'Gobernua bata ala bestea izan' pentsioak defendatu dituzte milaka erretirodunek
Milaka erretirodunek eta pentsiodunek elkarretaratzeak eta manifestazioak egin dituzte berriro astelehen honetan, hiriburuetan. “Gobernua bata ala bestea izan” pentsioak defendatu dituzte manifestariek, baita 1.080 euroko “gutxieneko” pentsioa ere.
Protestarik jendetsuena Bilbon izan da. Milaka pertsonak manifestazioa egin dute udaletxetik Moyua plazara, “Pentsio duinak bermatzen dituen sistema publiko baten alde” lelopean.
“Gobernua bata ala bestea izan, pentsioak defendatu”, oihu egin dute manifestariek behin eta berriro, baita “pentsioak irabazitako eta ordaindutako eskubide bat dira” ere. Era berean, “lan erreforma atzera botatzea” eskatu dute parte-hartzaileek.
Iragan urtarriletik, astelehenero Bilboko udaletxearen aurrean elkarretaratzea egin dute pentsiodunek. Gaur, ordea, manifestazioa egitea erabaki dute erretirodunek, udaletxetik Moyua plazara.
Espainiako Gobernuak Bizkaian duen Ordezkaritzaren egoitzatik pasa direnean, manifestariek oihu egin dute: “Lapurrak erakundeetatik kanpora” eta “borroka hau irabaziko dugu”, errepikatu dute pentsiodunek eta erretirodunek.
Ehunka pentsiodun Gasteizen. Argazkia: EFE
Gasteizen, ehunka pentsiodunek manifestazioa egin dute hiriko kaleetan, “Pentsio publiko duinak” lelopean. Besteak beste, “Gobernua bata ala bestea izan, pentsioak defendatu” edo “1.080 euro baino gutxiagorekin ez dira kontuak ateratzen” oihu egin dute manifestariek.
Nahiz eta Gobernua aldatu, mezuak berdina izaten jarraitzen duela ziurtatu du Elena Arce kolektiboko bozeramaileak kazetarien aurrean: “pentsio publikoak indartzea”. Bestalde, Pedro Sanchezen Exekutiboak jaramon egiteko itxaropena agertu du Arcek.
EAJren egoitzatik, Eusko Legebiltzarretik eta Arabako Foru Aldunditik pasa dira pentsiodunak astelehen honetan. Aurrekontuen negoziazioan, jeltzaleek izandako jarrerarekin “desengainua” hartu dutela azpimarratu dute manifestariek.
Pentsioak alderdien arteko negoziazioaren menpe egon behar ez direla esan dute manifestariek, eta EAJri “bustitzeko” eskatu diote, “aurrean” baino, aldamenean jarriz. Gainera, 1.080 eurora arte, pentsio baxuenak osatzeko eskatu diote Eusko Jaurlaritzari.
Donostian, Alderdi Eder Pentsiodun eta Erretirodunen Batzarrak astelehenero udaletxearen aurrean egin ohi duen elkarretaratzea, Gipuzkoako Aldundiko Jauregiaren arkupean egin behar izan dute gaur euri-jasengatik.
Manifestariek pankarta handi bat eraman dute. Minutuak eman dituzte foru erakundearen aurrean. Maria Serrano Alderdi Eder Pentsiodunen Batzarreko bozeramaileak adierazpen bat irakurri du, aldarrikapen nagusiak zerrendatuz.
Euria zela medio, Donostiako erdigunetik manifestazioa ez egitea erabaki dute. Astero elkarretaratzearen ondoren Boulevardera arte manifestazioa egiten dute pentsiodunek.
Zure interesekoa izan daiteke
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.