37 urteko gizonezko baten gorpua topatu dute Jundizko biokonpostaje plantan
Jundizko biokonpostaje plantako (Gasteiz) langileek 37 urteko gizonezko baten gorpua topatu dute gaur, Eusko Jaurlaritzako Segurtasun Sailak eitb.eus-i baieztatu dionez. Hilotzak ez du kriminalitate zantzurik, antza.
08:00ak aldera aurkitu dute, eta planta behin-behinean itxi dute, horren arabera. Ertzaintzaren Polizia Judizialeko agenteek euren gain hartu dute gertakaria ikertzeko ardura.
Ertzaintzaren agenteon hitzetan, gorpuak hainbat ubeldura ditu, baina edukiontzitik zabor bilketako kamioira pasatzean eta plantara eramateko bidean egindakoak izan daitezkeela uste dute.
Ez dakite zelan heldu den gorpua edukiontzira, ezta nola hil den gizona —baliteke edukiontzi barruan zegoela berez hil izana, edo jasotako kolpeen ondorioz—. Edozelan ere, autopsiak argituko du.
Oraingoz ez dago argi gorpua egunero planta horretara heltzen diren edukiontzietako baten barruan ote zegoen.
Lorezaintza eta inausketa lanen hondakin organikoak eta errefuseko zabor poltsak jaso eta tratatzen dituzte bertan.
Kamioiek bart egin duten ibilbidea aztertuko dute
Gasteizko Klimaren aldeko Ekintzaren Batzordea bilduta zegoen gaur goizean, eta bertan eman die albistea udaleko taldeei Ana Oregi Lurralde eta Klimaren aldeko Ekintzaren Saileko zinegotziak. Batzordearen bilera bertan behera utzi dute, eta Oregi plantara joan da, ikerketaren nondik norakoak bertatik bertara jarraitzeko.
Oregik azaldu duenez, planta horretara zaborra eramaten duten kamioien "trazabilitatea" jakitea badago, eta hala, egun bakoitzean zein kamioi eta non ibili diren zehaztu daiteke, baina hondakinak behin plantan daudela, ezin da jakin non bildu dituzten. Dena dela, kamioiek bart egin duten ibilbidea aztertuko dutela iragarri du zinegotziak, hilotza non jaso duten jakin ahal izateko.
Oregiren esanetan, gorpua topatu duten langileak lur-jota daude.
Ikerketak zehaztuko du gizona edukiontziaren barruan lo geratu eta berez zendu den, edota ibilbidean zehar hartutako kolpeen ondorioz hil den.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.