Boterea

Estatu Islamikoa ustekabean azaldu zaigun mamua da. Halako batean ia ahaztuta genituen gerratan ekintzaile islamiar batzuk estatu bat sortu dute. Siriari zati bat kendu diote, Iraki beste bat,muga ezabatu eta han kaliferria aldarrikatu dute. Mendebaldeko komunikabideak galdezka hasi dira eta gobernuek ezin diete erantzun, baina Internet bideoz josita dago eta bideo horietan ekintzaile islamiarrak ikusten ditugu armatuta, bandera beltzen atzean, musika erakargarrien soinupean.

Beste batzuetan soldadu siriarrak edo irakiarrak preso azaltzen dira, edo Mendebaldeko mediku, kazetari edo gobernuz kanpoko erakundetako kideen hilketak, kamara aurrean lepoa mozten diete eta hilketa egiten dutenek aurpegia ez dute estaltzen, ez dute beldurrik, zerura iritsi dira eta Estatu islamikoak babesten ditu.

Estatu horren deiari Munduko guztiko milaka gaztek erantzun diote, hiru milatik gora europarrak dira, hemen jaio,hemen hezi eta hemen bizi izan direnak. Eta hasierako galderak harridura bihurtu dira, nola da posible horrelako gazteak prest egotea gerrara joateko eta horrelako ankerkeria beldurgarriak egiteko? Erantzunik ez dago, besteak beste horrelako erabakia hartzen duen gazte bakoitzaren arrazoiak eta eragileak ezberdinak direlako, baina gero eta ahulago, zaharkituago, motelago eta eredurik gabe dagoen Mendebaldearen aurrean, Estatu Islamikoak mezu oso indartsua bidaltzen die gazte hauei: Estatu Batuek eta Europak beldurra digute.

Umma, musulmanen komunitateko kide izango zarete eta komunitate horretako benetako heroiak, irabazten ari garen gerran parte har zenezake…Baina nagusia da da agian “bizitzaren eta heriotzaren jabe bihurtuko zarete eta ez duzue inongo beldurrik izango, Estatu Islamikoak babestuko zaituztelako”.

Adituak harrituta azaldu dira bahitutakoei lepoa mozten dietela zabaldutako bideoetan Europatik joandako gazte hauek ez dutelako aurpegia gordetzen,ez dute beldurrik eta beraiek bihurtzen dira Europarrentzako beldur eragile eta ausarten apeu.

Afganistanen sobietarren aurkako borrokan lehen pausoak eman zituenetik Al Qaeda bihurtu da batzuentzat gaitz eta gorroto guztien irudi;miresmen eta laudorioen helburu beste batzuentzat,baina Al Qaeda kimera bat da,inon ez dago,inork ez daki benetan zeinek agintzen duen edo zeintzuk diren erakundeko partaide.Estatu Islamikoak hau erabat aldatu du,lur eremu zabalak kontrolpean ditu,estatuaren egiturak sortu ditu,moneta eta legeak ere baditu,eta batez ere armada indartsua du eta gai da Siria eta Irakeko armadak menderatu eta Estatu Batuei aurre egiteko.Eta guzti horri Kaliferria deitu diote,

Kalifak,Mahomaren oinordekoak zuzendutako herrialdea.Kaliferriak dira musulmanen garai handi eta ospetsuen adierazle, Bagdaden eta Kordoban batez ere.Estatu Islamikoak kristauengandik mendetan jasandako iraina eta menpekotasuna astindu eta mendekua dakar,eta hori musulman askorentzat erakargarria da,mendetan lehen aldiz Mendebaldeak errespetuz,edo gutxienez beldurrez begiratzen dituelako.