Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Etxeko hegaztien ustiategietan iazko azaroan ezarritako konfinamendua kentzea erabaki du Espainiako Gobernuko Nekazaritza, Arrantza eta Elikadura Ministerioak, hegazti gripe kasuen bilakaerak hobera egin duela eta. Azken 15 egunetan ez da kasu berririk atzeman.
Nolanahi ere, Estatuko Aldizkari Ofizialean gaur zabaldutako aginduaren arabera, ez da toki guztietan altxatuko neurria. Zaintza eta arrisku bereziko guneetan eutsi egingo diote konfinamenduari, eta egoera horretan daude Nafarroako 12 udalerri —Tutera, Tafalla, Arguedas, Valtierra, Corella, Ablitas, Zarrakaztelu, Murchante, Viana, Cascante, Barillas eta Pitillas— eta Euskal Autonomia Erkidegoko, zazpi — Arratzua-Ubarrundia, Barrundia, Burgu, Legutio, Gasteiz eta Zigoitia—.
Animalien Osasunerako Munduko Erakundeak otsailaren 10ean jakinarazi zuen Espainiako Estatua hegazti gripea gaitzaren "kutsatze maila altua izateko arriskutik kanpo" zegoela, baina hainbat prebentzio neurriri eustea gomendatu zuen, hegazti migratzaileen joan-etorriek sor ditzaketen arriskuen aurrean.
"Sektorerako, arnasa"
Eusko Jaurlaritzak eta foru aldundiek "positibotzat" jo dute Espainiako Gobernuak hartutako erabakia. "Hainbat hilabetetako prebentzio-murrizketen ondoren", sektoreak "arnasa" hartuko duela uste dute.
"Malgutzea egoera epidemiologikoa hobetu ondoren dator, eta ustiategi askoren jardueran nolabaiteko normaltasuna berreskuratzea ahalbidetuko du", dio erakundeok zabaldu duten oharrak. Harik eta egoera bere onera etorri arte, epidemiaren bilakaera "adi" jarraituko dutela azaldu dute.
Bestalde, dermatosi nodular kutsakorraren (DNK) aurkako txertaketa EAE osora zabaltzeko eskariari "Ministerioak behin eta berriz uko" egin ondoren, Jaurlaritzak eta aldundiek jakinarazi dute "bide berriak aktibatzea" erabaki dutela, egoerari aurre egiteko.
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".