Gernikako gaztetxeko kideek Udalak bertan egin nahi duen liburutegiko obrak atzeratzeko eskatu dute, alternatiba ziur bat izan arte
Duela urtebete baino gehiago okupatu zuten Gazte Asanbladako kideek “hamar urte baino gehiagoz hutsik” egon den eraikina.
Gazte asko bildu dira astelehen honetan Gernikako egungo gaztetxearen aurrean. EITB.
Goiz nahasia izan da Gernikan, gaur egun gaztetxea dagoen eraikinean liburutegia egiteko lanek hasi behar zuten egunean.
Izan ere, Udalak eskatua zien gaztetxeko kideei bart gauerako eraikina hutsik utz zezaten, gaur, astelehenarekin, bertara joatekoa baitzen liburutegia atontzeko lanak egingo dituen enpresa.
Gaur, ordea, bertaratu diren bakarrak gaztetxearen bueltako dozenaka gazte izan dira. Goiz-goizetik gaztetxe atarian bildu dira, irtenarazi nahi dituztela salatzeko eta hura babesteko.
Egurre Gazte Asanbladako kideek adierazi dutenez, Udalari alternatiba ziur bat eskatzen diote proiektuarekin jarraitu ahal izateko, eta bien bitartean, lanak atzera ditzala.
Eskaera horrekin joan dira, hain zuzen ere, gaur goizean udaletxera eta alkatearekin hitz egiterik izan ez badute ere, Udal ordezkariekin hitz egiten aritu dira.
Handik irtendakoan adierazi dutenez, Udalak ez die “ezer argirik” esan eta “alternatiba ziurrik eman gabe” jarraitzen du. Informazio falta salatu dute gazteek. Gaur-gaurkoz ez dakite zer gertatuko den gaztetxearekin.
Duela urtebete baino gehiago okupatu zuten gazte asanbladako kideek “hamar urte baino gehiagoz hutsik” egondako eraikina.
Diotenez, ez daukate gaztetxea beste nonbaitera aldatzeko inongo arazorik, beti ere gazteei politikoki antolatzeko eta proiektua aurrera eramateko leku bat bermatzen badiete. Horixe eskatzen diote Udalari, hain zuzen ere.
Zure interesekoa izan daiteke
Gizon batek sexu-erasoa egin dio emakume bati Iruñean, eta erasoa eragozten saiatu den pertsona bat jo du
Gainera, beste gizon bat atxilotu dute Nafarroako hiriburuan, bikotekide ohia kalean jo omen duelako.
Osasun Ministerioak eta erkidegoek Ceutara 25.000 txerto bidaltzea adostu dute
Ceutak hirukoitz birikoaren 15.000 dosi eta difteria, tetanos, barizela zein polioaren aurkako 10.000 jasoko ditu, uztailaren amaieran iritsitako adingabe migratzaileei txertoa jartzeko.
Nafarroako Gobernuak eta Petilla Aragoiko Udalak 150.000 eurotik gorako plana adostu dute, datozen suteen aurrean herria babesteko
Udako sute larriaren ostean, suebaki berriak, bigarren ur-putzu bat eta gazteentzako abeltzaintza-proiektu bat abiatzea adostu dute.
Biobizkaiak osasun-produktu pertsonalizatuak fabrikatuko ditu 3D inprimaketaren bidez
Lizentzia horri esker, Aurpegi-masailetako Kirurgia, Bihotz-hodietako Kirurgia, Traumatologia, Otorrinolaringologia eta Onkologia Erradioterapikorako produktuen bost familia fabrikatu ahalko dira.
Giro aparta Bilbon, lehiaketa gastronomikoan, bilbainadekin, eta publiko guztientzako hamarnaka jardueratan
Musika, antzerki eta dantza ikuskizunak tradizio jarduerekin uztartuko dira astelehen honetan, hala nola lehiaketa gastronomikoarekin, zezensuzkoarekin eta su artifizialekin. Gaur Athleticeko jokalarien harrera izango da eta Pentsiodunen Mugimenduak mobilizazioa egingo du.
Hondarribiko Alarde tradizionalak utzi egin du gatazkari konponbidea emateko elkarrizketa prozesua
Udalak kezka agertu du erabakiaren aurrean, baina gatazka sozialari konponbide partekatu eta iraunkorra bilatzeko lanean jarraituko duela berretsi du.
A8an Abanton Kantabriarako noranzkoan sortu diren auto-ilarak amaitu dira dagoeneko
Kantabriarako norantzan erreietako bat itxi behar izan dute lanak egin ahal izateko, eta, ondorioz, auto-ilara luzeak sortu dira inguru horretan, baina, behin lanak amaituta, konpondu dira ilarak ere.
Sute-arriskua "oso handia" edo "muturrekoa" da oraindik Nafarroako zati handi batean
Horregatik, sutea eragin dezakeen edozein jarduera saihestea eskatu dute. Urzainkin sutea itzaltzeko lanean ari dira, atzo egonkortzea lortu ondoren.
16 pertsona artatu dituzte igande honetan Euskadin, tenperatura altuen ondorioz
Bizkaian erregistratu ziren kasu gehien, 14; Gipuzkoan, berriz, 2; eta Araban ez zen inolako esku-hartzerik egin.