Trumpen bisitari eutsi dio Mayk, ia 2 milioi sinadura gorabehera
Gobernu britainiarrak defendatu egin du astelehenean Donald Trump presidente estatubatuarrak Erresuma Batuan egingo duen bisita, Elisabet II.a erreginarekin duen hitzordua barne, nahiz eta herritar ugari aurka azaldu diren eta astelehenean Parlamentu aurrean protesta handiak egin dituzten.
Ehunka manifestari bildu dira Westminsterren aurrean, Trumpen aurkako protesta batean, Elisabet II.ak Trumpi harrera egin behar ote dion eztabaidatzen zuen bitartean, hain justu.
Erresuma Batuko Gobernuak Trump gonbidatu zuen aurreko urtean, hauteskunde estatubatuarrak irabazi eta gero, baina Parlamentu britainiarrari aurkeztutako eskari publiko batek 1,8 milioi sinadura bildu zituen, Trumpen bisita Estatu mailakoa ez izateko, presidente estatubatuarrari harrera egiteak erregina "lotsatu" egingo zuelako.
Hango legediaren arabera, Gobernua behartuta dago eskari publiko bat aztertzera, 10.000 sinadura baino gehiago biltzen baditu; eta 100.000 sinadurak gaindituz gero, Parlamentuan eztabaidatu behar dute.
May, Trumpi orain dela aste batzuk egindako bisitan. Argazkia: EiTB
Gobernuak, halere, emandako erantzunean, ez du eskaria onartu. "Ameriketako Estatu Batuak munduan zeregin handia duela aintzat hartuta, uste dugu beharrezkoa dela gure eskura dauden baliabide guztiez baliatzea, Trumpekin zubiak eraikitzeko", azaldu du Alan Duncan Kanpo Arazoetarako ministro ohiak.
Duncanen arabera, Estatu mailako bisitak "Erresuma Batuaren diplomaziaren tresnarik garrantzitsuena dira"; hori dela eta, Trumpen bisita egin egingo dute, aurreikusita zegoen moduan.
Halere, oposizioak bereak eta bi esan ditu Trumpen bisitaren harian. "Arrazista eta sexista", "ume handiustea" eta "ezjakintasun zientifikoaren barrentasun", besteak beste, deitu diote oposizioko alderdiek.
o alderdiek.Zure interesekoa izan daiteke
Gutxienez hiru kasko urdin zauritu dira Libano hegoaldeko instalazioetan izandako leherketa batean
Israelek 1.368 pertsona hil ditu jada herrialdearen aurka egindako eraso armatuetan. Halaber, Israelgo Armada Libano hegoaldeko herrixketan etxebizitzak eraisten hasiko da, bertatik 600.000 pertsona kanporatu ondoren. Hezbollah taldearen "kokalekuak" direla ziurtatu du Israelek.
Pentagonoak kargutik kendu du AEBko Armadako Estatu Nagusiko burua
Erasoen gorakadaren erdian, Randy Georgek agintea utzi du eta Trumpek bere erretorika belizista areagotu du.
Artemis II misio espaziala Ilargira bidean da jada
Bidaia tripulatuak bueltan dira Ilargira, 50 urteren ostean, baina oraingoan ez da ilargiratzerik aurreikusi.
Trumpek kargutik kendu du Pam Bondi fiskal nagusia, Espstein auziaren kudeaketarekin hainbat desadostasun izan ostean
AEBko presidenteak 2024ko azaroan jarri zuen karguan, baina denbora horretan hainbat enfrentamendu izan dituzte. Todd Blanchek ordezkatuko du Bondi, Trump presidente izan aurretik jasotako lau inputazio penaletan defendatu zuen abokatuak, alegia.
Amazonek Bahrainen duen zentro baten aurkako erasoa egin duela aldarrikatu du Iranek
Irango Guardia Iraultzaileak Microsoft, Apple, Google, Meta, Boeing, Tesla eta beste 14 enpresaren aurkako erasoak egiteko mehatxua egin zuen asteartean, Iranen kontrako "operazio terroristetan parte hartzea" leporatuta.
Erreskate faltsuak gauzatzen zituen sare bat desegin dute Nepalen
Mendizaleei iruzur egiten saiatzen ziren, beharrezkoak ez ziren ebakuazio medikoen bidez. Agintariek faltsututako 171 erreskate baieztatu dituzte 2022tik 2025era. Ikerketak zabalik jarraitzen du, eta ez da baztertzen kaltetuen kopurua handitzea.
Texasko petrolioak ia % 13 egin du gora, gerra laster amaitzeko zantzurik ez dagoelako
Trumpen azken agerraldiak gerra azkar amaitzeko itxaropena zapuztu du inbertsiogileen artean. Wall Streetek % 1,28 egin du behera, Trumpek Irani "gogor" erasotzen jarraituko duela iragarri ostean.
Artemis II-ko komuna, Ilargira bueltatzeko misioa kolokan jarri duen ustekabea
Tripulazioak akats bat antzeman zuen Orion ontziko hondakinen sisteman. Hala ere, arazoa konpondu zuten, aireratu eta ordu batzuk geroago, misioa arriskuan jarri gabe.
Albiste izango da: "Artemis II" ilargi-bidaia, NAN digitala mugikorrean eta Balmasedako prozesioa
Orain-eko albisteen laburpena, minutu batean.
AEB Iranen dituen helburuak betetzetik gertu dagoela ziurtatu du Trumpek, eta eraso gehiago iragarri ditu
AEBko presidenteak aste gutxi barru aurreikusten du gerraren amaiera, eta Ormuzko itsasartea "modu naturalean" irekiko dela dio. Bien bitartean, Teheranek ukatu egin du su-etena eskatu izana.