Tabernak

2022/07/05 - 16:37

Txupinazorako 24 ordu baino gutxiago falta direnean, abiadura handiko prestaketak han eta hemen

24 ordu barru Iruñea jaiaren zurrunbiloan izango da. San Fermin jaiak lehertzeko bezperan, azken prestaketetan ari dira. Ostalaritzarentzat aste handia izan ohi da, eta gaur Iruñeko alde zaharraren irudia horren adierazle da.

2022/06/06 - 16:21

Sanferminetarako hilabete faltan, ostalariek arazorik gabe osatuko dute zerbitzari eta sukaldari plantilla

Jaiak erakargarriak dira oraindik langileentzat. Egun gutxitan, ordu asko sartuz, dirua ateratzen da. Baina, jaiak salbuespena dira. Pandemian, beste sektore batzuetara joan ziren ostalaritzako langileen % 3 ez dira bueltatu.

2022/06/03 - 16:42

Polemika Iruñean, Mayak Labriteko karpak kendu eta Gazteluko plazan 10 barra eta DJak jarriko dituelako

32 urteren ostean, karparik ez da izango aurtengo sanferminetan Labriteko aldapan. Horren ordez Gazteluko plazan barrak jartzea eskaini zaie. Ostalari gehienek ez dute batere gogoko asmo hori.

2022/06/02 - 11:27

Loiolako kuartelen lursaila "uda baino lehen" Udalaren esku geratzea espero du Eneko Goiak

Defentsa Ministerioarekin paperak elkar trukatzen ari direla eta negoziazioa "oso aurreratuta" dagoela argitu du Donostiako alkateak. Proiektuak dirutza eskatuko duela aitortu du: "Udalarentzat operazio garrantzitsua da, baina mereziko duelakoan nago".

2022/05/27 - 22:25

Zerbitzari profesionalak badaude, baina 10etik 8k uko egiten diote lanari soldata baxuengatik

Zerbitzaririk ez dute topatzen. Horrek ez du esan nahi hemen zerbitzaririk ez dagoenik. Sektoreari lan baldintza txarrak izatea leporatzen zaio, prekarizatuta egotea. Eduardo Alzola Galdakaoko Ostalaritza eskolako zuzendariak dio egoera hobetzeko zerbitzarien lana zaindu eta aitortu beharra dagoela

2022/05/22 - 19:58

Eusko Jaurlaritzak helegitea aurkeztuko du 2021ean ostalaritzaren itxiera baliogabetzen duen epaiaren aurka

Gobernuko zerbitzu juridikoen ustez, ebazpenak ez du justifikaziorik eta proportzionaltasun-printzipioa urratzen du.

2022/05/22 - 13:31

Javier Hurtado: "Aste Santuko turismo datuak oso positiboak dira, pandemia aurretiko datuetara itzuli gara"

Eusko Jaurlaritzako Turismo, Merkataritza eta Kontsumo sailburuaren hitzetan, "bi urte oso zailen ostean", joera positiboa da.

2022/05/17 - 22:42

"Pozik gaude ostalaritzaren aldeko sententziarekin"

2020ko abenduan ostalaritza zabaltzeko baimena eman zuen Jaurlaritzak, murrizketekin ordea. Dekretuaren kontra helegitea jarri zuten Arabako, Bizkaiko eta Gipuzkoako ostalaritza elkarteek. Urte eta erdi geroago, Euskadiko Auzitegi Nagusiak arrazoia eman die.

2022/05/17 - 15:33

Justiziak EAEko ostalaritzaren alde egin du 2020an inposatutako neurriengatik

Administrazioarekiko Auzietako Salak Euskadin ostalaritza lokalak mugatzen zituen disposizioak baliogabetu ditu, eta kostuak ordaintzera behartu du Jaurlaritza. Zupiriak esan du ebazpena aztertuko dutela hurrengo pausoa erabaki baino lehen.

2022/05/10 - 15:19

BilbaoDendak elkarteak hiriko saltokietan erosteko lehen opari txartela aurkeztu du

Txartela BilbaoDendak elkartearen webgunean eskuratu daiteke, eta hiriko 400 saltoki, taberna eta zerbitzu baino gehiagotan erabiltzeko balio du. Gisa honetako lehen opari txartela da Estatuan.

2022/05/02 - 17:29

Ekainaren erdialderako kenduko dituzte Donostian "covid terrazak"

Araua malgutu zuten establezimendu guztiek trantsizio-aldi bat izango dute. Era berean, Udalak etorkizunean udal-ordenantzan egin daitezkeen aldaketak aztertzeko borondatea adierazi du.

2022/05/02 - 16:56

"Covid terrazak" mantenduko dituzte Gasteizen

Iruñean ere sanferminak bitarte eutsi diote baimenari, eta Bilbon eta Donostian, aldiz, bertan behera uztea erabaki dute. Gainera, ordenantza berri bat onartu du Udalak, mahaitxo iraunkorrak jartzeko.

2022/04/30 - 21:41

Zer gertatuko da hiriburuetako "covid terrazekin" hemendik aurrera?

Gauerdian desagertuko dira pandemia garaian onartutako terrazak Bilbon. Donostian, bilera egingo dute astelehenean, erretiratzeko egutegia adosteko. Iruñean, dauden bezala mantenduko dira sanferminak arte eta Gasteizen orain arte bezala jarraituko dute.

2022/04/30 - 17:22

Bilboko ostalariek gauerdirako covid terrazak kendu beharko dituzte

Bilboko 333 behin-behineko terrazek azken orduak dituzte, izan ere, maiatzaren hasierarako kenduta egon behar dira. Denbora honetan jatetxe eta taberna askok bizirauteko balio izan dute horrelako terrazek, eta horregatik, ostalariek ez dute albistea pozik jaso.

2022/04/29 - 16:10

Pandemian jarritako terrazak "arrazoizkoa den epean", uda baino lehen, kendu nahi ditu Donostiako Udalak

Ostalariek, ordea, udara amaiera arte eutsi nahi diote. Eneko Goia alkatearen irudiko, "indarrean dagoen ordenantza ez betetzeko arrazoi bakarra salbuespen egoera da".

2022/04/27 - 23:21

Jatetxeetan alkoholik gabeko dieta mediterraneoa sustatzeko gomendioa eman du Osasun Ministerioak

Aholku sorta bat ematen duela errepikatzeko ohar bat igorri behar izan du Ministerioak. "Ez dira debekuak, beraz, gezurra da eguneko menuetatik ardoa edo garagardoa debekatuko dituztela", azpimarratu du.

2022/04/20 - 18:53

BECek nekazaritzako elikagaien industriako 7.000 profesional baino gehiago hartuko ditu maiatzaren 17tik 19ra

"The Foodtech Revolution" lelopean, bigarren edizioak 283 erakusketari hartuko ditu, eta nazioarteko 386 adituk Food 4 Future World Summiten hartuko dute parte.

2022/04/19 - 17:26

Enpresa askok dekretua argitaratu ostean erabakiko dute musukoarekin zer egin

Tabernetan banaketa handia dago, dendariak erabiltzen jarraitzearen alde agertu dira, eta enpresa handi askotan dekretua irakurri nahi dute erabakia hartu baino lehen.

2022/04/18 - 16:33

Nafarroako hotel eta landetxeak ia bete egin dira, baina tabernariek bezero gehiago espero zituzten

Nafarroako toki turistikoenak bisitariz lepo izan dira egunotan. Hotelak eta landetxeak ere bete dituzte. Ostiral eta larunbatean, adibidez, okupazioa % 100era hurbildu da.

2022/04/18 - 16:22

Hoteletako okupazio maila % 95ekoa izan da, eta ostalaritzak ere pandemia aurreko datuak lortu ditu

Oporren azken orduak ondo aprobetxatuta joan dira etxera turistak. Lanera bueltatzeko ordua iritsi zaie eta hoteletan mugimendu handia somatu da goizean.