Esako urtegia hazteko proiektua atzera botatzeko eskatu dute
Ordezkari politikoak, erakunde ekologistak eta hainbat plataforma herritarren kideak elkarretaratzea egin dute gaur Madrilen, Diputatuen Kongresuaren aurrean, Nafarroako Esako urtegia areagotzeko egitasmoa bertan behera gera dadila eskatzeko.
Río Aragón eta Yesa+NO elkarteek deitu dute manifestazioa, eta proiektuak aurreikusten duen urtegiaren altuera areagotzea 'erabateko ausarkeria' dela adierazi dute; euren aburuz, urtegitik beherago dauden Nafarroako eta Aragoiko udalerriak mehatxupean baitaude.
"Esa, beste legegintzaldi gehiagorik ez" lelopean 400 pertsona inguru bildu dituen elkarretaratzean, honako erakunde hauek parte hartu dute, besteak beste: Ecologistas en Acción, Greenpeace, SEO/BirdLife, WWF, la Plataforma en Defensa del Ebro y la Fundación Nueva Cultura del Agua.
Aipatutakoez gain, Geroa Bai, Podemos, EH Bildu eta Unidad Popular alderdietako ordezkariak ere bertaratu dira, eta antolatzaileek auzia konpontzeko dauzkaten proposamenak biltzen dituen agiri bat eman diete.
Esako urtegia hazteko egitasmoa hasiera batetik (1980ko urteetan) jarri zen zalantzan, eta beti izan du gizartearen zati handi bat aurka, batez ere lehendabiziko lur-irristatzeak antzeman zirenetik.
Iker Aramendia Yesa+NO elkarteko bozeramaileak ziurtatu duenez, "urtegia baino beherako bizi garenok etengabeko arrisku egoeran gauden sentsazioa daukagu".
Bere esanetan, une honetan "aldaketa politikoari bide aman ahal zaio, eta oraintxe da politikoei erabateko txip aldaketa egiteko beharra dagoela esateko garaia".
Esako urtegia Aragoi errekan dago kokatuta, Nafarroa eta Aragoi bitartean, eta 1959 eraiki zuten. Urtegia urez betetzeko 1.500 pertsona inguru hiru herritatik aterarazi zituzten. Dena dela, 2007tik aurrera izan diren irristatzeek piztu dute benetako alarma.
Albiste gehiago gizartea
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, lan eskaintza publikoetan euskara maila jaisteagatik
Udalak %70etik %40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu du baldintza hori.
Nola eragiten die beroak gailu elektronikoei?
Tenperatura altuen eta bero-boladen ondorioak pairatzea ez da soilik gizakion kontua. Askotan, gailu elektronikoek, gure egunerokoan hain beharrezkoak direnek, funtzionatzeari uzten diote beroa dela eta.
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.
Erretzea debekatuta, Iparraldeko parke eta hondartza publikoetan
Eskola inguruak, autobus geltokiak eta kiroldegiak ere debeku horren barruan daude. Hala ere, tabernetako terrazetan ez da debekua ezarri, eta neurriak ez die bapeagailu eta antzekoei eragiten.
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago, atxiloturi, beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok okerrago egiten du lo, maila zentralean gure tenperatura jaitsi egin behar delako lo hartzeko, eta egun hauetako beroarekin zailagoa da. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.