Giro aparta Bilbon, lehiaketa gastronomikoan, bilbainadekin, eta publiko guztientzako hamarnaka jardueratan
Musika, antzerki eta dantza ikuskizunak tradizio jarduerekin uztartuko dira astelehen honetan, hala nola lehiaketa gastronomikoarekin, zezensuzkoarekin eta su artifizialekin. Gaur Athleticeko jokalarien harrera izango da eta Pentsiodunen Mugimenduak mobilizazioa egingo du.
Bilboko Aste Nagusiko lehen asteburuaren ostean, publiko guztiarentzako jardueraz beteriko programazioarekin hasi du hiriak astelehena. Goizetik goizaldera arte, ez dira falta musika, gastronomia eta era guztietako ikuskizunak.
Eguna 10:00etan hasi da txistularien diana eta txupinarekin, eta Areatza sukaldaritzaren epizentro bihurtu da. Nagusientzat, lehiaketa gastronomikoak abiatu dira, pistoa prestatu beharko dute gaurkoan; eta txikienek sukaldaritza tailerra egin dute Gastrotxiki gunean, gaur, entsaladak prestatzen ikasteko.
Bilboko alkate Juan Mari Aburto, Udalbatzako ordezkariekin batera, Athletic Clubek Aste Nagusian egin ohi duen harreran izan da, 10:30ean, Ibaigane jauregian.
Aste Nagusiko goizero bezala, 11:00etan erraldoi eta buruhandiak atera dira Euskal Museotik gaitari eta txistulariekin, eta Alde Zaharra musikaz bete da Udal Txistulari Bandaren kalejirarekin.
Aldarriak ere izan du lekua festan, izan ere, Pentsiodunen Mugimenduak mobilizazioa egin du gaur, 12:00etan, Plaza Eliptikotik abiatuta, pentsio duinen alde, bai eta Palestinako genozidioa salatzeko ere.
Eguerditik, era guztietako tailerrak izan dira konpartsetan: taloak, lorezaintza, txotxongiloak, harri-jasotzea, maskara tailerra, etab.
Txikigunea Casilda Iturrizar parkean egongo da zabalik, egunero 11:00etatik 16:30era, eta Erripan txikiek puzgarriez gozatu ahal izango dute 11:00etatik 14:00etara.
Musika hitzorduak izan dira eguerdian: Pergolan, Gau Pasa bilbainadekin, eta Areatzako kioskoan, Udal Musika Bandaren kontzertuarekin.
Kale antzerkia, Txema Muñozen eskutik gaur; publiko guztiei zuzendutako Gota magia eta antzerki ikuskizuna eskaini du, 12:30ean Bizikidetza plazan, eta emanaldia errepikatuko du 19:30ean, Pergolan.
Musika, bertsoak eta dantzak arratsaldean
13:00etan, Alde Zaharrean beste bilbainada erronda bat izan da, Bilbotarrak taldearekin, eta, egunero bezala, Santiago Plazan bertso saioa izan da (gaur Miren Amurizak, Xabat Illarregik, Ekhuñe Zapiainek eta Aitor Mendiluzek abestu dute).
15:00etan, Areatzako kioskoan, gastronomia lehiaketako sariak banatuko dira.
15:30ean karaoke ibiltaria izango da Algaratik, eta 18:00etatik aurrera SBKk (Salsa, Bachata, Kizomba) hartuko du lekukoa Askapeñan.
Arratsaldero bezala, 19:00etan euskal dantza saioa izango da Gas plazan, gaur Erandioko Goialde taldearen eskutik.
Gauez, rocka, su artifizialak eta berbena
Gaua erritmoz beteta dator: 20:00etan, Bilborock Aretoak XXXIX. Metal Pop-rock Erakustaldia hartuko du Nuzz eta Scusi Boys taldeekin. Gas plazan, ordu berean, erromeria eta Larrain Dantza izango dira, eta Plaza Biribilean, 20:00etatik 23:00etara, dantzaldia izango da Sukar taldearekin.
20:30ean, Gizakunde elizan biolin eta piano kontzertua izango da Tatiana Samouil eta Josu Okiñenarekin.
21:00etan Anari Kaskagorriko eszenatokira igoko dira eta ordu berean, Arriaga Plazan, zezensuzkoa aterako da. 22:30ean suek jarraituko dute, baina orduan zeruan, gaur Uruguaiko Supernova pirotekniak aurkeztuko duen ikuskizunarekin.
Jaia gaueko ordu txikietara arte luzatuko da, hiru proposamenekin: Evaristo Txurruka kaian, Anna Colomek (Bartzelona) flamenkoa eskainiko du; Pergolan, Mariachi Imperial Elegancia Mexicana arituko da; eta Mirua Abandoibarrako eszenatokira igoko da.
Gauak txosnetan jarraituko du kontzertu eta DJekin, goizaldera arte.
Zure interesekoa izan daiteke
Hondarribiko Alarde tradizionalak utzi egin du gatazkari konponbidea emateko elkarrizketa prozesua
Udalak kezka agertu du erabakiaren aurrean, baina gatazka sozialari konponbide partekatu eta iraunkorra bilatzeko lanean jarraituko duela berretsi du.
A8an Abanton Kantabriarako noranzkoan sortu diren auto-ilarak amaitu dira dagoeneko
Kantabriarako norantzan erreietako bat itxi behar izan dute lanak egin ahal izateko, eta, ondorioz, auto-ilara luzeak sortu dira inguru horretan, baina, behin lanak amaituta, konpondu dira ilarak ere.
Sute-arriskua "oso handia" edo "muturrekoa" da oraindik Nafarroako zati handi batean
Horregatik, sutea eragin dezakeen edozein jarduera saihestea eskatu dute. Urzainkin sutea itzaltzeko lanean ari dira, atzo egonkortzea lortu ondoren.
16 pertsona artatu dituzte igande honetan Euskadin, tenperatura altuen ondorioz
Bizkaian erregistratu ziren kasu gehien, 14; Gipuzkoan, berriz, 2; eta Araban ez zen inolako esku-hartzerik egin.
Aburtok batzuek indarkeria matxistaren aurkako mezua ez bereganatzea gaitzetsi du, eta "Polizia gainean izango" dutela ohartarazi
Asteko Nagusiko lehen asteburua igarota, Juan Mari Aburto Bilboko alkateak adierazi du "pozik" dagoela hiriko kaleak gainezka daudelako eta giroa pil-pilean delako. EAJk Bilboko Alkatetzarako hautagaia aldatzeko hartu duen erabakiaz ere mintzatu da, eta "normaltasunez" hartu zuela eta horrelako aldaketak politikan "normalak" direla esan du. Aurrerantzean, "Mikel Hidalgok nire laguntza osoa izango du", adierazi du.
Hamahiru pertsona atxilotu dituzte Bilboko Aste Nagusiko bigarren gauean; bat, indarkeria matxistagatik, eta hiru, lesioengatik
Jai gunean bi pertsona atxilotu dituzte lesioak eragiteagatik, bat atentatuagatik, beste bat epailearen aginduz, bi lapurretagatik eta beste bi telefono mugikorrak ebasteagatik.
Hil egin da Morean erreskatatutako gizonezkoa, eta emakumeak kritiko jarraitzen du
20 eta 25 urteko neska-mutilak egoera Beriaingo urtegian erreskatatu zituzten.
Osasun Ministerioak eta erkidegoek gaur adostuko dute Ceutara txertoak bidaltzea
Bideokonferentzia bidezko bilera izango da, eta puntu bakar bat jorratuko dute, txerto hirukoitz birikoa eta barizelaren, poliomielitisaren, tetanosaren eta difteriaren aurkako txertoak bidaltzearen ingurukoa.
Metro koadroko 15 litro ur bota ditu ordubetean Gipuzkoan
Urola Erdian eta Urola Kostan bizi izan dira kazkabar eta zaparrada gogorrenak. Abisu horia aktibo izan da 22:00ak arte. Astelehena ere egun eguzkitsua eta beroa izango da eta arratsaldetik aurrera ekaitzak izan daitezke berriz ere.