Parisko supermerkatuaren erasotzailea Madrilen egon zen urtarrilean
Amedy Coulibaly joan den astean Frantziako kosher supermerkatu batean bost pertsona hil zituen gizonezkoa Madrilen egon zen urtarrilaren 1ean, M6 telebista-kateak jakitera eman duenez. Jatorriz maliarra, Coulibaly bere emaztearekin egon zen Espainiako hiriburuan, Hayat Boumeddienerekin. Orain, emakumearen bila dabil polizia, Parisko atentatuekin zerikusia duelakoan.
Ikerketako iturrien arabera, aurrez erositako ibilgailu batean iritsi zen bikotea Madrilera urtarrilaren 1ean. Biharamunean, gizonezkoak Pariserako bidea hartu zuen, errepidez, eta emakumeak Istanbulerako hegaldi bat hartu zuen.
Boumeddienne urtarrilaren 2an iritsi zen Istanbulera, eta han egun batzuk igarota, Sirian sartu zen urtarrilaren 8an. Turkiako hiri horretako aireportuan dauden kamerek hartutako irudietan agertzen da emakumea, beste gizonezko batekin. Poliziak gizonezko horren anaia atxilotu zuen 2014ko uztailaren 14an, Siriara borrokalariak bidaltzea egotzita. M6 telebista katearen arabera, Siriako agintariek Boumeddiene herrialdean sartzen ikusi zuten urtarrilaren 8an.
Eloy Velasco Auzitegi Nazionaleko epaileak izapideak zabaldu ditu Amedy Coulibalyk, haren emazteak eta hirugarren pertsona batek Espainian egindako egonaldia ikertzeko. Iturri judizialek berri eman dutenez, Poliziaren txosten bat jaso ostean hartu du ikerketa zabaltzeko erabakia.
Bestalde, urte hasieran Coulibalyk eta bere bikotekideak emandako pausoak zehatz-mehatz aztertu nahi dituzte ikertzaileek, egunez egun egindako ibilbidea. Halaber, Kuachi anaiek egindako atentatuekin zerikusia duelakoan, gizonezko frantziar (jatorriz Haitikoa) bat atxilotu dute Bulgarian. 12 lagun hil zituzten Cherif eta Said Kuachik 'Charlie Hebdo' astekariaren aurkako atentatuan. Yemengo Al-Qaedak atzo beregain hartu zuen astekariaren atentatua.
Albiste gehiago mundua
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.
Miguel Uribe senatari kolonbiarra hil egin da ekainean izandako erasoan jasandako zauri larrien ondorioz
Uribek 39 urte zituen, eta eskuineko alderdi bateko senataria zen. Atentatua gertatu zen egunetik Bogotan ospitaleratuta zegoen. Hainbat ebakuntza egin dizkiote, baina sekula ez du egoera kritikoa gainditu.
Anas al Sharif kazetariaren agur-gutuna: "Jakin ezazue Israelek ni hiltzea lortu duela"
"Hitz hauek iristen bazaizkizue, jakin ezazue Israelek ni hiltzea eta nire ahotsa isilaraztea lortu duela", horrela abiatzen da Anas al Sharif Al Jazeerako kazetariak idatzitako agur-gutuna.
Israelek Anas Al-Sharif kazetari ospetsua eta beste erreportari batzuk hil ditu Gazan
Israelgo Armadak hedabideen langileen kanpin-denda baten kontra jo du erasoa, Gaza hirian. Zazpi lagun hil dira, gutxienez. Nazio Batuen Erakundeak salatu zuen "difamazio-kanpaina" bat egiten ari zela Al Jazeerako informatzailearen aurka.
Segurtasun Kontseiluko Europako herrialdeek Gaza okupatzeko plana alde batera uzteko eskatu diote Israeli
Bahituentzat arriskutsua dela ohartarazi dute Erresuma Batuak, Frantziak, Danimarkak, Greziak eta Esloveniak, eta Gazako egoera humanitarioak okerrera egingo lukeela azpimarratu dute.
Gaza Hiriaren aurkako erasoaldia erdialdeko kostaldeko desplazatuen eremuetara zabaldu du Netanyahuk
"Gerra honen amaiera azkartzeko modurik onena da", adierazi du Israelgo lehen ministroak. Gainera, Gazan goseterik ez dagoela eta guztia "distortsio kanpaina bat" dela esan du.