'Fracking Ez' plataformak luzapena eskatuko du HEL aurkezteko
"Fracking Ez" plataformak Herri Ekimen Legegile baten bidez, gas naturala lurzorutik ateratzeko haustura hidraulikoaren teknika Euskadin debekatzea eskatu du.
Sinadura kanpaina martxoaren 14an hasi zen eta uztailaren 14 bukatu beharko luke, baina bi hilabetko luzapena eskatzeko aukera dute.
HELren bultzatzaileek sinadura bilketa ondo doala adierazi dute eta haien kalkuluen arabera, 15.000 sinadura baino gehiago dituzte jada. Sinadurak zenbatzea zaila dela azaldu dute, herritar eta talde askok sinadurak biltzen laguntzeko prest aurkeztu direlako, baina oraindik ez dituzte hauek bueltatu.
Mikel Otero "Fracking Ez Arabaren" bozeramaileak behar dituzten 30.000 sinadurak lortuko dituztela uste duela adierazi du, baina Herri Ekimen Legegilea ziurtatzeko, ekainaren hasieran Eusko Legebiltzarreko Mahaiari bi hilabeteko luzapena eskatuko diotela azaldu du, Herri Ekimenen legean jasotzen den moduan.
Sinadura bilketa Europar Hauteskundeetan
"Fracking Ez Arabak" europar hauteskundeetara aurkeztuko diren alderdiei eta koalizioei eskatu die, euren kanpainan parte hartzeko eta haien kanpaina ekintzetan frackinaren aurkako sinadurak biltzeko mahaia jartzeko.
Europar erakundeetan gai honen inguruan erabakiak hartzen ari direla gogoratu du Oterok. Horretaz gain, Kanadak eta Estatu Batuek nazioarteko hitzarmenetan hidrokarburoaren sektorearen multinazionalen aldeko klausulak negoziatzen ari direla adierazi du. Horrek, “frackinga” gelditzeko oztopoa izango litzateke.
Azkenik, arazoa Arabarena bakarrik ez dela adierazi du, Gipuzkoari eta Bizkaiari ere zuzenean eragiten dion gaia delako. Gaiaren inguruko erakusketa informatibo bat antolatzeko, beste lurraldetako udalekin ere kontaktuan daudela azaldu du.
Zure interesekoa izan daiteke
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.
Ekain Perrinoren erasotzaile ia guztiei 2 urteko kartzela zigorra ezarri diete, gorroto-delituagatik
Eraso homofoboaren hamaika egileetatik hamarri 2 urteko espetxe-zigorra ezarri diete, eta hamaikagarrenari, 14 hilabetekoa. Denei 500 metroko urruntze agindua eta isunak ere ezarri dizkiete. Ekain Perrinori eraso bortitza egin zioten, 2021eko ekainean, Basaurin.