguru kaltetu dira udako oporren itzulera operazio betean. Anak Krakatoa sumendia Indonesiako hiriburutik 150 kilometrora dago eta erupzioan sartu zen ostiralean, laba eta errauts-zutabe handiak jaurtiz.
2025/08/23 - 11:50
Hawaiiko Kilauea sumendia berriro esnatu da
Hawaiiko Kilauea sumendiaren erupzioak kezka piztu du, laba jaurtitzen hasi baita berriro. Labak altuera handia hartu du eta gailurreko kraterraren sekzio batean zabaldu da. Abendutik izandako 31. erupzioa da honakoa, eta Kilauea munduko sumendi aktiboenetako bat bihurtu da horrela.
2025/08/03 - 17:34
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
2025/06/02 - 19:52
Etna sumendiaren erupzio bortitz batek 5.000 metrotik gorako ke-zutabe bat eragin du
Erupzioa goizaldean hasi da, baina, goiz erdian, hego-ekialdetik jaisten ari zen material piroklastiko isurketa izan da.
2025/05/26 - 10:48
Hawaiiko Kilauea sumendiak 300 metro baino gehiagoko laba-zutabeak bota ditu
Hegoaldeko haizebideko laba-iturriak 70 metroko altuerara iritsi dira; iparraldeko haizebidekoak, berriz, 300 metrotik gorakoak, hamarkadatan ikusitako altuenetakoak, alegia. Hawaiiko sumendi aktiboena aldizkako erupzioak izaten dabil 2024ko abenduaz geroztik.
2025/04/08 - 11:13
Filipinetan lau kilometroko errauts-zutabe ikaragarria jaurti du Kanlaon sumendiak
Filipinetan lau kilometroko errauts-zutabe ikaragarria jaurti du Kanlaon sumendiak. La Carlota herria dago sumenditik hurbilen, eta errauts-euria erori zaie gainera. Sumendiak eragindako euriak kalte egingo die nekazariei.
2025/04/04 - 11:44
Hawaiiko Kilauea sumendian erupzioa lehertu da berriro, eta laba 300 metrorainoko altuerara iritsi da
Hawaiiko sumendi aktiboenean, Kilauean, erupzioa piztu da berriro. Azken orduetan izandako erupzio berrienean, labak 300 metroko altuera hartu du.
2025/02/21 - 10:04
Milaka pertsona gerturatu dira Etnara, agintarien ohartarazpenak aintzat hartu gabe
Milaka pertsona igotzen dira egunero Etna sumendiaren gailurrera, baita gauez ere, elurretan erupzioa gertutik ikusteko. Ez diete ohartarazpenei kasu egiten, eta batzuek eskiatzeko ere aprobetxatzen dute.
2024/12/23 - 21:56
Kilauea sumendi hawaiiarra erupzioan sartu da, 80 metroko laba-iturriekin
Agintariek adierazi dutenez, momentuz "ez dago azpiegiturentzat berehalako mehatxurik", sumendiaren jarduera egonkortu egin baita. Gas bolkanikoz eta partikula bolkaniko finez osatutako zutabeak 600 metrotik 1.200 metrora bitarteko altuera hartu du.
2024/09/19 - 11:19
Hawaiiko Kilauea sumendia erupzioan hasi da eta 10 metroko altuerako laba-iturriak jaurti ditu
Sumendiak hiru egun daramatza ia 10 metroko altuerako laba iturriak isurtzen. Isuritako gasak dira gizakiontzat bereziki arriskutsuak, baina laba isurtzen ari den kraterra biziguneetatik oso urrun dagoenez, momentuz ez da larrialdi egoerarik abian jarri.
2024/08/23 - 18:48
Islandiako Reykjanes sumendia seigarren aldiz hasi da erupzioan abendutik
Gaur goizaldean laba botatzen hasi da, lurrikara gogor bat izan ondoren, eta aurrekoetan bezala, oraingoan ere Grindavid herria hustu dute. 800 urtez jarduerarik gabe egon ondoren, 2020an esnatu zen.
2024/08/21 - 12:06
Sumendi baten erupzio ikusgarri batetik bizirik ihes egitea lortu du eskalatzaile talde batek Indonesian
Erupzioan sartu den unean Indonesiako Dukono sumendiaren tontorrean zegoen eskalatzaile talde batek bere bizitza ozta-ozta salbatu du. Indonesiako agintarien arabera, eskalatzaileak "baimenik gabeko" igoera bat egiten ari ziren sumendira.
2024/08/13 - 00:08
Mexikoko Popocatepetl sumendiak errautsa eta gasa jaurti ditu
Mexikoko Popocatépetl sumendia aktibo dago berriro. Gaur gauean errautsa eta gasa bota ditu, eta alerta bolkanikoko semaforoa Horira igo da, 2. fasera.
2024/07/07 - 11:52
Laba goria eta bost kilometroko errauts-hodeiak botatzen ari da Etna sumendia azken egunotan
Siziliako hiriburua eta hainbat herri errautsez estali dira. Babes Zibilak alerta maila gorria ezarri zuen duela bi egun Siziliako beste sumendi batean, Stromboli sumendian.
2024/07/05 - 12:29
Alerta maila gorenera igo du Italiak Stromboli sumendiaren erupzioaren ostean
Alerta maila laranjatik gorrira igaro da eta alarma aurreko fase operatiboa aktibatu da. Tokiko agintariek uharteko biztanleei eskatu diete informatuta egoteko eta babes zibilaren jarraibideak "zorrotz" jarraitzeko.
2024/05/29 - 21:30
Erupzio bolkaniko berri batek Grindavik herria (Islandia) ebakuatzera behartu du
Beste erupzio bolkaniko batek Islandiako Grindavik herria ebakuatzera behartzen du. Herri berean, duela hilabete batzuk, sumendi-erupzio batzuk izan ziren. Une hartan magmak etxebizitza batzuk suntsitu zituen.
2024/04/30 - 14:37
Ruang Indonesiako sumendia erupzioan sartu da berriro
Duela bi aste sumendien aktibitateak gora egin ostean, Ruang Indonesiako sumendia erupzioan sartu da berriro eta 5.000 metrorainoko errauts hodeia bota du. Ondorioz, alerta IV. mailara igo da eta milaka bizilagun ebakuatu behar izan dituzte.
2024/04/18 - 14:54
Indonesiak maila gorenera igo du alerta, Ruang sumendiaren erupzioagatik
Hondamendiak kudeatzeko agentziak sei kilometroko erradioan "berehala" ebakuatzeko eskatu du, eta tsunami arriskua dagoela ohartarazi du.
2024/04/18 - 14:39
Indonesiako agintariek alerta maila gorenera igo dute Ruang sumendiaren erupzioagatik
Gainera, Ruang sumendiaren erupzio etengabeen ondorioz tsunami arriskua handia dela ohartarazi dute agintariek. Bitartean, aurrera darrai 1600 pertsonen ebakuazioak.
2024/03/17 - 11:13
Azken 100 egunetako laugarren erupzioa Islandian
Adituen ustez erupziorik handiena izan litekeena larunbat gauean hasi da, Sundhnjukagigarren, eta baliteke laba itsasora iristea.