Fiskaltzak eginbideak abiatu ditu Murtziako Voxen presidentearen kontra, gorroto delituak egitea leporatuta
Fiskaltzak ohar bidez zehaztu duenez, Jose Angel Antelok Torre Pachecoko istiluak direla eta egindako adierazpen publikoak eta sare sozialetan argitaratutako testuak ikertuko ditu, delitu zantzurik ote dagoen argitzeko.
Kaleak, bare, astelehen honetan, Torre Pachecoko San Antonio auzoan (Murtzia). Argazkia: EFE
Murtziako Fiskaltza Nagusiak eginbideak hasiko ditu, astearte honetan, Vox alderdi ultraeskuindarrak autonomia erkidego horretan duen presidentearen aurka, Torre Pachecon gertatzen ari denaren harira egindako adierazpenetan gorroto deliturik dagoen ala ez aztertzeko.
Fiskaltzak ohar bidez zehaztu duenez, Jose Angel Antelok sare sozialetan argitaratutako iruzkinak ere ikertuko dituzte, eta ikerketa gorroto delituen fiskalak hartuko du bere gain.
PSOEk, Izquierda Unidak eta Podemosek ultraeskuineko buruzagia Ministerio Publikoaren aurrean salatu ondoren hartu du erabakia Fiskaltzak.
Ikerketaren berri izan aurretik Antelok berak kazetarien aurrean adierazi duenez, "egia esatea ez da, inoiz, gorroto delitua izango". Halaber, azaldu du aurretik ere antzeko delituak leporatuta salatu izan dutela.
Bestalde, berretsi du Voxek ez duela "inoiz" indarkeria erabiltzeko deirik egin; are, nabarmendu du Santiago Abascal buru duen alderdia dela erasoak eta mehatxuak jasaten ari dena.
Zure interesekoa izan daiteke
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bana ireki dute noranzko bakoitzean eta auto-ilarak erabat desegin dira. Hala ere, ezkerreko erreia itxita dago bi noranzkoetan, garbiketa lanak direla eta. Ezbeharra izan duen zisterna-kamioia kentzeko lanetan ari dira.
"Esperientzia eta konpromiso handiko" foruzainak: Hala deskribatzen dituzte Elgoibarko istripuko bost hildakoak
Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont Iurretara zihoazen, Ertzaintzarekin prestakuntza ikastaro bat egitera.
Lau pertsona artatu dituzte Gasteizko zabortegi batean izandako sutearen kea arnasteagatik
Sua asteazken honetako 17:00ak aldera piztu da, eta ez dago sugarrak baso-eremura zabaltzeko arriskurik.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik. Epaitutako hirugarren akusatua ere erruduntzat jo dute, beste biak estaltzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernuak adierazpen instituzionala onartu du, hildako bost agenteen heriotzagatik samina agertzeko
"Herritarrak babesten eta zaintzen aritu diren bost zerbitzari publiko galdu ditugu. Gure aintzatespena, errespetua eta esker ona haientzat, erakutsi duten konpromisoagatik eta zerbitzurako bokazioagatik", dio testuak.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".