Su-etena adostu dute Ukrainak eta Errusiak
Ukrainak eta Errusiak akordioa lortu dute su-etena egiteko igandeko 24:00etik (larunbateko 22:00ak, Euskal Herrian) eta arma astunak erretiratzeko, Vladimir Putin presidente errusiarrak iragarri duenez.
"Funtsezkoaren inguruan akordioa lortu dugu", nabarmendu du Putinek, Minskeko (Bielorrusia) goi-bileraren ostean egindako prentsaurreko batean. Bertan, Ukrainako, Errusiako, Frantziako eta Alemaniako buruzagiak bildu dira, 15 orduz, gerrari konponbidea bilatzeko.
Azkenean, itun bat adostu dute, iazko irailean sinatutako akordioak ezartzeko, eta Ukrainako matxino errusiazaleek ere egin dute bat, Putinek zehaztu duenez.
Horren esanetan, Kieveko agintariek Donetskeko eta Luganskeko eskualdeetako matxinoekin hartu-eman zuzenak izateari uko egin diotelako luzatu dira negoziazioak.
"Eskualde horiek aitortzen ez badituzte ere, errealitatea izan behar da abiapuntua, eta akordio iraunkorra lortu nahi badute, hartu-eman zuzenakizan behar dituzte", esan du.
Bestalde, Francois Hollande Frantziako presidenteak adierazi duenez, "oraindik lan handia egin beharra dago Ukrainako krisian, baina Minskeko akordioa benetako aukera da egoera hobetzeko".
Argazkia: EFE
Erreakzioak
Bake akordioa lekuan bertan aplikatu bitartean “zuhurtzia” eskatu du Donald Tusk Europako Kontseiluko presidenteak. Petro Poroxenko Ukrainako buruzagiak EBko estatu kideei eskerrak eman dizkie, gatazkaren aurrean azaldutako “batasunagatik”.
Minskeko akordioa betetzen ez baldin bada zigor gehiago jarriko ditu EBk, Angela Merkel Alemaniako kantzilerrak azaldu duenez. Aldeek su-etena eta ituneko beste baldintzak betetzen ez baldin badituzte “neurri gehiago” hartu beharko dituztela ohartarazi du Merkelek.
Bestalde, su-eten akordioa ospatu dute Ameriketako Estatu Batuek, eta ituna aplikatzeko “pauso konkretuak” eskatu dizkiete aldeei, baina azken orduetan Ukrainako ekialdean areagotu den indarkeriak adostutakoa arriskuan jartzen duela ohartarazi du Washingtonek.
Akordioa ixteko orduan nazioarteko buruzagiek agertutako “pertseberantzia” goraipatu du Ban Ki-moon NBEko idazkari nagusiak.
NDFk 15.500 milioi euroko laguntza
Bestalde, Christine Lagarde Nazioarteko Diru Funtseko (NDF) presidenteak Ukrainari 15.500 milioi euroko mailegua emateko akordioa iragarri du, Bruselan.
"Programa anbizio handikoa, gogorra eta arriskutsua da", ohartarazi du Lagardek, eta erakundeak otsail amaieran bozkatuko duela gaineratu du.
Horren hitzetan, programak "Ukrainako ekonomia egonkortzen" lagunduko du, bertako Gobernuaren erreformak babestu eta "herritarren bizi-baldintzak hobetzeko".
Zure interesekoa izan daiteke
Pentagonoak kargutik kendu du AEBko Armadako Estatu Nagusiko burua
Erasoen gorakadaren erdian, Randy Georgek agintea utzi du eta Trumpek bere erretorika belizista areagotu du.
Artemis II misio espaziala Ilargira bidean da jada
Bidaia tripulatuak bueltan dira Ilargira, 50 urteren ostean, baina oraingoan ez da ilargiratzerik aurreikusi.
Trumpek kargutik kendu du Pam Bondi fiskal nagusia, Espstein auziaren kudeaketarekin hainbat desadostasun izan ostean
AEBko presidenteak 2024ko azaroan jarri zuen karguan, baina denbora horretan hainbat enfrentamendu izan dituzte. Todd Blanchek ordezkatuko du Bondi, Trump presidente izan aurretik jasotako lau inputazio penaletan defendatu zuen abokatuak, alegia.
Amazonek Bahrainen duen zentro baten aurkako erasoa egin duela aldarrikatu du Iranek
Irango Guardia Iraultzaileak Microsoft, Apple, Google, Meta, Boeing, Tesla eta beste 14 enpresaren aurkako erasoak egiteko mehatxua egin zuen asteartean, Iranen kontrako "operazio terroristetan parte hartzea" leporatuta.
Erreskate faltsuak gauzatzen zituen sare bat desegin dute Nepalen
Mendizaleei iruzur egiten saiatzen ziren, beharrezkoak ez ziren ebakuazio medikoen bidez. Agintariek faltsututako 171 erreskate baieztatu dituzte 2022tik 2025era. Ikerketak zabalik jarraitzen du, eta ez da baztertzen kaltetuen kopurua handitzea.
Texasko petrolioak ia % 13 egin du gora, gerra laster amaitzeko zantzurik ez dagoelako
Trumpen azken agerraldiak gerra azkar amaitzeko itxaropena zapuztu du inbertsiogileen artean. Wall Streetek % 1,28 egin du behera, Trumpek Irani "gogor" erasotzen jarraituko duela iragarri ostean.
Artemis II-ko komuna, Ilargira bueltatzeko misioa kolokan jarri duen ustekabea
Tripulazioak akats bat antzeman zuen Orion ontziko hondakinen sisteman. Hala ere, arazoa konpondu zuten, aireratu eta ordu batzuk geroago, misioa arriskuan jarri gabe.
Albiste izango da: "Artemis II" ilargi-bidaia, NAN digitala mugikorrean eta Balmasedako prozesioa
Orain-eko albisteen laburpena, minutu batean.
AEB Iranen dituen helburuak betetzetik gertu dagoela ziurtatu du Trumpek, eta eraso gehiago iragarri ditu
AEBko presidenteak aste gutxi barru aurreikusten du gerraren amaiera, eta Ormuzko itsasartea "modu naturalean" irekiko dela dio. Bien bitartean, Teheranek ukatu egin du su-etena eskatu izana.
"Artemis II" aireratu da Ilargira bidean
NASAko tripulazioa Lurreko orbitan erabat sartu da, eta 10 eguneko bidaiari ekin dio. Gorabehera txikiak izan dira jaurtiketan, baina konpondu dituzte.