Ertzain eta udaltzain izateko 751 lanpostu eta 5.138 hautagai
18 udalerritako udaltzain eta ertzain izateko 751 lanpostutara 5100 hautagai baino gehiago aurkeztu dira. Hautaprobak Bilbao Exhibition Centerreko (BEC) lau pabiloitan egin dituzte.
6421 pertsonak (4531 gizon eta 1890 emakume) eman zuten izena hautaprobak egiteko, baina azkenean 5138 aurkeztu dira larunbat honetan, BECen.
Hautaproben "helburu hirukoitza" azpimarratu du Josu Erkoreka lehendakariorde eta Segurtasun sailburuak: langileen gazteagotzea bermatzea, EAEko polizietan "emakumearen presentzia areagotzea" eta euskara herritarrekin harremana izateko hizkuntza bihurtzea.
Ertzainen % 15-20k 55 urte inguru dituzte, beraz, "belaunaldia berritzea ezinbestekoa" da, Erkorekak azaldu duenez. Horretarako, Sailak "urtero deialdi bat egiteko" asmoa duela nabarmendu du lehendakariordeak.
Bestalde, ertzainen % 30 emakumeak izateko, "lehen fasean" emakumeen sarrera "areagotzeko" eta "bultzatzeko" hartutako neurriak azpimarratu ditu Erkorekak. "Une bakoitzean xedeak zeintzuk diren modu zehatzagoan" finkatzeko egitasmo bat egiten ari direla erantsi du.
Andres Zearreta Arkautiko Akademiako zuzendaria hautaprobekin pozik agertu da, eta izena eman duten pertsonen zein azkenean BECen aurkeztu diren hautagaien kopurua "arrakasta" direla uste du.
Covid-19aren aurkako neurriak "oso zorrotz" bete dituztela nabarmendu du Zearretak. Horretarako, BECen sei pabiloi erabili dituzte, aforoaren % 50 betetzeko, 1286 pertsona pabiloi bakoitzeko, hain zuzen ere.
Eusko Jaurlaritzak eta EUDELek egiten duten bigarren hautaproba prozesu bateratua da, Ertzaintzako eta udaltzaingoetako lanpostuak betetzeko.
Oraingoan Azkoitia, Basauri, Bermeo, Bilbo, Donostia, Durango, Etxebarri, Getxo, Hondarribia, Irun, Laudio, Lekeitio, Pasaia, Portugalete, Tolosa, Gasteiz, Zarautz eta Zumaiako udalek eskaini dituzte udaltzain lanpostuak.
Larunbat honetako azterketak psikoteknikoak eta teorikoak izan dira. Proba kanporatzaileak izan dira, hau da, gainditzen dituztenak bakarrik pasako dira hurrengo fasera: proba fisikoak eta elkarrizketa pertsonalak. Horiek askoz jota bi hilabete barru izango dira.
Zure interesekoa izan daiteke
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.
Global Sumud Euskal Herria: "Tirokatu gaituzte eta bueltatzeko agindu digute, baina aurrera jarraitzea erabaki dugu"
Israelgo soldaduak ontzira igo eta miaketa sakon bat egin dute Global Sumud Euskal Herriako aktibista batek zehaztu duenez. Soldaduen jarrera kritikatu dute eta gure artean Israelek dituen "konplizeak" ere aipatu dituzte.
Osakidetzak ebakuntza itunpeko zentroetan egiteko aukera eskainiko die 6 hilabete baino gehiago zain egondako 1.800 pazienteri
Alberto Martinezen hitzetan, Espainiako Osasun Ministerioa "Estatutu Markoa berritzeko moduan ez badago", Euskadi prest dago transferentziari ekiteko.
B1 maila lau urtean eta 120 euroren truke lortzeko Euskara Bonua aurkeztu du Eusko Jaurlaritzak
Ibone Bengoetxea lehendakariordeak laburbildu duenez, doakotasun politika horren jauzia "hirukoitza" da; izan ere, "burokrazia murrizten du" izapide bakar batera; ikaskuntzaren kostu osoa "nabarmen murrizten du", "% 95eraino"; eta, azkenik, "lau urteko aukera" edukitzea "pizgarria" da, ikasleek B1 maila lortu arte jarrai dezaten.