Brusela, normaltasunera itzultzeko saiakeran
Bruselako kaleak pixkanaka-pixkanaka oinezkoak berreskuratzen ari dira, eta dendak, monumentuak eta museoak ateak zabaltzen hasi dira, nahiz eta alerta terroristak maila gorenean jarraitu. Bien bitartean, Pariseko atentatuen ikerketak aurrerapausoak ematen jarraitzen du Belgikan.
Mehatxu terroristaren 4. mailak indarrean jarraituko du datorren astelehenera arte Bruselako eskualdean, baina ikastetxeak, metroa eta tranbia pixkanaka-pixkanaka zabalduko dituzte gaurtik aurrera.
Normaltasuna berreskuratzen lagunduko du horrek; izan ere, hiria basamortua dirudi iragan asteburutik. Hala ere, segurtasuna bermatzeko 300 polizia zabalduko dituzte eskoletan, eta beste 200 agente metroan.
Arrisku egoerei aurre egiteko, ikastetxeetan irakasle zein ikasleentzako ?gela seguruak? prestatzeko proposamena egin du Joelle Milquet Hezkuntza ministroak. ?Eskoletan bunkerrik eraikiko? ez dutela erantzun dio Yvan Mayeur Bruselako alkateak. Gainera, ?histeria saihesteko? eskatu du alkateak.
Mohamed Abrini, bosgarren akusatua
Bestalde, Belgikak bosgarren susmagarri bat akusatu zuen asteartean, Parisko atentatuetan parte hartu duelakoan, Fiskaltzak jakitera eman duenez. Hala, Belgikako agintariek 31 urteko Mohamed Abrini atxilotzeko nazioarteko agindua igorri zuten. Antza denez, susmagarria Salah Abdeslamekin ikusi zuten Parisko erasoak gertatu baino bi egun lehenago.
Azaroaren 11n, Abdeslam Ressonsgo gasolindegi batean filmatu zuten, autobian Pariseko noranzkoan. Abrini Abdeslamekin zegoen. Bosgarren susmagarriak Renault Clio auto bat gidatzen zuen. Ibilgailua Pariseko atentatuetan erabili zuten.
Erasoetan parte hartzea egotzita atxilotu dituzten lau lagunen xehetasunak ere eman ditu Fiskaltzak. Frantziako Poliziak Abdeslam Cambrain zelatatu zuela baieztatu du Ministerio Publikoak. Abdeslam autobiatik Bruselako noranzkoan zihoan, larunbatean, Golf auto batean, beste bi lagunekin batera.
Poliziak Bruselako tren geltoki batean, ekipajea miatzen. Argazkia: EFE
Mohamed Amri Golf autoaren jabea eta Hamza Attou, bigarren bidaiaria, azaroaren 15ean atxilotzeko aukera eman zuen Belgikan egindako ikerketak. Biei erakunde terroristako kide izatea eta hilketa terroristetan parte hartzea inputatu diete.
Salah beste ibilgailu batean joan zen ondoren; 31 urteko Ali O. gidari zuen. Azken hori Bruselako Molenbeek barrutian bizi zen eta azaroaren 23an atxilotu zuten. Erasoekin zerikusia izatea leporatu zioten biharamunean.
Era berean, 39 urteko Lazez A. atxilotu zuten azaroaren 19an. Susmagarria Jetten atxilotu zuten. Bere ibilgailuaren miaketan bi arma eta odol hondarrak aurkitu zituzten.
Lehen haustura politikoa
Bruselan ?muturreko tolerantzia? praktikatzea egotzi zien atzo Karl Vanlouwe N-VAko senatariak sozialistei. Vanlouweren hitzetan, horrek ?mendebaldearenganako gorroto-haztegi? bat sortu du hirian.
Bestalde, Charles Michel lehen ministroak Parlamentuan agerraldia egitea eskatu zuen Zakia Khattabi Ecolo alderdi ekologistaren presidentekideak, krisiari aurre egiteko neurrien gainean ?kontrol demokratikoa? egiteko.
Zure interesekoa izan daiteke
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal baten aurrean gaudela diote kasua aztertu duten errelatoreek. Sexu-esklabotza, bortxazko desagertzea, tortura edota feminizidioa bezalako delituak egon direla erakusten duten gertakariak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".