Bakioko Udalak udaleku bat ixteko agindu du, haurren segurtasuna bermatzeko
Uztailaren 13an, igandea, Udaltzaingoa udalekua egiten ari ziren eraikinera joan zen, hainbat familiak jarritako salaketek bultzatuta. Bertan, poliziek "higiene eta segurtasun falta" nabarmena zegoela atzeman zuten. Familiek 500eriroren bueltan ordaindu zituzten, seme-alabek "esperientzia ahaztezina" bizi zezaten.
Bakioko Udalak (Bizkaia) erabaki du The Wild Ones enpresak herrian sustatu duen Verano Aventura udaleku pribatua ixtea, umeen segurtasuna babesteko asmoz; izan ere, udalekuak egiten ari ziren eraikinean garbitasun eta segurtasun falta zantzu nabarmenak atzeman dituzte.
Gurasoek 500 bat euro ordaindu zituzten, seme-alabek "esperientzia ahaztezina" bizi zezaten, eta honekin egin dute topo: bazter zikinak, elektrizitate azpiegitura arriskutsua, zuloz betetako sabaiak eta suteen eta larrialdien aurkako araudirik gabeko eraikina.
Udalak prentsa-ohar bidez azaldu duenez, zerbitzua ez du udalak eskaini, eta eraikina ere ez da udalaren eskumenekoa, baina udalak dekretuz agindu du kanpalekua ixtera, "herrian egon diren adin txikiko horien ardura hartuta".
Udalak argitu du enpresak ez zuela udalaren baimenik eraikinean jarduteko, eta, beraz, jarduerak eteteko agindua eman zuela. Hala, enpresari eskatu zion 24 orduan kanpalekua desegiteko, eta, atzo, astelehena, haur guztiak etxera itzuli ziren, eta kanpalekua zigilatu egin dute.
Bakioko Udalak adierazi duenez, haurren eskubideak lehenetsi dituzte, eta ez du "herrian antzeko jarrerarik onartuko".
Honen guztiaren berri izan ondotik, eta zabaldu diren irudiak ikusi eta gero, guraso asko shock egoeran daude, zur eta lur, euren txikiak baldintza onartezin horietan zeudela jabetuta.
Zure interesekoa izan daiteke
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bana ireki dute noranzko bakoitzean eta auto-ilarak erabat desegin dira. Hala ere, ezkerreko erreia itxita dago bi noranzkoetan, garbiketa lanak direla eta. Ezbeharra izan duen zisterna-kamioia kentzeko lanetan ari dira.
"Esperientzia eta konpromiso handiko" foruzainak: Hala deskribatzen dituzte Elgoibarko istripuko bost hildakoak
Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont Iurretara zihoazen, Ertzaintzarekin prestakuntza ikastaro bat egitera.
Lau pertsona artatu dituzte Gasteizko zabortegi batean izandako sutearen kea arnasteagatik
Sua asteazken honetako 17:00ak aldera piztu da, eta ez dago sugarrak baso-eremura zabaltzeko arriskurik.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik. Epaitutako hirugarren akusatua ere erruduntzat jo dute, beste biak estaltzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernuak adierazpen instituzionala onartu du, hildako bost agenteen heriotzagatik samina agertzeko
"Herritarrak babesten eta zaintzen aritu diren bost zerbitzari publiko galdu ditugu. Gure aintzatespena, errespetua eta esker ona haientzat, erakutsi duten konpromisoagatik eta zerbitzurako bokazioagatik", dio testuak.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".