Txina
2022/12/30 - 11:36
Bizitasun irudiak Txinako Guangzhou hirian
Txinako herritarrak normaltasuna berreskuratzen ari dira, koronabirusagatik jarritako murrizketak lasaituta.
2022/12/30 - 10:52
Txinatik datozen bidaiariek test negatiboa aurkeztu beharko dute Espainian sartzeko
Carolina Darias Osasun ministroak iragarri du test negatiboa edo txertaketa osoa eskatuko dutela. Neurri horiek hartuko dira Txinako kasuen gorakadari erantzuteko. Gaur, gainera, Alerten Ponentzia bilduko da, eskura dagoen informazioa partekatzeko.
2022/12/29 - 13:56
Orive: ''Txinakoa begiratzekoa da, aldaera berriren bat agertzen bada, baina mundu guztian gertatu dena da''
Gorka Orive ikertzailea eta EHUko irakasle titularraren ustez, herrialde askok hartutako neurriek, Txinak neurriak lasaitu ostean, gehiago dute geopolitikatik. Edozein kasutan, gizartea birusaren aurrean babestuta gaudela azpimarratu du.
2022/12/28 - 23:25
Txinak herrialdean sartzeko koarentena kenduko du, nahiz eta covid-19 kasuek gora egin
Txinak normaltasunera itzuli nahi du, eta covid-19aren aurkako neurriak lasaitzen ari dira jendeak bertara bidaiatzeko beldurrik izan ez dezan.
2022/12/27 - 11:58
Txinan sartzen diren bidaiariek ez dute berrogeialdirik egin beharko urtarrilaren 8tik aurrera
Osasun agintariek azaldu dute bidaiariek ez dutela osasun kode berderik beharko Txinan sartzeko (orain arte beharrezkoa zen); bai, ordea, 48 ordu lehenago egindako PCR negatiboa.
2022/12/26 - 11:28
Txinak covid-19aren kutsatze berrien eguneroko datuak argitaratzeari utzi dio
Birusaren hedapen azkarrak zifra ofizialen fidagarritasunari buruzko zalantzak sortu ditu. Lehen kasuak izan eta hiru urtera, ospitaleak, gorputegiak eta errausketa labeak gainezka daude berriz ere herrialdean.
2022/12/03 - 13:53
Txinako hiri handiak covidaren kontrako murrizketak arintzen hasi dira
Sun Chunlan ministroak azaldu duenez, birusaren patogenizitate baxuari esker eta herritarren txertatze tasa altuari esker, "pandemiari aurre egiteko neurriak malgutzea posible da, egoera ezberdina delako".
2022/12/01 - 21:55
Beñat Barberena, Txinan bizi den euskalduna: 'Jendearen haserrea eta nekea nabaritzen da'
"0 Covid" politika zorrotzak piztutako amorrua herrialdean ez da hainbat urtetan ikusi. Txinan bizi den euskaldun batekin egiaztatu nahi izan dugu. Beñat Barberena gorputz hezkuntzako irakaslearekin kontaktatu dugu. 3 urte daramatza han, eta bai, haserrea eta nekea badagoela onartu digu.
2022/11/30 - 11:16
Jiang Zemin Txinako presidente ohia zendu da 96 urte zituela
1993an bihurtu zen Jiang Txinako Herri Errepublikako presidente, eta 2003ko martxora arte bete zuen kargua. Bera izan zen "Merkatuko ekonomia sozialista" kontzeptua sartzearen arduradun nagusia.
2022/11/29 - 23:30
Txinako Gobernuak 'zero covid' politikari eutsi dio, protestak gorabehera
Txertaketa indartzeko prest agertu den arren, Txinako Gobernuak ez du "0 covid" politika alboratu nahi. Xi Jinpingen gobernuak atzerriko kazetariei Txinako arauek ezarritako mugen barruan informatu behar dela ohartarazi die.
2022/11/29 - 10:48
Polizia asko Txinan, murrizketen aurkako protesta gehiago saihesteko
Murrizketen aurkako azken egunetako protestak ez errepikatzeko helburuarekin, polizia ugari dabil Txinako kaleetan eta eremu hesituak areagotu egin dira herrialdeko hiri handienetan.
2022/11/29 - 08:48
Albiste izango dira: Saretzen Demografia, "Bai bakarrik da bai" legea eta protestak Txinan
Gaurkoan albiste izango direnen laburpena, hitz bitan.
2022/11/28 - 22:08
Zigor Aldama: 'Harrituta nago Txinako protestek kutsu politikoa hartu dutelako'
Zigor Aldama kazetari bilbotarra 21 urtez bizi izan da Txinan, eta herrialde horrekin lotura estua izaten jarraitzen du. Harrituta dago Zero Covid murrizketen aurkako protestetan aldaketa politikoak eskatu direlako, Xi Jinping presidentearen aurka jo dutelako.
2022/11/28 - 21:47
'Txinan honelako protestak ez dira ohikoak. Jendeak pazientzia galdu du, ez dute konfinamendu gehiagorik nahi'
Asteburuan milaka pertsonak konfinamenduen amaiera exijitu dute. Manifestatzaileen artean, kezka sentitzen da gaur. Batzuk ekonomikoki oso gaizki pasatzen ari dira pandemian. Psikologikoki ere, konfinamenduak eragin handia du.
2022/11/28 - 21:38
Txinako protestetan hainbat atxilotu izan dira, tartean bi kazetari
Txinan gertatzen ari diren ezohiko protestak lurralde osora zabaldu dira, eta Gobernua segurtasuna biderkatuz ari da haiek itotzeko ahaleginean. ''Zero covid" politikaren aurka altxatu dira milaka lagun, Tiannamengo erreboltetatik izan diren protestarik handienetan.
2022/11/28 - 11:46
Zer ari da gertatzen Txinan?
Txinako Gobernuak inposatu duen "covid zero" politikaren aurkako protestak herrialdeko hainbat hiritara iristen ari dira. "Ez dugu PCRrik nahi, askatasuna nahi dugu" oihukatzen dute manifestariek.
2022/11/27 - 15:43
COVID-19aren aurkako neurrien kontrako protestak Txina osora zabaldu dira
Manifestazioak ugaritu egin dira konfinatuta zegoen etxebizitza eraikin batean izandako sutean 10 pertsona hil ondoren.
2022/11/26 - 18:09
Protesta handiak Txinan, covidagatik konfinatutako eraikin batean piztutako sutean 10 pertsona hil ostean
Txinak ezarritako "zero covid" politikaren ondorioz eraikina eta auzoa konfinatuta zeuden, eta bizilagunak oso haserre daude egindako kudeaketarekin. Urumqi hirian milaka pertsonak agintarien aurka egin dute.
2022/11/24 - 15:13
Covid kasuek nabarmen egin dute gora Txinan eta neurriak zorroztu dituzte
Txinan covid kutsapen olde handia sufritzen ari dira azken egunetan. Bart 31.444 kasu zenbatu dituzte eta Beijingen ere, gaixoen zifra gorantz doala ikusita, neurri zorrotzenak sartu dituzte indarrean.
2022/11/23 - 23:32
Ehunka langilek konfinamendua apurtu dute 'Iphone hirian', murrizketen kontra
Goizaldean ihes egin dute konfinamendutik eta makilekin eta harriekin aurre egin diete covid neurrien zaintzaileei. Hainbat eraikinen eta kameren kontra ere egin dute, kalteak eraginez.