Frantzisko aita santuak Kardinalen Kontseiluarekin bilerak hasi ditu
Frantzisko aita santuak zortzi kardinalek osatutako kontseiluarekin bilerak hasi ditu gaur. Kuria edo Eliza katolikoaren gobernua berritzea da bilera horien helburu nagusia.
"Gaur hasiko dugun lan honek umilago, eraman handiagoko pertsonak egingo gaituela uste dugu. Halaber, Jainkoarengan konfiantza areagotzea espero dugu. Horrela jendeak Eliza hau ikusita guregana etortzeko gogoa izatea nahiko genuke", esan du Frantzisko aita santuak Andre Maria elizan eman duen mezan.
Hiru egunetan zehar, aita santua eta zortzi kardinalak (Giuseppe Bertello, Francisco Javier Errázuriz Ossa, Oswald Gracias, Reinhard Marx, Laurent Monsengwo Pasinya, Sean Patrick O'Malley, George Pell eta Andrés Rodríguez Maradiaga) goiz eta arratsalde egongo dira bilduta.
"Elizaren G8a" izango den talde hori kontsulta tresna gisa erabili ahal izango du Frantziskok bere aitasantutzan.
Frantzisko: "Gortea aitasantutzaren legenarra da"
Zortzi kardinalen kontseiluak Eliza eraldatzeko lanak hasi dituen egun berean, La Repubblica egunkariak bere sortzaile Eugenio Scalfariren eta Frantzisko aita santuaren arteko hiru orrialdeko elkarrizketa bat argitaratu du.
Testu horretan, Jesusek emandako aholkuei buruz hitz egiten ari direla, kazetariak "nartzisismoa" aipatzen dio aita santuari. "Niri ez zait hitz hori gustatzen", erantzuten dio Frantziskok. "Norbere burua gehiegi maitatzea esan nahi du. Arazo hori jasaten duten pertsona gehienek botere handia izatea da benetako arazoa. Askotan, buruzagiak nartzisistak izaten dira".
Scalfarik "Elizako goi kargudun asko" horrelakoak izan direla aipatzen dio aita santuari, eta honela erantzuten dio Frantziskok: "Badakizu zer pentsatzen dudan horri buruz? Elizako buruzagiak askotan izan dira nartzisistak, euren gortesauek lausengatuak. Gortea aitasantutzaren legenarra da".
Albiste gehiago gizartea
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.