Eraso egin diote ustez sexu-gehiegikeriak egin zituen masajistaren zentroari
Donostian 13, 14 eta 15 urteko hiru neska adingaberi ustez sexu-gehiegikeriak egiteagatik ikertzen ari diren masajistak lan egiten duen zentroari eraso egin diote. Erakusleihoa apurtu eta pintaketak egin dituzte "abusatzailea" mezuarekin.
Masaje-emailearen familiak Ertzaintzari helarazi dion salaketaren arabera, gainera, zentroaren aurkako erasoaz gain, gertuko batek "ondorioak egongo dira" zioen mezu bat jaso du Whatsappen, ikertuaren irudi batekin batera.
Gizona larunbatean atxilotu zuten biktimetako batek salaketa bat jarri ostean, eta gero beste bien salaketak etorri ziren.
Libre, karguekin
Eusko Jaurlaritzaren Segurtasun Sailak atzo jakinarazi zuenez, adingabeak "masaje saioak jasotzera joan zirenean" egin zizkien masajistak ustezko gehiegikeriak.
Atxilotua izan ostean, Guardiako epailearen esku utzi zuten, eta horrek libre utzi zuen, karguekin eta baldintzapean. Besteak beste, ezingo die masajerik eman adingabeei, eta ezingo du biktimekin harremanetan jarri eta haiengana 500 metro baino gutxiagora gerturatu.
Badaezpadako neurriak hartzeko autoan agertzen duenez, epaileak uste du hiru sexu-gehiegikeria delitu egon daitezkeela, eta horietako bakoitzagatik 8 eta 12 urte arteko kartzela-zigorra jaso dezakeela.
Akusatuak ez omen du ukatu "adingabeei masajeak eman izana", baina adierazi du ez zuela "sexu interesa asetzeko egin".
Defentsako iturrietatik azaldu dutenez, adingabeak beste pertsona batekin zeuden uneoro masajea jaso zutenean, eta eskuoihalaren gainetik ukitu zituen, kontaktu zuzenik gabe.
Ametako baten aurkako kereila
Bestalde, defentsak iragarri du masajistaren alabaordeak eta bikotekideak kereila aurkeztuko dutela biktimetako baten amaren aurka ohorearen aurkako delitua leporatuta. Izan ere, ama horrek ETBn egindako elkarrizketa batean esan zuen bai alabaordeak bai bikotekideak bazutela sexu-gehiegikerien berri.
Etxe honetan egindako adierazpenetan, emakumeak esan zuen masajistarentzat masajeak "normalak eta naturalak" zirela, bere "alabaordeari" ere egiten zizkiolako, eta baietz erantzuten du masajistaren bikotekideak gertakarien berri ba ote zuen galdetzen diotenean.
Ertzaintza ikertzen ari da gertatutakoa argitzeko eta biktima gehiago ba ote dagoen jakiteko.
Albiste gehiago gizartea
Motor-gidari bat zauritu da Muxikan, auto batekin talka egin eta ibaira erorita
Istripua 19:50ean gertatu da, motor batek auto baten aurka talka egin du N-635 errepidean, Muxikan, Gernikarako noranzkoan. Kolpearen ondorioz, motor-gidaria Mundaka ibaira erori da, Ariatza auzoaren parean.
Donostiako suhiltzaileen buruak dimisioa eman du, Fermin Muguruzaren kontzertuan semea sarrerarik gabe sartzeagatik
Donostiako suhiltzaileen zerbitzua bururik gabe geratu da oraingoz, Fermin Muguruzaren kontzertuan izandako jokabide txarragatik. Ander Gomezek dimisioa eman behar izan du Anoetako kontzertuan suhiltzailez jantzitako semea sarreratik gabe sartzeagatik.
Joxe Azurmendik euskal pentsamenduari egindako ekarpena azpimarratu dute Agirrebaltzategik eta Zulaikak
Filosofoa, saiogilea eta hainbat belaunaldirentzako erreferente intelektuala, Joxe Azurmendiren lanak Euskadiko pentsamendu kritikoa markatu du mende erdi baino gehiagoan. Azurmendik sekulako ondarea utzi du euskaran, ideietan... eta herria ulertzeko moduan.
Ehunka jarraitzailek omenaldia egin diote Diogo Jotari Liverpoolen, futbolari portugaldarra istripu batean hil ostean
Futbolari portugaldarra gaur goizaldean hil da, bere anaiarekin batera Espainian izandako auto-istripu batean. Hillsborogheko tragediaren biktimen oroimenez eraikitako memorialaren aurrean, Liverpooleko eta Evertoneko jarraitzaileek eta futbolzaleek aldare bat osatu dute, lore, bandera, bufanda eta kamisetekin.
Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.
Iruñea sanferminetarako prest, pertsonako eta eguneko 125 eta 250 euro bitartean alokatzen diren balkoiekin
Entzierroak balkoi batetik ikustea negozio bihurtu den aukera bat da. Modan dago eta gero eta gehiago eskatzen dira. Hiriko eta inguruetako ostatuak ere datozen egunetan milaka pertsona hartzeko prestatzen ari dira.
‘Mater’ itsasontzi museoa kostaldean zehar ibiliko da, itsasora botatako zaborraren aurka borrokatzeko
Uztailean zortzi udalerritara iritsiko da, eta horietan itsasoko zaborra biltzeko doako jarduerak egingo dira. Ostegun honetan, Bilboko Itsasmuseum parean, 'Zero zabor uretan' ibilbideari hasiera eman diote, ingurumenari buruz kontzientziatzeko eta itsasoetako zaborrari buruz hausnartzeko.
Sonia Perezek gogorarazi du Cabifyk eta Uberrek hiriarteko ibilbideetan soilik jardun dezaketela
Aldundiak bost zigor jarri dizkie Gidaridun Garraio Ibilgailuen operadoreei 2025ean, gehienak hiriarteko ibilbideak soilik egitearen murrizketa ez betetzeagatik.
Kontaktuen orrien erabiltzaileei estortsioa egiten zien sare kriminal bat desegin dute Iruñean
Polizia Nazionalak 16 pertsona atxilotu ditu, eta ikerketak irekita jarraitzen du, Espainiatik kanpo egon daitezkeen beste bi inplikaturen bila ari batira.
Su handi batek Lleida kiskali du: zer da seigarren belaunaldiko sute bat?
Lleidako sutearen garrak 30 km/h-ko abiaduran joan ziren, 14 kilometroko altuerako hodei pirokumuloa sortu zen eta eguraldiak sua kontrolatzea zaildu zuen.