Bigarren Hezkuntzako LEPa 2018ko udara atzeratu dute Nafarroan
Nafarroako Derrigorrezko Hezkuntza Publikoan irakasle aritzeko lan eskaintza publikoa (LEP) 2018ko udan egingo dute azkenean. Lauko Gobernuak 2017an egin nahi zuen LEPa, baina Espainiako Gobernuaren Ogasun eta Hezkuntza Ministerioen "definizio eza" dela eta, deialdia atzeratzea erabaki du.
Jose Luis Mendoza Nafarroako Hezkuntza kontseilariak azaldu duenez, Ogasun Ministerioak baieztatu behar du berritze-tasa, eta aurreikusi dutenez, ez da ziurra hori aurten egitea. Hala, "ziurgabetasun" horren aurrean, zuhurtziaz jokatu nahi izan du Hezkuntza Kontseilaritzak deialdia atzeratuta.
Ikuskizun dago zenbat plaza aterako dituzten, berritze-tasaren araberakoa izango baita. Dena dela, Kontseilaritzaren aurreneko asmoa 247 postu ateratzea da: 162 gaztelerazkoak, eta 85, euskaraz.
Espainiako Gobernuaren jarrerarekin kritiko
Nekane Oroz Nafarroako Unibertsitate eta Hezkuntza Baliabideen zuzendari nagusia alboan duela eskaini du prentsaurrekoa Mendozak. Kontseilariak azaldu duenez, LEParen plaza kopurua zehazte aldera izapide eta eskari ugari egin ditu Nafarroak, eta prozesu "luze eta polemiko" horren ostean, Espainiako Gobernuak behin betiko erantzunik eman ez diela salatu du.
Hezkuntzako Konferentziaren pertsonal batzordearen azken batzarrean, otsailaren 8an, izan zuten bi aldeek azken hartu-emana. Hezkuntza Ministerioko ordezkariek iradoki zietenez, "litekeena zen Aurrekontuak 2017ko udara arte ez onartzea, eta berritze-tasa zehaztuko lukeen dekreturik edo bestelako bitarteko juridikorik egiteko asmorik ez zuten agertu".
Hala, "definizio falta" horren aurrean, eta prozesuaren berme juridikoa kolokan egonda, deialdia atzeratzea erabaki du Hezkuntza Kontseilaritzak.
"Gobernu honentzat berebiziko garrantzia dute balizko oposiziogileek, ez dugu LEPa deituko lanpostu kopurua errekurrituko ez dutela ziurtatuta eduki gabe", esan du Nekane Orozek. Bere hitzetan, oposizio batzuk prestatzeak ahalegin ekonomiko, pertsonal eta familiarra dakar, eta horri garrantzi handia ematen dio gobernuak.
Orozek salatu duenez, "Espainiako Gobernuaren jarrera oso txarra izan da gai honetan, oposiziogileen eta euren eskubideen aurrean axolagabeki jardun duelako".
Atzeratzeak badu alde onik
LEPa 2018ra atzeratzeak alde positiborik baduela uste dute, ordea, Nafarroako Hezkuntza arduradunek. Gainerako erkidegoek ere 2018an egingo dituzte oposaketak, eta, hala, erkidego horietako oposiziogile gutxiago izango da Nafarroan.
Horrez gain, berritze-tasa pilatuta, eta Bigarren Hezkuntzako lanpostuak Lehen Hezkuntzakoekin batera eskainiko dituzte. Horrek sindikatuekin adostutako LEP bati ateak zabaltzen dizkio, Orozen hitzetan.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".