Iruzur fiskala
Gorde
Kendu nire zerrendatik

Panamako paperak: zer da eta nola sortzen da 'offshore' sozietate bat?

'Offshore' erakunde bat eratzea prozesu erraz samarra eta anonimoa da, eta haren bidez zergak ordaintzea ekidin daiteke.
Panamako paperen auziak Amerika Erdialdeko herrialde hori jomugan jarri du. EFE

Eraso informatiko baten bidez Panamako Mossack Fonseca abokatu-bulegotik hamaika milioi agiri argitara eman ostean, jakin ahal izan da, besteak beste, mundu osoko hainbat eta hainbat politikarik eta funtzionario publikok bulego hori erabiltzen zutela euren aberastasunak ezkutatzeko eta, modu horretan, zergen ordainketa saihesteko asmoz. Aipatutako agirietan, 200 herrialde eta lurralde baino gehiagotan dauden 214.000 sozietate offshore baino gehiagori buruzko informazioa azaltzen da.

Baina, zer dira offshore enpresak eta, batez ere, erraza al da mota horretako enpresa bat eratzea?

Offshore sozietateak edo opakuak merkataritza-sozietateak dira, bertan bizi ez den norbanako batek paradisu fiskal batean helbideratzen dituenak, zergak ordaintzetik salbuetsita daudenak eta honako ezaugarri hauek betetzen dituztenak (noticias.juridicas.com webgunean jasotzen denez).

1- Offshore legedian kreditatuta dauden abokatu eta agente espezializatuen bidez ematen dute izena erregistro batean. Horiek arduratzen dira eraketaz, estatutuak idazteaz, sozietatea akziodunez hornitzeaz eta erregistroa egiteaz.

2- Ez dute jarduera ekonomikorik egiten helbideratuta dauden herrialdean. Bestalde, zuzendariek ez dute izan behar beren helbidea egoitza sozialaren herrialdean, ezin dezakete tokiko eskulana erabili eta ezin dezakete harrerako herrialdearen ekonomia erabili inbertsioak edota banku-transferentziak egiteko. Horrenbestez, mota horretako sozietateak herrialde horretan ez dauden enpresen edota norbanakoen kontrolpean daude, horiek beste leku batzuetan egiten dituzte beren negozioak eta paradisu fiskala sozietatearen legezko egoitza legez besterik ez dute erabiltzen, onuragarriagoa zaien legedia aplikatzeko asmoz.

3- Konfidentzialtasun zorrotza. Aipatu sozietatearen benetako titularra ezkutuan gordetzen da izen-mailegatzailearen azpian, baina ahal guztiak ditu bere bizilekutik jarduteko: kontuak ireki ditzake, ondasunezko edo diruzko transakzioak egin ditzake eta abar, betiere modu anonimoan.

4- Iluntasun informatiboa. Ez dago informaziorik, ez gardentasuni sozietate horiek egiten dituzten operazio ekonomikoen inguruan, ezta ondasun jakinen jabeen edota onuradunen inguruan ere.

Premisa horiek aintzat hartuta ondorioztatzen da offshore sozietate bat eratzeko alderdi erakargarriena zergak aurreztea dela, lizentziari dagokion urteroko ordainketari egin beharko baitiote bakarrik aurre.

Offshore sozietateak eratzea ez da legez kanpokoa, ezta paradisu fiskaletan dirua izatea ere, baina bai izan daiteke legearen kontrakoa ondasunak ezkutatzeko (zergen ordainketa saihesteko xedearekin) egiten baldin bada, edota dirua kopuru baten jatorria zilegizkoa ez bada.

Zaila da al da eratzea?

Offshore erakunde bat eratzea prozesu erraz samarra eta merkea da, batez ere oraindik notario baten parte-hartzea beharrezkoa den herrialdeetan enpresak eratzeko prozesuak eskatzen dituen lanekin alderatuz gero.

Herrialde anglosaxoi batean baltzu mugatu bat eratzeko beharrezkoak diren antzeko izapideak bete behar dira. Hala ere, distantziarengatik eta tokiko legedia ez ezagutzeagatik ohikoena konpainiak eratzen dituen agente batengana (company formation agent) jotzea da eratze-prozesua gauzatzeko. Horrek, aldi berean, tokiko agente edota aholkulari bat erabiliko du.

Offshore sozietate bat nazioarteko negozio konpainia (IBC, International Business Company) gisa eratzeko prozesua martxan jartzen da incorporator izenarekin ezagutzen den tokiko agenteak konpainia-erregistratzaileari sozietatea eratzeko agiriak aurkezten dizkionean. (IBC erako konpainiak paradisu fiskaletan existitzen diren offshore sozietate mota bat dira, bereziki onuragarria den araudi espezifiko baten arabera araututa daudenak).

Behin egun bat edo bi irauten duen erregistro-prozesua bukatuta, konpainia-erregistratzaileak sozietate berriaren eraketaren fede ematen duen eratze-ziurtagiria jaulkitzen du. Momentu horretan sozietatea eratutzat jo genezake, nahiz eta oraindik izapide batzuk egin behar diren operatzen hasi aurretik. Izapide horien artean dago, adibidez, tokiko agenteak dokumentu bat sinatzea sozietatearen zuzendaria edo zuzendari batzordea izendatzen.

IBC motako sozietate opaku bat sortzeak dakartzan onura nagusien artean, honako hauek dira nabarmentzen direnak: zergen ordainketa saihestea, urteko txostenik aurkeztu behar ez izatea eta eratzeko eta kudeatzeko errazak izatea.

Horrez gain, IBC bat sortzeko nahikoa da kapital nominala erabiltzea, hau da, dirurik fisikoki ordaindu behar izan gabe, eta pribatutasun arau zorrotzek babesten dute. Era horretan, jabedunen edo akziodunen izenak ez dira inongo erregistro publikotan azaltzen, ezta sozietatea eratzeko agirietan ere.

agirietan ere.

agirietan ere.

Albiste gehiago mundua

18:00 - 20:00
ZUZENEAN
Duela  min.

G7ak AEBko multinazionalak % 15eko gutxieneko zerga ordaintzetik salbuestea erabaki du

Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.

Varios heridos en los disturbios tras nuevas protestas de la oposición en Belgrado

Varias personas han resultado heridas durante los graves disturbios protagonizados por manifestantes y policías tras las manifestaciones a favor y en contra del gobierno coincidiendo además con el aniversario de la Batalla de Kosovo de 1389, uno de los hechos fundacionales del nacionalismo serbio.
18:00 - 20:00
ZUZENEAN
Duela  min.

Hainbat zauritu eta atxilotu Belgraden, Gobernuaren aurkako protestetan

Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.

BUDAPEST, 28/06/2025.- La marcha del Orgullo LGTBIQ+ se celebra este sábado en Budapest (Hungría) en medio de la controversia por haber sido prohibida por Gobierno del primer ministro Viktor Orbán y con el apoyo de numerosos políticos de centro izquierda europeos, incluyendo varios ministros españoles. EFE/ Luis Lidón
18:00 - 20:00
ZUZENEAN
Duela  min.

Debekuen gainetik, milaka lagun atera dira kalera Budapesten Harrotasunaren eguna ospatzera

LGTBIQ+ Harrotasun Eguna ospatu dute Budapesten, larunbat honetan, agintariek  debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.

18:00 - 20:00
ZUZENEAN
Duela  min.

Estatu-hiletak Iranen, Israelek egindako erasoetan hildako pertsonen omenez

Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.

Gehiago kargatu