'La Suizako 6ak' erabat aske uzteko eskatu dute, hirugarren gradua lortu ostean
CNT sindikatuak elkarretaratzeak egin ditu Bilbon eta Donostian, 'La Suizako 6ak' ezizenez ezagun egin diren sei sindikalisten alde. Izan ere, bost emakume eta gizon bati kartzela zigorrak ezarri dizkiete Gijongo 'La Suiza' gozotegiaren aurrean, langile baten kaleratzearen aurka, protestak eta mobilizazioak egiteagatik.
Protesta Bilbon, Arriagaren aurrean, larunbat honetan. Argazkia: Europapress
Dozenaka pertsonak hartu dute parte larunbat honetan Asturiasko sei sindikalistentzat, "La Suizako 6ak" bezala ezagutzen diren bost emakume eta gizonezko batentzat, "askatasun osoa" eskatzeko deitu diren elkarretaratzeetan, atzo hirugarren gradura igaro zituztela jakin eta gero.
Uztailaren 10etik kartzelan dira sei pertsona horiek Auzitegi Gorenak berretsi ondoren hiru urte eta erdiko kartzela zigor bana bete beharra daukatela: bi urte justizia oztopatzeagatik eta urte eta erdi mehatxu edo beldurra eragiteagatik. Halaber, Gijongo La Suiza gozotegiko jabeari 150.000 euroko kalte-ordaina ordaintzera ere zigortu zituzten.
Zigortuak CNT sindikatuko kideak dira eta sindikatu horrek zein sei pertsona horiek laguntzako taldeak antolatu dituzte kontzentrazioak. Pozik agertu dira hirugarren gradua eman dietelako, eta "mobilizazioari esker lortutako aurrerapausotzat" jo dute, baina manifestazioekin jarraituko dutela iragarri dute, neurri hori "ez delako nahikoa".
Herminia Gonzalez asturierazko 'Grupu sofitu 6 de la Suiza' izeneko taldearen bozeramaileak adierazi duenez, sei lagun horiek "kalean egon beharko lukete, sindikalismoa egin zutelako eta deliturik egin ez zutelako", eta erakunde sindikal, sozial eta politikoek eskatutako indultu eskaera premiaz izapidetzeko eskatu dio Espaniako Gobernuari.
Joan den uztailaren 10ean espetxeratu ondoren, Yolanda Diaz presidenteorde eta Lan ministroak esan zuen dagoeneko lanean ari zela "Gobernuaren barruan, indultua lehenbailehen irits dadin", eta azpimarratu zuen "sindikalismoa eskubidea dela, ez delitua", eta, beraz, "demokrazia batean inork ez duela espetxean egon behar lan eskubideak defendatzeagatik".
Diazek uztailaren 4an Asturiasera egindako bisita aprobetxatu zuen sei pertsona horiekin biltzeko, eta orduan esan zuen "eskandalizatuta" zegoela "demokrazian inoiz gertatu ez den" zerbaitengatik.
Podemosek, ERCk, EH Bilduk eta BNGk legez besteko proposamen bat erregistratu zuten asteazkenean Diputatuen Kongresuan, Gobernuari indultua eskatzeko. Asturiasko Gobernuak ere babesten du eskaria baita 20 sindikatuk baino gehiagok ere.
Protestak Euskal Herrian
CNT sindikatua Bilbon eta Donostian mobilizatu da larunbat honetan, ostiralean Barakaldon eta Iruñean egin ondoren.
Euskadin antolatutako elkarretaratzeetan sindikatuek, mugimendu sozial eta politikoek parte hartu dute. Bilbon konpartsakideak ere izan dira.
Ohar batean, CNTk azpimarratu duenez, "Suitzako 6en hirugarren gradura igarotzeak agerian uzten du langileek beren eskubideak defendatzeko kaleak hartzen dituztenean beti lor daitezkeela helburuak. Desmobilizazioak porrota baino ez du ekartzen. Borrokak eta elkartasunak bakarrik ahalbidetzen digute klase gisa aurrera egitea ".
Larunbat honetan Gijonen egindako protestaren irudia. Argazkia: EFE
Gatazkaren jatorria
2016ko ekainean izan zuen sorburua gatazkak, La Suiza gozotegiko langileetako bat gaizki sentitzen hasi zenean, epaian jasotzen denez. CNTk azaldu du bere arduradunari etxera joateko baimena eskatu ziola, baina honek uko egin ziola. Langilea haurdun zegoen eta haurra galtzeko beldur zen. Bikotekideari deitu zion, eta hura gozotegira agertu zen. Jabearekin eztabaidan ari zela, hozkailuetako bat hondatu zuen, esku-kolpe batez. Jabeak salaketa jarri zuen gizonaren aurka bere lokalean mehatxuak eta kalteak eragiteagatik, eta emakumeak baja hartu zuen umea galtzeko arriskuagatik.
Ondoren, langilea amatasun-bajan zegoela, CNT sindikatura jo zuen kaleratzea negoziatzen lagun ziezaioten, ez zuelako berriro gozotegira lanera itzuli nahi. Sindikatuak 6.000 euro inguruko kalte-ordaina eskatu zuen (aparteko orduak, opor egunak, bidegabeko kaleratzea...) eta bikotearen aurkako salaketa kentzea, baina jabeak ez zuen onartu.
CNTk elkarretaratzeak antolatu zituen gozotegiaren aurrean. Epaiak zehazten duenez, "langileak akusatuekin bat egin zuen enplegatzaileari eta haren familiari presio egiteko kanpaina bat hasteko": sare sozialen bidez elkarretaratzeak deitu zituzten establezimendu aurrean, pankartekin, enpresaburuaren aurkako paskinak banatu zituzten, eta bideo bat zabaldu zuten, laneko jazarpenagatik eta sexu jazarpenagatik salatuz, besteak beste.
Auzitegi Gorenak berretsi duen epaiaren arabera, jabeak negozioa itxi behar izan zuen presioagatik eta hiriz aldatu behar izan zuen, eta horrek kalte ekonomiko eta psikologikoa eragin zuen. Hori dela eta, 150.000 euroko kalte-ordaina ezarri die, jada ordaindu dutena -zati bat sindikatuak jarrita eta beste bat herri ekimenari esker-, CNTren arabera. Nolanahi ere, sindikalistek diote gozotegia salgai zegoela gertakariak gertatu aurretik ere.
Zigortuen abokatuek defendatu zuten guztia 2016an eta 2017an gertatu zela, eta gaur egun auzipetu guztiak gizartean txertatuta daudela, lana, familia eta seme-alabak dituztela eta bizitza etengo zaiela espetxean sartzeagatik. Epaileak ez zituen, ordea, alegazioak kontuan hartu eta berehala espetxeratzea erabaki zuen. Uztailaren 10ean sartu ziren espetxean.
Zure interesekoa izan daiteke
Arropagintza azkar eta merkearen gaineko zerga berria ezarri dute Frantzian
Sheinek eta Temuk, besteak beste, jantzi bakoitzeko 50 zentimo eta 12 euro arteko zigor-tasak ordaindu beharko dituzte gaurtik aurrera.
Dieselaren prezioaren deskontua 20 zentimora igo da litroko; gasolinaren prezioaren gainekoa, ordea, 5 zentimora jaitsi
Gasolioaren prezioaren gainean ezarritako beherapen fiskala bikoiztu egingo da gaurtik aurrera, eta gasolinaren gainekoa, berriz, erdira murriztu.
Eusko Jaurlaritza abeltzainekin bilduko da berriro arratsaldean, lehortearen eragina aztertzeko
Nekazaritza elkarteek eta sindikatuek, besteak beste, EAE lehorte-eremu izendatzea nahi dute, eta neurri bereziak hartzea. Bilera 16:00etan izango da, Eusko Jaurlaritzaren Gasteizko egoitza nagusian.
Garamendik (CEOE) uste du “hipererregulazioa” sektore digitalaren “drama handia” dela
Adierazi du gai honetan ez dela komeni eremu publikoa "buru" izatea, enpresen "laguntzaile" baizik.
Nafarroako adinekoen egoitzetako lehen lan-hitzarmena sinatu dute sindikatuek eta patronalak
Bost urte baino gehiago negoziatzen eman ondoren, gaur izenpetu dute hitzarmena sindikatuek eta patronalak. 5.000 langileri baino gehiagori eragingo die itunak.
Argindarraren faktura %19 garestitu da abuztuan, eta 2022tik izan duen mailarik altuenera iritsi da
Bero-boladetako eskariaren gorakadak eta gas naturalaren prezioaren igoerak erabiltzaileen batez besteko ordainagiria 14 euro inguru garestituko dute.
Asteartean jarriko da indarrean dieselaren prezioaren gaineko 20 zentimoko beherapena
Orain arte litroko 10 zentimo merkatzen zen. Erregaiaren garestitzeari aurre egitea da neurriaren helburua, uztailean % 15,7koa izan baita.
Aurtengo iraileko aldapa azken urteetako gogorrenetako izango da
Laneko itzulerarekin batera, Euskal Herriko familiek beste errealitate bati egin behar diote aurre. Izan ere, aurtengo iraileko aldapa azken urteetako gogorrenetakoa izango da. Horren erakusle, inflazioa, %4,3an kokatu da, 2023ko otsailetik ikusi gabeko zifra..
Mingain urdinaren beste foku bat atzeman dute Irungo ardi-ustiategi batean
Gaixotasun birikoa da, Reoviridae familiakoa, eta etxean zein modu basatian bizi diren hausnarkariei eragiten die.
Indarrean da erretiro malgua arautzen duen erreforma Hego Euskal Herrian: pentsioa eta soldata, biak, jaso ahalko dira
Berritasun gisa, langile autonomoek ere erretiro malgua eskatzeko aukera izango dute. Izan ere, orain arte soldatapeko langileek soilik eskatu ahal zuten.