Arnold, Smith eta Winter kimikariek lortu dute Nobel saria
Frances H. Arnold eta George Smith kimikari estatubatuarrek eta Gregory P. Winter britainiarrak lortu dute Kimikaren Nobel saria, genetikaren arloan egindako lanagatik. Hain zuzen ere, "gizateriaren arazo kimikoei irtenbidea ematen dieten proteinak garatzeagatik" irabazi dute saria, Suediako Zientzien Errege Akademiak iragarri duenez.
Astelehenean, Medikuntzaren Nobel sariaren irabazleen berri eman zuten, atzo Fisikako Nobelarena eta gaur Kimikakoarena. Ostegunean, berriz, Bakearen Nobel saria emango dute, eta ostiralean eta astelehenean jakinaraziko dituzte ekonomialari saridunen izenak.
Kimikari saridunei dagokienez, Arnoldek "entzimen eboluzioarekin" lotuta egindako beharragatik lortu du saria. Smithen eta Winterren lanak, berriz, "peptidoen eta antigorputzen fagozitatuekin" du zerikusia, Suediako Zientzien Errege Akademiaren arabera. Laborategian erabilitako teknika bat da aipatutakoa, proteina-proteina, proteina-peptido eta proteina-DNA interakzioen ikerketan erabiltzen dena.
Hala, Nobel sariaren epaimahaikideek nabarmendu dute gaur egun hiru kimikari horiek garatzen ari diren metodoek industri kimiko ekologikoak sustatuko dituztela nazioartean. Gainera, material berriak sortzeko, bioerregai jasangarriak ekoizteko, gaixotasunak arintzeko eta bizitzak salbatzeko aukera emango dute.
Entzimei zuzendutako lehenengo eboluzioa egin du Kaliforniako Teknologia Institutuko Frances Arnoldek. Proteina horiek erreakzio kimikoak katalizatzen dituzte, eta bioerregaiak zein botika-produktuak ekoizteko aproposak dira.
Bestalde, fagozitatuekin egin du lan Missouriko Unibertsitateko George Smithek. Hark garatutako teknikari esker, bakteriofagoak edota bakterioak kutsatzen dituzten birusak erabil daitezke proteina berriak sortzeko.
Bukatzeko, fagozitatuez baliatu da Cambridgeko Biologia Molekularraren Laborategiko Gregory P. Winter botika-produktu berriak ekoizteko. Izan ere, fagozitatuen aurkezpenari esker, toxinak neutralizatu, gaitz autoimmuneei aurre egin eta minbizi metastasikoa osa ditzaketen antigorputzak sortu ditu.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.