EAEk New Yorkeko ordezkaritza bat hartuko du 2020an
Iñigo Urkullu lehendakariak Phil Thompson New Yorkeko alkateordea eta James Sanders New Yorkeko estatuko senataria EAEra etortzera gonbidatu ditu, Eusko Jaurlaritzak EAEn ezarritako ekonomia soziala ezagut dezaten "Learning Tour batean".
Hala adostu dute astelehen honetan lehendakariak New Yorkeko Udaleko zein estatuko ordezkariekin egindako bileran, EAEko gizarte-ekonomia ereduan sakondu eta New Yorkeko herritarrei eskaini nahi baitiete.
Bilera New Yorkeko udaletxean izan da, eta Eusko Jaurlaritzako ordezkaritza bat bertan izan da bisita ofiziala egiten.
Urkulluren esanetan, bileran EAEko ekonomia eta gizarte ereduaren nondik norakoak jorratu dituzte, baita EAEk eta New Yorkek "komunean dituzten puntuak" ere. Horrenbestez, New Yorkeko hiria eta estatua gonbidatu ditu eredu horren ezagutzan sakontzeko. Bisita hori datorren urtearen hasieran izango dela jakinarazi du lehendakariak.
New Yorkeko ordezkariek, esaterako, EAEko ekonomia soziala zein espezializazio adimenduna eta adimen artifizialaren ingurukoak ezagutu nahi dituzte, baita hezkuntza, hirugarren adinekoei eskainitako gizarte-laguntza eta ekoizpen-ekonomiaren nondik norakoak ere.
Bilera "oso emankorra" izan dela eta enpresen arteko zein enpresa pribatu eta administrazio publikoen arteko harremana sendotzeko balio izatea espero duela esan du lehendakariak.
Bestalde, New Yorkeko alkateordearen hitzetan, EAEko ereduari esker, "asko ikasi dut berrikuntza sozial eta ekonomikoaz". "Elkarrekin lan egiten hasteko desiratzen gaude, gure herriarentzat ekonomia sozial sendoa ezarri nahi baitugu", gaineratu du.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.