Alvaro Nuñezen zezenek korrikalari bat adarkatu dute, entzierro azkar eta arriskutsu batean
Estreinakoz atera dira Iruñeko kaleetara Alvaro Nuñezen ganadutegiko zezenek, eta 2 minutu eta 20 segundo behar izan dituzte bidea egiteko. Lehen balantzearen arabera, adarkatutako korrikalariaz gain, hiru pertsona ospitaleratu behar izan dituzte, kolpeak hartuta.
Alvaro Nuñez ganadutegiko zezenek lagun bat adarkatu dute, emozioz beteriko entzierro azkar batean.
Iruñean estreineko aldia izan duten Alvaro Nuñezen ganadutegiko zezenek korrikalari asko kolpatu dituzte, eta tentsio eta arrisku handiko uneak izan dira.
Nafarroako Gobernuko balantzearen arabera, adarkatutako korrikalariaz gain, hiru lagun ospitaleratu behar izan dituzte, kolpeak hartuta.
Halaber, Gurutze Gorriak jakinarazi du, atzo gertatu bezala, zezen baten adarrak izterrean zauria eragin dion mutil bat artatu dutela Mercaderesen. Hala ere, erakundeak zehaztu du tokian bertan artatu dutela.
08:00etako suziriarekin, animaliak Santo Domingoko aldapan gora abiatu dira, taldea luze-luze eginda, eta ibilbidean zehar posizioz aldatu dira erorikoen ondorioz. Alvaro Nuñez ganadutegiko zezenek 2 minutu eta 20 segundo behar izan dituzte guztira bidea egiteko.
Joaldunak buruan eta taldea luze-luze eginda zela abiatu dira zezenak Santo Domingoko aldapan gora. Segituan abiadura hartu dute, harik eta Estafeta parean, jende kopuru handia eta erorikoak tarteko, abiadura jaitsi duten arte.
Udaletxe plazan, gaztain koloreko zezen batek aurrea hartu du eta hainbat korrikalari harrapatu ditu Mercaderes eta Estafeta arteko bihurgunera iritsi aurretik. Beste zezen batek korrikalari bat kamisetatik heldu du eta hainbat metrotan eraman du. Hala ere, ez du adarkatu.
aldeak bitan banatuta egin du Estafetako bidea eta tarte horretan zezenen aurrean korrikaldi ikusgarriak izan dira
Gaurkoan korrikalariek ez dute zezenen aurrean lasterka egiteko aukera askorik izan, abiadura eta erorikoak izan direlako. Estafeta kalearen amaieran, esaterako, bi zezen eta hainbat korrikalari erori dira.
Telefonican eta azken zatian jende asko erori da, ezker aldean. Erori den korrikalarietako bat bi zezenek jo dute, baina ez dute adarkatu.
Zezen plazaren barruan, zezen batek hankaz gora bota du korrikalari bat, itxuraz, aparteko ondoriorik gabe.
Zure interesekoa izan daiteke
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bana ireki dute noranzko bakoitzean eta auto-ilarak erabat desegin dira. Hala ere, ezkerreko erreia itxita dago bi noranzkoetan, garbiketa lanak direla eta. Ezbeharra izan duen zisterna-kamioia kentzeko lanetan ari dira.
"Esperientzia eta konpromiso handiko" foruzainak: Hala deskribatzen dituzte Elgoibarko istripuko bost hildakoak
Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont Iurretara zihoazen, Ertzaintzarekin prestakuntza ikastaro bat egitera.
Lau pertsona artatu dituzte Gasteizko zabortegi batean izandako sutearen kea arnasteagatik
Sua asteazken honetako 17:00ak aldera piztu da, eta ez dago sugarrak baso-eremura zabaltzeko arriskurik.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik. Epaitutako hirugarren akusatua ere erruduntzat jo dute, beste biak estaltzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernuak adierazpen instituzionala onartu du, hildako bost agenteen heriotzagatik samina agertzeko
"Herritarrak babesten eta zaintzen aritu diren bost zerbitzari publiko galdu ditugu. Gure aintzatespena, errespetua eta esker ona haientzat, erakutsi duten konpromisoagatik eta zerbitzurako bokazioagatik", dio testuak.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".