Jaurlaritzak eta Eudelek 497 lanpostuko lan eskaintza publikoa iragarri dute Ertzaintzan eta Udaltzaingoan
Eusko Jaurlaritzak eta Eudelek 497 lanpostuko Lan Eskaintza Publikoa (LEP) iragarri dute 2022rako Ertzaintzan eta Udaltzaingoan. Datorren astelehenean zabalduko da izena emateko epea eta otsailaren 11ra arte irekita egongo da. Interesa dutenek arkauteakademia.eus webgunean eman beharko dute izena.
497 lanpostu horietatik 424 Ertzaintzarako izango dira, eta gainerako 73ak, EAEko 32 udalerritako Udaltzaingorako. Hautaketa prozesuak irauten duen bitartean lanpostu hutsak sortuko balira kopurua handitzeko aukera egongo da.
Hauek dira udaltzain izateko lanpostuak eskaintzen dituzten 32 udalerriak: Abadiño (1 plaza), Zornotza (1) Amurrio (2)Arrasate (2) Bakio (1) Balmaseda (1) Barakaldo (2) Basauri (2) Berango (2) Bilbao (7) Donostia (1) Durango (1) Eibar (2) Erandio (2) Errenteria (10) Galdakao (4) Getxo (6) Gorliz (1) Hondarribia (1) Irun (1) Lasarte-Oria (1) Laudio-Llodio (3) Markina-Xemein (1) Mungia (2) Muskiz (1) Pasaia (2) Tolosa (1) Vitoria-Gasteiz (2) Zarautz (1) Zumarraga (4) Sondika (3)Zierbena (1).
Datak
Lehenengo azterketak, teorikoak, 2022ko udaberrian hasiko dira, eta Euskal Poliziako agenteen promozio bateratu honetan lanpostua lortzen dutenek aurtengo udazkenean abiatuko dute formazioa. Gero, 2023an sartu ahal izango dira bakoitza dagokion polizia-kidegoan.
Baldintzak
- Adina: 18 urte baino gehiago eta 38 baino gutxiago izatea.
- Gutxieneko altuera: Gizonek 1,65 metrotik gora neurtzea eta emakumeek 1,60tik gora.
- Ikasketak: Batxilergoko titulua edo kidekoa, edo goragoko titulu bat izatea.
- Lanpostuari dagozkion baldintza guztiak betetzea: euskara-maila, gidabaimena, etab.
Informazio gehiagorako, kontsultatu EAEko Aldizkari Ofiziala.
Zure interesekoa izan daiteke
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.
2.000 pertsonak baino gehiagok eman dute izena Osakidetzaren Bizi programan, suizidioa prebenitzeko
Osasun Sailak ekimen berriak jarri ditu martxan Euskadin suizidioaren aurrean, hala nola familiei eta irakasleei zuzendutako online prestakuntza bat, alerta-seinaleak garaiz detektatzeko. Suizidio-saiakera berrien jarraipen-protokoloak, berriz, 4.000 pertsona inguru artatu ditu jada.