Material faltak antenen egokipena atzeratuko du, instalatzaileen ustez
AVITEL Telekomunikazio Instalatzaileen Elkarte Bizkaitarrak egindako salaketaren arabera, “ezinbesteko diren materialen gabezia atzerapen larri eta konponezinak sortzen ari da antenak egokitzeko”.
Instalatzaileak batzen dituen elkarteak zabaldutako ohar batean salatu duenez, “Dibidendu Digitala dela-eta (frekuentziak berrordenatzeko prozesua) antena kolektiboak egokitzeko prozesuan izaten ari diren atzerapenak zailtasun teknikoak arazo sozial bihurtzen ari dira”.
Elkartearen hitzetan, “eskaera asetzeko ezinbestekoak diren osagaiak” dira, eta material gabezia “Gobernuaren erabateko aurreikuspen faltaren ondorio da, prozesua bukatzeko hiru hilabete baino ez dituelako eman, materiala ekoitzi eta instalatzeko, eta horrek ekarri du ekoizleek eskaeraren adinako ekoizpena egiteko gaitasunik ez izatea”.
Oharraren arabera, instalatzaileek ahalegina egin dute, langile gehiago kontratatuz, antenak egokitzeko araua indarrean sartu aurretik, “baina instalatzaileen ahalegin eta aurreikuspen horrek ez du saihetsiko material faltagatik instalazioen % 50 egokitu barik geratzea epea amaitzen denean”, abenduaren 31n.
“Hori dela eta, AVITELek sektoreko eragilerik nagusiek (Kontsumitzaileen eta Erabiltzaileen Kontseilua, FORTA, UTECA, ABERTIS TELECOM eta FENITEL) Gobernuari egindako eskaera ofizialarekin bat egin du, emisioak 2015eko lehen hiruhilekoan mantentzeko”, industriak egoerari aurre egin eta instalatzaileek antenak egokitzeko denbora nahikoa izan dezaten.
Hilabete bukaeran emisioak eteten baldin badituzte, AVITELen esanetan, “milaka herritarrek telebista-kate asko ikusteari utziko diete eta, horrela, informazioa jasotzeko eskubidea urratuko zaie”.
Albiste gehiago gizartea
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.