Gizon batek soldadu frantses bati eraso dio Parisen, Louvretik gertu
Aihotz batekin armatutako gizon batek soldadu frantses bati eraso dio gaur Parisen (Frantzia), Carrousel plazan eta Louvre museotik gertu, eta honek tiro eginez erantzun du, Frantziako Poliziak baieztatu duenez. Erasotzailea larri zauritu da.
Erasoa 10:00etan jazo da. Gizonak Sentinelle terrorismoaren aurkako polizia talde batengana jo du, mehatxu eginez eta "Allah Akbar" (Ala handia da) oihukatuz, Michel Cadot poliziaburuak zehaztu duenez.
"Gizonak aihotza zeraman eskuan, eta motxila bi bizkarrean", azaldu du Cadotek. Artezilariek gerora baieztatu ahal izan dutenez, zorroetan ez zegoen lehergairik.
Cadot poliziaburuaren esanetan, soldaduak zauri arina du aurpegian. "(erasotzaileak) Gertuen zuen militar honek bost tiro bota ditu, eta larri zauritu du", zehaztu du.
Militar bat Louvre ingurua zaintzen. Artxiboko irudia: EFE
Bigarren pertsona bat atxilotu dute
Bernard Cazeneuve Frantziako lehen ministroaren hitzetan, "itxura guztien arabera, eraso terrorista" izan da Carrousel plazakoa.
Bien bitartean, Parisko Terrorismoaren aurkako Fiskaltzak ikerketa abiatu du.
Pierre-Henry Brandet Barne Ministerioko eledunak jakinarazi duenez, Poliziak beste pertsona bat atxilotu du erasoarekin zerikusia duelakoan (zauritutako erasotzailea ere atxilotuta dago).
Orsay eta Louvre museoak, hustuta
Badaezpadako neurri gisa, Louvre eta Orsay museoak jendez hustu dituzte, eta metroko 7. lineako (Palais Royal) zerbitzua mugatu dute. "Louvre museoan zeuden 250 lagunak talde txikitan atera dituzte", esan du poliziaburuak.
Frantzia Larrialdi Egoeran dago 2015eko azaroaz geroztik. Estatu Islamikoak bere gain hartutako eta Parisen egindako atentatu sortan 130 pertsona hil ziren. Iaz, uztailaren 14an, beste atentatu bat izan zen Nizan; 86 pertsona hil ziren.
ziren.
Zure interesekoa izan daiteke
Pentagonoak kargutik kendu du AEBko Armadako Estatu Nagusiko burua
Erasoen gorakadaren erdian, Randy Georgek agintea utzi du eta Trumpek bere erretorika belizista areagotu du.
Artemis II misio espaziala Ilargira bidean da jada
Bidaia tripulatuak bueltan dira Ilargira, 50 urteren ostean, baina oraingoan ez da ilargiratzerik aurreikusi.
Trumpek kargutik kendu du Pam Bondi fiskal nagusia, Espstein auziaren kudeaketarekin hainbat desadostasun izan ostean
AEBko presidenteak 2024ko azaroan jarri zuen karguan, baina denbora horretan hainbat enfrentamendu izan dituzte. Todd Blanchek ordezkatuko du Bondi, Trump presidente izan aurretik jasotako lau inputazio penaletan defendatu zuen abokatuak, alegia.
Amazonek Bahrainen duen zentro baten aurkako erasoa egin duela aldarrikatu du Iranek
Irango Guardia Iraultzaileak Microsoft, Apple, Google, Meta, Boeing, Tesla eta beste 14 enpresaren aurkako erasoak egiteko mehatxua egin zuen asteartean, Iranen kontrako "operazio terroristetan parte hartzea" leporatuta.
Erreskate faltsuak gauzatzen zituen sare bat desegin dute Nepalen
Mendizaleei iruzur egiten saiatzen ziren, beharrezkoak ez ziren ebakuazio medikoen bidez. Agintariek faltsututako 171 erreskate baieztatu dituzte 2022tik 2025era. Ikerketak zabalik jarraitzen du, eta ez da baztertzen kaltetuen kopurua handitzea.
Texasko petrolioak ia % 13 egin du gora, gerra laster amaitzeko zantzurik ez dagoelako
Trumpen azken agerraldiak gerra azkar amaitzeko itxaropena zapuztu du inbertsiogileen artean. Wall Streetek % 1,28 egin du behera, Trumpek Irani "gogor" erasotzen jarraituko duela iragarri ostean.
Artemis II-ko komuna, Ilargira bueltatzeko misioa kolokan jarri duen ustekabea
Tripulazioak akats bat antzeman zuen Orion ontziko hondakinen sisteman. Hala ere, arazoa konpondu zuten, aireratu eta ordu batzuk geroago, misioa arriskuan jarri gabe.
Albiste izango da: "Artemis II" ilargi-bidaia, NAN digitala mugikorrean eta Balmasedako prozesioa
Orain-eko albisteen laburpena, minutu batean.
AEB Iranen dituen helburuak betetzetik gertu dagoela ziurtatu du Trumpek, eta eraso gehiago iragarri ditu
AEBko presidenteak aste gutxi barru aurreikusten du gerraren amaiera, eta Ormuzko itsasartea "modu naturalean" irekiko dela dio. Bien bitartean, Teheranek ukatu egin du su-etena eskatu izana.
"Artemis II" aireratu da Ilargira bidean
NASAko tripulazioa Lurreko orbitan erabat sartu da, eta 10 eguneko bidaiari ekin dio. Gorabehera txikiak izan dira jaurtiketan, baina konpondu dituzte.