Burgoseko 12 putzutan 'fracking'a erabiltzeko eskaera aurkeztu dute
BNK Espainia petrolio-enpresak, BNK Petroleum kanadarraren filialak, Burgos iparraldean frackinga erabiltzeko proposamena aurkeztu du. Lurpetik gas naturala ateratzeko, 12 putzutan zundaketak egitea proposatu dute. Troy Wagner BNK enpresak Europarako operazioetarako duen presidenteordeak aurkeztu du egitasmoa, Burgosen bertan.
Wagnerrek azaldu duenez, sei eremutan egin nahi dituzte zundaketak, hiru Urracan eta beste hiru Sedanon, horietako bakoitzean bina zundaketa-putzu jarriko lituzkete martxan. Urraca proiektuaren baitan egin nahi dituzten zundaketek Arabako lur zati bat ere hartuko lukete. Beraz, EAEko eta Gaztela Leongo gobernuei dagokie baimenak ematea.
Wagnerrek adierazi duenez, baimenak lortuz gero, lanak 'pixkanaka' egingo dituzte, 'bata bestearen atzetik'. Izan ere, bere hitzetan, putzu baten analisiak adieraziko du beste putzuaren toki zehatza. 'Proiektuaren helburua Burgos iparraldean gas naturala dagoela baieztatzea da', esan du.
Beharrezkoak diren baimen eta izapide guztiak eskuan izan arte, ez dutela Burgos iparraldean frackingarekin lotutako operaziorik egingo ziurtatu du. Wagnerrek azpimarratu du putzuak egingo dituzten herrietako udalek 300.000 eta 600.000 euro artean jasoko dutela, zerga eta tasa bidez.
Zundaketetan gas naturala atzematen badute, produkzioaren etekinen % 1 lurren jabeentzat izango litzatekeel gaineratu du. BNK enpresaren arabera, irabazi gordina 2 eta 4 milioi euro artekoa izan daiteke putzu bakoitzeko.
Wagnerrek esan du frackinga teknika oso 'segurua' dela eta 'aukera izugarri' bat dela gas naturala izatea lurralde batentzat. BNK enpresaren operazio guztiak legearen barruan daudela azpimarratu du, dagozkien ingurugiro baimen guztiekin.
Zure interesekoa izan daiteke
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.
Ekain Perrinoren erasotzaile ia guztiei 2 urteko kartzela zigorra ezarri diete, gorroto-delituagatik
Eraso homofoboaren hamaika egileetatik hamarri 2 urteko espetxe-zigorra ezarri diete, eta hamaikagarrenari, 14 hilabetekoa. Denei 500 metroko urruntze agindua eta isunak ere ezarri dizkiete. Ekain Perrinori eraso bortitza egin zioten, 2021eko ekainean, Basaurin.
Lehengai gisa pipa-azalak erabiliz, bateria kargagarriak lortu dituzte EHUko ikertzaileek
Unibertsitateak jakinarazi duenez, ikerketak egiaztatu du biomasako materialekin egindako bateriek energia nahikoa biltegiratzeaz gain, karga eta deskargako 1.000 ziklo egin ditzakete. Aurkikuntzak aukera ekologikoagoak eskaintzen ditu "garestiagoak eta kutsagarriagoak" diren bateria tradizionalen aurrean.