CEOE patronalak lan-erregulazioko espedienteak luzatzeko proposamena babestu du
CEOE Espainiako Enpresa Erakundeen Konfederazioko Batzorde Betearazleak Espainiako Gobernuaren proposamena onartzea erabaki du astearte honetan, aldi baterako lan-erregulazioko espedienteak luzatzeko, eta, beraz, Ministroen Kontseiluan onartuko dute gaur, gizarte eragileen adostasunarekin.
Espainiako Enpresa Erakundeen Konfederazioak ohar baten bidez azaldu duenez, Batzordeak "eztabaida zabal baten ostean" hartu du erabakia, "gaur goizeko lehen ordura arte luzatu diren negoziazio gogorren ostean".
Azken proposamenak "COVID-19aren krisiaren eraginpean dauden enpresa guztiak ordezkatuta sentitzen diren akordio bat islatzen du", gaineratu du.
Gobernuak astearte honetan onartuko du lan-erregulazioko espedienteen baldintzak luzatzea; izan ere, neurri hori akordio sozialarekin edo gabe hartzeko asmoa zuen, gizarte eragileekin negoziazio luzeak izan ostean eta gaur goizean azken proposamena euren gobernu-organoen esku utzi ostean.
CEOE Espainiako Enpresa Erakundeen Konfederazioaren eta CEPYME Espainiako Enpresa Txiki eta Ertainen Konfederazioaren ustez, akordio horrek "ahalik eta enpresa eta enplegu gehienen jarraipena bermatuko du".
Negoziazioaren iturriek azaldu dutenez, enpresaburuek Gizarte Segurantzari aldi baterako lan-erregulazioen eraginpean dauden langileengatik egiten dizkioten kotizazioen inguruko proposamena hobetu egin du Espainiako Gobernuak. Hala ere, korapilo nagusia aldi baterako lan-erregulazioen baldintza horiek zein sektoretara aplikatuko diren erabakitzerakoan etorri da.
Sektore horien artean, turismoarekin eta garraioarekin loturikoak lehenetsiko dira, eta % 75 eta % 85 arteko bonifikazioa izango dute kuotetan, enpresaren tamainaren arabera.
Zerrenda horretatik kanpo geratzen diren sektoreei berragerraldiko ERTEen aukera geratuko zaie. Espainiako Gobernuak hobetu egin ditu kasu horietarako kotizazioen salbuespenak.
Gainerakoan, langabeziagatiko prestazioaren zenbatekoari eutsiko zaio, eta sei hilabetetik aurrerako murrizketa hori bertan behera geldituko da. Gainera, aldi baterako lan-erregulazioan dauden langileek soldata gordinaren % 70 jasoko dute.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.