Europar Batasunean asilo-kuotak ezartzearen aurka azaldu da Frantzia
Manuel Valls Frantziako lehen ministroak gaur esan duenez, asilo-eskatzaileak Europar Batasuneko herrialdeen artean banatzeko aldi baterako kuota-sistemaren aurka dago Frantzia. Horren ordez, EBko herrialde guztien artean errefuxiatuak "era bidezko batean" banatzea proposatu du Vallsek.
"Nazioarteko irizipideek ezarritako eskubidea da asilo politikoa, eta EBko herrialde guztiek onartutako eskubidea da. Beraz, asilo-eskatzaileen kopurua ezin da kuoten mende jarri", esan du Frantzia-Italia mugatik gertu izandako ekitaldi batean.
Asteazkenean egin zuen proposamena Europako Batzordeak, eta dagoeneko Europar Batasunean dauden asilo-eskatzaileak herrialdeen artean banatzea iradoki zuen behin-behinean. Halaber, beste herrialdeetako 20.000 errefuxiatu hartzeko mekanismo bat sortzea ere proposatu zuen.
Errefuxiatuak modu "justuago" batean banatzea defendatzen du Frantziak, eta Vallsen esanetan, kontuan hartu behar dira herrialde bakoitzak dagoeneko egindako ahaleginak.
Frantziako lehen ministroak azaldu du haren herrialdeak Siriako 5.000 errefuxiatu eta beste 4.500 irakiar hartu dituela 2012az geroztik. Halaber, nabarmendu du asiloa eskatzen duten pertsonen % 75 Frantziaren, Italiaren, Alemaniaren, Erresuma Batuaren eta Suediaren artean banatzen dituztela.
"Europak asilo politika bat izan behar du", azpimarratu du Vallsek. Haren esanetan, Europak erantzun bateratua eman behar du, mugak kontrolatzeko sistema europarra sortu behar du eta pertsonen trafikoa eragozteko neurriak hartu behar ditu.
Itsas Alpeetan izan da gaur Valls eta, hain zuzen ere, eskualde horretan 944 etorkin eta 54 trafikatzaile atzeman zituzten astelehenean.
Zure interesekoa izan daiteke
Europako lehen hantabirus kasua atzeman dute Suitzan
Pazientea hainbat kutsatze detektatu diren gurutzaontzian bidaiatu zuen, eta Zurichen tratatzen ari dira, medikuen zaintzapean.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.