Zauritu bat Alaves eta Bartzelonako zaleen artean izandako istiluetan
Pertsona bat zauritu da Gasteizen eta beste bat atxilotu dute, gaur arratsalde partean, Alaves eta Bartzelonako zaleen artean izandako istiluen ondorioz. Talde biek Mendizorrotzan jokatu duten partida baino lehenago jazo dira gertakariak.
Aipatu liskarrean, Bartzelonako jarraitzaile batek zauriak jasan ditu eta Santiago ospitalera eraman dute.
Segurtasun sailak jakitera eman duenaren arabera, borroka 14:30ean gertatu da Nieves Cano eta Domingo Martinez kaleek bat egiten duten gunean dagoen taberna batean.
Itxura denez, Bartzelonako hainbat zale zeuden bertan eta burua estalita zuten talde batek eraso egin die. Ertzaintza bertaratu egin da, eta 19 urteko gazte bat atxilotu du lesioen eta errieta kalapitatsuaren ustezko delituengatik. Horrez gain, zenbait pertsona identifikatu ditu Ertzaintzak.
Bi taldeek gaitzespen oharrak plazaratu dituzte
Alavesek "erabat" gaitzetsi ditu Alaveseko "ustezko zaleen" eta Bartzelonako jarraitzaileen artean Gasteizko unibertsitate gunean izandako gertaera "bortitzak".
Klubak ohar bat plazaratu du partida bukatu ostean, eta bertan adierazi duenez, istiluetan nahasita egon direnak Alaveseko abonatuak direla konfirmatuz gero, pertsona horien gainean hartu beharreko neurriak aztertuko ditu.
Oharraren bukaeran gaineratzen denaren arabera, talde babazorroak "kirolaren balioak" sustatzen jarraituko du, "azken urteetan egin duen legez".
Bartzelonak ere bere oharra atera du: "Bartzelonak deitoratu eta gaitzetsi egiten ditu gaur Gasteizen izandako liskarrak. Klubak beste behin ere irmo errefusatzen du edozein portaera bortitz, eta konfiantza dauka eskudunak diren agintariek ahal den arinen gertaera horien jatorria eta egiletza argituko dituztela".
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.