Hezkuntza eragileek eta Jaurlaritzak garatuko dute euskal curriculuma
Hezkuntza eragileek Eusko Jaurlaritzarekin batera hezkuntza curriculuma eta EAEko Hezkuntza Legea garatzea adostu dute.
Curriculumaren zein Legearen edukia 'Heziberri 2020' ekimenaren baitan eztabaidatuko dute. Ekimena Hezkuntza, Hizkuntza Politika eta Kultura Sailak sustatutako plana da, hezkuntza hobetzeko eta kalitatezko hezkuntza sistemari ekarpena egiteko asmoz.
Cristina Uriartek zuzentzen duen sailak ohar baten bidez iragarri du hezkuntza eragileek parte hartzeko erabakia hartu dutela, sailburua eta sektoreko zenbait ordezkari Gasteizen bilduta izan ostean.
Topaketan, besteak beste, honakoak izan dira: Erkide Irakaskuntza eskola publikoko gurasoen elkarteek osatutako federazioen ordezkariak; Kristau Eskola hezkuntza pribatuko patronalaren ordezkariak; Sarean Haur eta Lehen Hezkuntzako zentro publikoetako elkarteko kideak; Bigarren Hezkuntzakoak; eta Euskadiko hezkuntza kooperatiba eta unibertsitate federazioen kideak.
Sailburuak aurreko ostiralean, Legebiltzarreko kontrolerako saioan, iragarri zuen ez zutela aurretik sektoreko eragileekin eta alderdi politikoekin adostuta ez zegoen curriculumik onartuko.
Eztabaidaren helburua, horren esanetan, hezkuntzaren inguruan akordio bat lortzea da, aldaketa politikoek eragingo ez dioten hezkuntza sistema egonkor bat adosteko eta berdintasuna bermatzeko.
Sindikatuen kritika
ELA eta STEE-EILAS sindikatuek euskal curriculuma garatzeko lanean langileen ordezkariek parte ez hartzea kritikatu dute, eta "informazioa, gardentasuna eta benetako partaidetza demokratikoa" eskatu diote Hezkuntza Sailari.
ELAren aburuz, "oso larria" da horrelako ekimenenetan sindikatuek parte ez hartzea, eta Jaurlaritzak sindikatuak aintzat hartu ez izana kritikatu du. STEE-EILAS sindikatuaren aburuz, "deigarria" da "hezkuntza eragile" kontzeptuak langileen ordezkaritzarik ez hartzea bere baitan.
Albiste gehiago gizartea
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.
Erretzea debekatuta, Iparraldeko parke eta hondartza publikoetan
Eskola inguruak, autobus geltokiak eta kiroldegiak ere debeku horren barruan daude. Hala ere, tabernetako terrazetan ez da debekua ezarri, eta neurriak ez die bapeagailu eta antzekoei eragiten.
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago, atxiloturi, beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok okerrago egiten du lo, maila zentralean gure tenperatura jaitsi egin behar delako lo hartzeko, eta egun hauetako beroarekin zailagoa da. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea: min iraunkorra tratatu bai, baina mendekotasuna saihestuta.
EHUk irudi berria aurkeztu du, Chillida Lekun
Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute, eta Leire Berasaluzek abestu du.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.