Ez dute Saloufest jaialdirik egingo aurrerantzean Saloun
Salouk ez du aurrerantzean Saloufest jaialdirik hartuko. Aste Santuaren aurreko eta ondoren asteetan izan ohi zen Britainia Handiko unibertsitate ikasleen jaia Saloun, baina Ilovetour antolatzaileak bertan behera utzi du, erakundeek azken bi urteotan egindako presioaren ondorioz. Enpresak dioenez, 16 urtez jarraian egin dute jaia bertan, eta 100.000 lagun baino gehiago bildu dituzte. Guztira, 5 miloi euroko inpaktua izan du, denboraldi baxuan, antolatzaieen datuen arabera.
Hala ere, Salouko Udalak eta Generalitateak presioa egin dute azken bi urteotan eta, ondorioz, ''ez da bideragarria gazteen turismo eskaintzarako programak bideratzea'' bertan, antolatzaileen hitzetan.
Ilovetour enpresa saiatu da jaialdia Lloret de Mar (Girona) udalerrira eramaten, baina bertako agintariekin egindako negoziaketek ez dute emaitzarik eman.
Protestak eta zigorrak
Antolatzaileek azpimarratu dutenez, presio mediatikoaz gain, enpresa kolaboratzaileek ''administrazio-ikuskaritza kantitate handia'' jaso dute, eta ikasleek ere ''presioak'' jaso izana salatu dute.
Joan den apirilean, Generalitateak iragarri zuen Kataluniako Turismo Agentziaren zigilua kenduko ziela ''mozkorraldi turismoa'' eskaintzen zuten enpresei.
Aurten, Salouko Udaltzaingoak hiru ikasle atxilotu zituen, erasoak direla-eta; horrez gain, 40 isun jarri zituen jaialdiaren lehen txandan (guztira 3 txandatan joan ohi ziren ikasleak Saloura). Bortxaketa salaketak eta 'balconing'a dela-eta lesioak ere izan dira jaialdiari lotuta.
Halaber, asko izan dira bertako bizilagunen kexak, zarata dela-eta. Herritarrek salatu dutenez, gazteak mozorrotu, alkohola edan eta kalean abestu eta pixa egiten zuten; hiri-altzariak apurtzeaz gain, asko ziren gazteen arteko liskarrak, kexa horien arabera.
Albiste gehiago gizartea
5.000 metro karratu kiskali dira zereal-zelai batean, Gerendiainen, sute baten ondorioz
Dirudienez, traktore batek eta paketatzeko makina batek su hartu dutenean piztu da sutea. Nafarroako suhiltzaileak izan dira lanean eta, inguruko nekazarien laguntzarekin, gune beroak itzali dituzte.
Iritsi dira Iruñera aurtengo sanferminetako entzierroetako lehen zezenak
Iritsi dira sanferminetako lehen zezenak Iruñera. Fuente Ymbro eta Victoriano del Rio ganadutegietakoak dira, uztailaren 7ko eta 10eko entzierroen protagonistak. Momentuz, Gaseko ukuiluetan daude atseden hartzen.
Bizkaia zubia martxan da berriro, matxura konpondu ondoren
Erabiltzaileek beste aukera batzuk bilatu behar izan zituzten larunbatean Getxotik Portugaletera edo/eta Portugaletetik Getxora joateko, matxura konpondu zuten arte.
2.000 bat ezkontza parekide egin dira Hego Euskal Herrian sexu berekoen arteko ezkontzak baimentzen zuen legea onartu zutenetik
2005eko irailaren 3an egin zen Hego Euskal Herrian lehen ezkontza parekidea, Gasteizko udaletxean. Lortutako aurrepausoak, baina, arriskuan daudela ohartarazi, eta olatu atzerakoiari aho batez erantzuteko eskatu dute.
LGTBIQ+ Harrotasunak Euskal Herriko kaleak hartu ditu, askatasunaren alde eta faxismoaren kontra
Dozenaka jarduera egin dira lurralde osoan zehar LGTBIQ harrotasunaren egunean. Martxa garrantzitsuenak Bilbon (/eguerdian), eta Gasteizen, Donostian eta Iruñean (arratsaldean) izan dira, eta milaka lagun batu dira horietara.
Gizon bat atxilotu dute Almerian, emaztea labankadaz hil ostean
63 urteko emakumea hilik aurkitu dute haren etxebizitzan, arma zuriz eragindako zauriekin. Ustezko hiltzailea erietxean atxilotu dute, bere buruaz beste egiten saiatu ostean, ospitaleratuta dagoelako.
Elkarretaratzea egin dute Hernanin, jaietan izandako eraso arrazisten aurka protesta egiteko
Astearte goizaldeko eraso ugariez gain, asteazkenean beste eraso bat izan zen, eta, Txozna Batzordeak salatu duenez, ez dira Hernanira soilik mugatu. "Ultraeskuinaren gorakadaren" ondorioa direla uste dute, eta "ez dira gertakari isolatuak" izan.
Adierazi gabeko alergenoak dituzten Bingqi Foods markako galletak Hego Euskal Herrian saltzen ari direla ohartarazi dute
Esnea, soja edo sulfitoak dituzte. Espainiako Elikagaien Segurtasunerako eta Nutrizio Agentziak (Aesan) alergia edo intolerantzia duten pertsonei gomendatu die ez kontsumitzeko. Produktu horiek kontsumitzeak ez du arriskurik gainerako herritarrentzat.
Ehgam-ek transfobian jarri du arreta aurten bere sariak banatzeko ekitaldian
Ehgam Euskal Herriko Sexu Askapenerako Mugimenduak Loratuz Lotu, Lumagorri, Anitzak eta SuminTrans kolektiboei eman die Urrezko Hirukia saria, Gurutzetako Ospitalearen Genero Identitatearen Unitateak pertsona transak artatzeko erabiltzen duen modua salatzen egindako lanagatik. Bestetik, feminista "transbaztertzaileek" Bilbon egin zituzten jardunaldiei eman diete Larruzko Espartina "antisaria", haur eta nerabe transak jomugan jartzeagatik.
Metro Bilbaok uztailaren 1ean jarriko du martxan udako ordutegia, maiztasunak egokituta
Ostiral eta larunbat gauetako zirkulazioa zerbitzu bereziekin osatuko dute, horren ibilbidean dauden udalerrietako jaiez eta kultura-ekitaldiez gozatu ostean etxera itzuli ahal izateko.