Sumisio kimikoa
2022/08/02 - 13:29
Emakume batek Baionako jaietan bortxatu dutela salatu du
Bi gizon atxilotu zituzten sexu erasoarekin zerikusia zutelakoan, eta, fiskalak kartzelatzeko eskaera egin bazuen ere, biak aske uztea erabaki zuen epaileak. Ziztadak jasan zituzten 122 pertsonetatik 10ek erabaki dute salaketa jartzea.
2022/08/01 - 13:19
122 ziztada salatu dituzte guztira Baionako bestetan
Baionako suprefetak jaietan zehar jasotako delituen balantzearen arabera, giro lasaia izan da, oro har, azken egunotan. Poliziak sei atxiloketa jaso ditu, eta 13 arau hauste alkohol kontroletan ere.
2022/07/31 - 22:20
Ziztadak jasan dituzten bi emakumeren lekukotzak jaso ditu ETBk
Ertzaintzak baieztatu du 12 ziztada-kasu ikerketapean dituela, azken bi asteetan salatutakoak. Euskal Telebistak bi emakumeren ahotsak jaso ditu: asteburu honetan, Bilboko diskoteka batean ziztatuak izan dira. Ziztada jaso ondoren ondoezik sentitu eta ospitalera joan ziren.
2022/07/31 - 16:18
Zer dago azken asteotan emakume ugarik salatutako ziztaden atzean?
Ertzaintzak, momentuz, ez du substantzia toxikorik aukitu, baina mugimendu feministek ohartarazi dutenez, ziztada bera erasoa da eta horrekin beldurra zabaldu nahi dute emakumeak dauden espazio publikoetan.
2022/07/31 - 15:01
Ziztadak salatu dituzte beste 33 emakumek Baionan, eta 12 kasu ikertzen ari da Ertzaintza EAEn
Festak hasi zirenetik, 112 emakumek salatu dituzte ziztadak Baionan. Gainera, Bilbon, Santurtzin, Etxebarrin, Zierbenan, Zarautzen, Gasteizen eta Azpeitian ere gertatu dira kasuak, besteak beste, baina inon ez da substantzia toxikoen arrastorik aurkitu.
2022/07/31 - 11:34
Izaskun Landaida: "Ziztadengatik kezkatuta gaude, baina zuhurtziaz jokatu behar dugu"
Emakundeko zuzendariaren hitzetan, ziztadek emakumeen askatasuna mugatzen dute, eta jazoera horien gainean "zuhurtziaz eta zorrotasunez" informatu behar da.
2022/07/30 - 16:23
Sumisio kimikorako ziztadek ez dute etenik Euskal Herrian: beste 40tik gora azken orduetan
39 salaketa berri izan dira Baionako bestetan, beste bi Zarautzen eta beste hiru Algortako jaietan.
2022/07/30 - 12:53
79 emakumek ziztadak salatu dituzte Baionako bestetan, bi adingabek Zarautzen eta beste hiru emakumek Algortan
Sumisio kimikoko gutxienez beste zortzi biktima izan dira Euskal Herriko hainbat udalerritan, hala nola, Santurtzin, Gasteizen eta Iruñean. Algortako jaietan hiru emakumek jasandako ziztadak salatzeko elkarretaratzea egin dute larunbat arratsalde honetan.
2022/07/29 - 15:29
Gasteizko diskoteka batean emakume gazte bati egindako hirugarren ziztada bat ikertzen ari da Ertzaintza
Gazteak esan duenez, ziztada bat nabaritu du hiriko erdiguneko gaueko aisialdirako lokal batean ari zenean.
2022/07/22 - 22:23
Bi emakumek ziztada bana jaso dutela salatu dute Gasteizen
Emakumeek beraiek deitu dute larrialdi zerbitzuetara, Txagorritxura eraman dituzte, eta alta-medikua eman diete probak egin ostean. Orain, hartutako lagin horien azterketa sakonagoa egingo dute.
2022/07/12 - 14:12
Sanferminetan egindako ziztadengatik beste lau salaketa ikertzen ari da Polizia
Javier Remirez kontseilariak azaldu duenez, guztira zortzi salaketa aurkeztu dituzte beste hainbeste pertsonek, zazpi emakumek eta gizon batek. Kasu guztietan, sumisio kimikoko substantzietan negatibo eman dute analisiek.
2022/07/11 - 14:50
Lau emakumek salatu dute sanferminetan ziztadak jaso ondoren zorabioak izan dituztela
Foruzaingoak ikerketa abiatu du sumisio kimikoko kasu horiek ikertzeko. Nabarmendu duenez, emakumeoi ez diete sexu erasorik egin. Biktimei egindako analisiek negatibo eman dute. Enrique Maya Iruñeko alkateak esan du gertatutakoa "kezkagarria" dela eta azpimarratu du "oso adi" egongo direla.