2018-2019 ikasturterako onarpen irizpide berriak
Eusko Jaurlaritzako Hezkuntza Sailak aldatu egin ditu 2018-2019 ikasturterako baremorako puntuazioa eta irizpideak. Aurrematrikulazioa urtarrilaren 29tik otsailaren 9ra arte egin ahalko da.
Ikastetxe batean sartzeko eskaera kopurua eskaintza baino handiagoa den kasuetan egiten da baremazioa. Puntuak banatzen dira ikaslearen eta familiaren egoeraren arabera.
Irizpide batzuetan puntuazioa aldatu egin du Sailak, eta irizpide berriren bat gehitu ere bai:
-Familia errentagatiko puntuazioa. Irizpide horregatik eskura daitekeen gehienezko puntuazioa 3 puntukoa izan beharrean, puntu eta erdikoa (1,5) da orain. Aldaketak mesede egingo dio errenta ertain eta altua duten familiei.
-Familia-harrera kasuetan. Baremorako irizpideen artean atal berri gisa sartu da ikaslearen familia-harrerako egoera. Puntu 1 emango zaio.
-Kooperatibista izateagatik edo OOGak ezarritako beste egoera batzuengatik. Ikastetxe bateko bazkide kooperatibista izateagatik familiei ematen zaien puntuazioa, puntu bakarra izatetik puntu erdia (o,5) izatera jaitsi da. Era berean, ikastetxeko Ordezkaritza Organo Gorenak edo Eskola Kontseiluak ezarritako beste egoera adierazgarri batzuengatik eman izan dena ere, erdira jaitsi da, 2 puntutik 1era.
-Bizilekua EAEn izateagatik. Bizilekuaren hurbiltasunaren irizpidean, azpiatal berria sortu du Hezkuntza Sailak. Puntu erdi (0,5) emango zaio ikasleari, bizilekua EAEn izan baina eskatutako ikastetxearen eragin-eremutik eta eremu mugakidetik eta eskatutako ikastetxearen udalerritik kanpo badauka.
Ez da aldaketarik puntuazioan, honako irizpide hauetan: bizilekuaren hurbiltasunagatik (ez eragin-eremuagatik, ez eremu mugakideagatik eman ohi den puntuazioan; hurrenez hurren, 5 eta 2 puntu), ikastetxean matrikulatutako neba-arrebengatik (9 puntu), familia ugariagatik (puntu 1) edo desgaitasunagatik (2 puntu).
Horrez gain, iaz bezala, eta bizilekuaren hurbiltasunagatik ematen den puntuazioa dela-eta, Hezkuntza Sailak gogorarazi du erroldatze-egiaztagirien gaineko kontrolak egiten jarraituko duela, agiri horien erabilera irregularrik gertatu ez dadin.
z dadin.Zure interesekoa izan daiteke
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Goiz gorabeheratsua A-8an: ilarak Biriatun eta auto-pilaketak Kantabriarako noranzkoan Ezkerraldetik
Zubiaren hasieran trafiko-eragozpenak izaten ari dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.