Ebakuntzetarako itxarote-zerrendak iaz baino laburragoak dira Euskadin
Osakidetzan ebakuntza bat egiteko, batez beste, 50 egun itxaron behar da, iaz baino hiru egun gutxiago, gaur Jon Etxeberria Osakidetzako zuzendari nagusiak adierazi duenez.
Osakidetzak 2013. urteko balantzea aurkeztu du gaur, eta, horren arabera, Euskadin bederatzi egun itxaron behar da proba diagnostikoak egiteko.
Etxeberriaren esanetan, herritarrek gero eta gehiago jotzen dute telefono bidezko kontsultetara. Medikuekiko harremanak aldatu egin dira, eta herritarrek telefono bidez gero eta kontsulta gehiago egiten dituzte.
2012ko datuekin alderatuz, % 18 egin dute gora telefono bidezko kontsultak familia-medikuekin, eta % 3,5, espezialistekin. Kontsulta horiek datuen emaitzak jasotzeko edota kezkak argitzeko izaten dira.
Osakidetzako arduradunek nabarmendutakoaren arabera, itxarote-zerrendak aurreikusitako helburuaren azpitik daude Euskal Autonomia Erkidegoan.
Ebakuntzak egiteko, batez beste, 50 egun itxaron behar da; kontsultak egiteko, 25; eta proba diagnostikoak egiteko, berriz, bederatzi.
Hala ere, proba zailenak edo konplexuenak egiteko, hori baino gehiago itxaron behar dela onartu du Etxebarriak.
Ikerketaren arabera, traumatologia, dermatologia eta oftalmologia alorretan egiten dituzte EAEko herritarrek kontsulta gehien.
Datuei erietxez erietxe erreparatuz gero, Galdakaoko Ospitaleak du probak egiteko itxarote-zerrenda luzeena (14 egun) eta Donostiako Ospitaleak du laburrena.
Albiste gehiago gizartea
Emakumezko bat ikertzen ari dira autoarekin bikotekidea zauritu eta alde egiteagatik, baina beldurragatik ihes egin zuela dio berak
Gertaera ostegun gauean izan zen Gasteizen, eta 23 urteko emakumea larunbatean aurkitu zuen Ertzaintzak. Gizona ospitalera eraman behar izan zuten larri zaurituta. Emakumeak dio gizona jarrera bortitzez autora autora igotzen saiatu zela eta beldurtuta ihes egin zuela, zauri larriak zituela jakin gabe.
Elkarretaratzea Barakaldoko txosnen gunean, arrazakeriaren aurkako herria direla aldarrikatzeko
Gaur arratsaldean elkarretaratzea egin dute Barakaldoko txosnen esparruan, bart gauean herriko bizilagun batek jasan zuen eraso arrazista salatzeko. Ohikoa da Karmengo jaietan beste herrialde batzuetatik bertara bizitzera etorritako bizilagunek txosna bat jartzea eta ez da inoiz arazorik izan. Atzo gizonezko bat gogor oldartu zen bertan lanean ari zirenen aurka, oihu arrazista eta jarrera erasokorrean. Torrepachecon gertatutakoa ikusita, jarrera horiek moztu eta Barakaldon horrelakorik ez dutela onartzen adierazi dute.
Baztandarren arteko senidetasun jai handia egin dute gaur Elizondon
Musika eta dantzaz betetako festa ospatu dute gaur baztandarrek. Bailarako ohitura eta izaeraren adierazgarri diren gaiak aurkeztu dituzte. Aroztegiko obren aurka aritzeagatik auzipetutako baztandarrek ireki dute desfilea.
59 urteko nafar bat hil da Esako urtegian kirola egiten ari zela
Lagun talde batekin joan da hildakoa urtegira. Une batean, oso nekatuta zegoela eta ezin zela ertzera iritsi abisatu du baina lehen erreskate-ibilgailua iritsi denerako hilda topatu dute.
Bilbo Sluggins, munduko barraskilorik azkarrena
Jendetza bildu da Erresuma Batuko Congham landa-komunitatean, non Munduko Barraskilo Lasterketa bitxia egin den. Zehazki, Shell Rowek bere Bilbo Sluggins barraskiloarekin irabazi du 1960tik urtero egiten den ekitaldi honetan.
Istiluak izan dira bart Azpeitian gazte batzuen eta polizia agenteen artean, eta bi ertzain zauritu dira
Eusko Jaurlaritzako Segurtasun sailak gertakaria gaitzetsi du, eta elkartasun osoa adierazi die agenteei. EUSPEL, ESAN eta ERNE sindikatuek gogor kritikatu dituzte gertakariak. Arratsaldean ehunka lagun bildu dira Azpeitiko plazan Gaztetxeak deitutako protesta bilkuran.
Dozenaka lagun batu dira Maulen, Donapaleun eta Baionan, EHEk deitutako elkarretaratzeetan
Euskara lehenesteko eta bigarren mailako hizkuntza gisa tratatzeari uzteko eskatu diete erkaunde sozial, kultural, ekonomiko eta politikoei, hizkuntza politikan euskararen aldeko jauzia egiteko.
LEAk sutearen osteko babesa eskertu du eta bideo hunkigarri batekin berretsi du enpresaren jarraipena
Enpresak iragarri du irailaren amaieran hasiko dela berriro ekoizten, Gamarrako industrialdean dagoen 13.000 m²-ko behin-behineko nabe batean.
Samaniegon desagertutako 70 urteko gizonaren bilaketari ekin diote berriro
Arabako Errioxako landa-eremuan bilatzen ari dira gizona. Desagertuak praka beixak eta niki urdin argi bat zeramatzan jantzita azken aldiz ikusi zutenean.
Kobetamendiko karabana eta autokarabanen gunea martxan izango da igandetik aurrera, Bilbao BBK Live jaialdia amaitu ostean
Udalak instalazioak berritu berri ditu, azken urteetan izandako erabiltzaileen gorakada nabarmenari erantzuteko. Hemendik aurrera Bilbao Caravan Park izena izango du. Azpiegitura nagusi berri bat sortu da eta instalazio zaharra eraldatu da.