Lehengai gisa pipa-azalak erabiliz, bateria kargagarriak lortu dituzte EHUko ikertzaileek
Unibertsitateak jakinarazi duenez, ikerketak egiaztatu du biomasako materialekin egindako bateriek energia nahikoa biltegiratzeaz gain, karga eta deskargako 1.000 ziklo egin ditzakete. Aurkikuntzak aukera ekologikoagoak eskaintzen ditu "garestiagoak eta kutsagarriagoak" diren bateria tradizionalen aurrean.
Euskal Herriko Unibertsitatearen (EHU) ikerketa batek lortu du bateria kargagarriak garatzea, pipa-azalak lehengai gisa erabiliz. Hala, frogatu dute posible dela biomasa alternatiba gisa erabiltzea bateria komertzialetan eta, beraz, jasangarriagoak egitea.
Aurkikuntzak aukera ekologikoagoak eskaintzen ditu "garestiagoak eta kutsagarriagoak" diren bateria tradizionalen aurrean.
Unibertsitateak jakinarazi duenez, ikerketak egiaztatu du biomasako materialekin egindako bateriek energia nahikoa biltegiratzeaz gain, karga eta deskargako 1.000 ziklo egin ditzakete.
Sodio ioiekin egindako bateriak litio ioiekin egindakoak baino alternatiba merkeagoa dira eta erreserba mineralekiko mendekotasun txikiagoa dute, baina, energia dentsitate txikia eta karga eta deskarga ziklo gutxi dituzte.
EHUko Egoera Solidoaren eta Materialen Taldearen helburua da sodio ioiekin hornitutako bateriak garatzea, biomasako materialak erabiliz.
Bateriek katodo (alde positiboa) eta anodo (alde negatiboa) bana dute, eta karga batetik bestera mugitzeko elektrolito bat (korronte elektrikoa sortzeko). Euskal Herriko Unibertsitateko taldea hondar-biomasatik lortutako ikatzez egindako anodoak lortzeko ikerketan murgilduta dago, hondakinak bateria horietarako material erabilgarri bihurtzeko.
Ikerketa horretan, taldeak hainbat biomasa mota probatu ditu, hala nola kafe hondarrak, landare zurtoinak, espezie inbaditzaileetako zuhaixkak, mahats haziak eta azala, artaburuak eta baita bio-hondakinetatik lortutako konposta ere.
Horien guztien artean, pipa-azalekin egindako ikatzek eman dituzte "emaitzarik onenak".
"Pipa-azalez egindako bateria kargagarriak dira, energia kantitate egokia biltegiratzeko eta 1.000 karga eta deskarga ziklo ere jasateko prestatuak, kasuan kasu ingurumena gehien errespetatzen duen katodo-kimika aukeratuz", adierazi du Nekane Nieto EHUko Egoera Solidoaren eta Materialen Taldeko doktoreak.
Bateria horiek ez dira lehiakorrak, merkatuan, litio ioiekin egindako bateriekin alderatuta, eta bateria eraginkorragoak lortu bitartean, "sistema osagarri" gisa eta gailu txikietan erabil daitezke.
Zure interesekoa izan daiteke
Labankadaz hil dute emakume bat Madrilen, eta hilketa matxista posibletzat ikertzen ari dira
Gasteiz eta Bilbo arteko N-222 errepidea itxita dago, kamioi batek istripua izan ondoren
4.700 lagun baino gehiago txertoguneen lehen egunean
Ibai azpiko tunelaren lanak hasi dira Sestaon
Bengoetxearen ustez, azterketak berriz planteatu behar dira, adimen artifizialaren eraginez
Gaixotasun profesionaltzat jo dute ospitale batean kutsatu zen zeladore baten covid iraunkorra
Sexuak eta maila ekonomikoak eragina dute osasunerako arrisku faktore nagusietan, OMEren arabera
Frankismoari lotutako bi kaleren izenak aldatuko dituzte Gasteizen, eta Paz Diaz de Espada eta Frida Kahlo deituko dira aurrerantzean
Osakidetzako filtrazioengatik epaitutako oposiziogileak aitaginarrebak prestatutako 50 galderetatik 48 asmatu zituen, lekuko baten arabera
