8 adimen artifizial lanean edo zure egunerokoan erabiltzeko
Adimen artifiziala zientzia-fikzioa iruditu zaigu beti, baina errealitatea da jada eta iraultza teknologikoa ekarri du. Ez bakarrik industriaren eta ikerketaren sektoreetan bakarrik; norbanakoen egunerokoan ere erabilera anitz izan ditzake.
Hona hemen adimen horietako batzuk:
- ChatGPT: Adimen artifizial hau 2023ko izarra izaten ari da. Hainbat gauza egiteko gai da, hala nola edozein galderari erantzun (dilema filosofikoei ere bai), istorioak sortu, eskutitzak idatzi, filmak gomendatu, liburuak laburbildu... Euskaraz ere hitz egiten du, baina hori bai: hizkuntza maila oso eskasa du oraingoz. Aldea ikus dezazuen, eskaera bera egin diogu euskaraz, gaztelaniaz eta ingelesez:
gaztelaniaz:
ChatGPT
Ingelesez:
ChatGPT
Euskaraz:
ChatGPT
- Dall-e: Irudiak sortzeko gehien erabiltzen den adimen artifizial generatiboa. Gai da edozein agindu edo deskribapen irudi bihurtzeko. Hemen EITBrentzat logo berria diseinatzea eskatu diogu:
Dall-e
Eskakizun bitxiena ere bete dezake. Hemen, sanferminetako entzierro bat sortzea eskatu diogu, baina pandekin, zezenen ordez:
Dall-e
Beste adimen artifizial batzuk:
- MidJourney: Irudien sorkuntza munduan erabilgarria den bete adimen artifizial generatibo bat.
- Ellie: Egunean mezu elektroniko asko jasotzen badituzu, aplikazio horiei guztiei erantzuteko gai da. Gainera, zure idazteko modura egokitzen da, mezua jasotzen duen pertsonak zuk idatzi duzula sinisteko. Bateragarria da Gmailekin.
- You: Adimen artifizial hau ChatGPTren antzekoa da, baina ezberdintasun azpimarragarri bat dauka: Interneterako konexioa du, eta horri esker eguneratutako informazioa emateko gai da. Beste alde positibo bat da informazio iturriak aipatzen dituela, eta horren arabera norberak ondoriozta dezakeela emandako erantzuna fidagarria den edo ez. Dena dela, ingelesez baino ez du erantzuten.
- Chatsonic: Google oinarri hartuta, erantzun azkarrak eskaintzen dituen chatbota da
- Jasper: Blogetarako edukiak sortzen dituen SEO tresna da.
- Stablle Diffusion: Dall-e eta MidJourney aplikazioen alternatiba da.
Zure interesekoa izan daiteke
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.
Ekain Perrinoren erasotzaile ia guztiei 2 urteko kartzela zigorra ezarri diete, gorroto-delituagatik
Eraso homofoboaren hamaika egileetatik hamarri 2 urteko espetxe-zigorra ezarri diete, eta hamaikagarrenari, 14 hilabetekoa. Denei 500 metroko urruntze agindua eta isunak ere ezarri dizkiete. Ekain Perrinori eraso bortitza egin zioten, 2021eko ekainean, Basaurin.