59 pertsona hil dituzte Las Vegasen, AEBko historiako tiroketa larrienean
Gutxienez 59 pertsona hil dira eta 500dik gora zauritu, igande gauean Las Vegasko country musikako kontzertu batean izandako tiroketaren ondorioz. Mandalay Bay kasinoaren parean izan da, Joseph Lombardo sheriffak jakitera eman duenez. Stephen Paddockek, ustezko erasotzaileak, 64 urtekoa bera, bere buruaz beste egin zuen, triskantza eragin eta gero.
22:00ak aldera gertatu da, country musikako kontzertu batean, kasino horren ondoko zelaigunean. "Puntu altu batetik tiro egiten ari ziren. Balak bata bestearen ostean botatzen ari ziren", azaldu du kontzertura joan den pertsona batek, KSNV News katean.
Polizia bertaratuta, "tirotzaile aktibo bat dago Mandalau Bay kasinotik gertu", jakinarazi dute Twitter bitartez. "Bertatik aldentzeko eskatzen diogu jende guztiari", adierazi dute sare sozialean.
Ustezko tiratzaileak, 64 urtekoa eta Nevadako Mesquiteko bizilaguna bera, hotel bateko gela batetik jaurti zuen. Indar berezietako talde bat sartu zen, azkenean, gelan, eta bertan zegoen, hilda, Paddock. Susmagarri bakarra da.
Las Vegasko Poliziak agiri batean berretsi duenez, ikerketa aktiboa dago abian xede izanik gertatutakoa argitzea; herritarrei laguntza eskatu diete: edozein bideo eta argazki izan daiteke lagungarria ikerketan. "Patzientzia" eskatu dute, halaber, biktimen identifikatzeko.
"Route 91. Harvest" musika festibalaren agertokietako baten irudi orokorra. EFE
Polizia hiriko beste zenbait gunetan tiroketak ikertzen ari zela zabaldu dute hasiera batean Ameriketako Estatu Batuetako hedabideek, baina segurtasun indarrek esan dute erasotzailea bakarrik zegoela. Halere, Lombardok azaldu du emakume baten bila ari direla, erasotzailearen laguna delakoan.
Erasoa zer dela eta gertatu den galdetuta, oraindik ikertzen ari direla erantzun du Lombardok, baina ez direla terrorismo ekintza bezala aztertzen ari azpimarratu du. "Otso bakarti bat dela uste dugu", azaldu du.
Estatu Islamikoak erasoa bere gain hartu du, baina FBIk ukatu egin du
Estatu Islamikoak tiroketa bere gain hartu du. Amaq albiste agentziak ziurtatu duenez, erasoaren egilea "Estatu Islamikoaren soldadu bat izan da", baina ezin izan dute egiaztatu oraindik.
Nazioarteko koalizioaren ekintzei erantzuteko erasoa izan da, Amaq albiste-agentziaren arabera. AEBek zuzenduta, nazioarteko koalizioa Estatu Islamikoaren aurka borrokan ari da Sirian eta Iraken.
Agentziak aldarrikapenaren ostean argitaratutako beste agiri batean azaldu duenez, Stephen Paddock ustezko erasotzailea "duela hilabete batzuk islamera aldatu zen".
Dena dela, FBIk ukatu egin du tiratzaileak "talde atzerritar batekin lotura izatea".
Tiroketa "gaiztakeria ekintza garbia" izan dela salatu du Trumpek
Bestalde, tiroketa "gaiztakeria ekintza garbia" izan dela gaitzetsi du Donald Trump Ameriketako Estatu Batuetako presidenteak. Segurtasun indarren esku-hartze "miraritsua" goraipatu du.
"Tristuran, hunkipenean eta doluan baturik gaude", adierazi du Trumpek prentsaurrekoan, Etxe Zurian.
Egun "oso ilun" honetan biktimei eta haien senitartekoei elkartasuna adierazi die agintariak. Larrialdi zerbitzuen "esfortzu ausarta" txalotu du, "benetako profesionaltasunez" kalte handiagoak izatea eragotzi zutelako.
Zure interesekoa izan daiteke
Bengala bat, Urtezahar egunean Suitzako taberna batean sua piztu izanaren arrazoi nagusia
Oraingoz, ez dago argi zenbat pertsona zeuden lokal horretan, baina hainbat lekukok adierazi dute sutea gertatu zen ordurako bengala zuten xanpain botila batzuk piztuta zeudela, eta sarrera bakarra oso estua zela deitoratu dute.
Irango protestetan "manifestariak hiltzen badituzte" herritarrak "erreskatatuko" dituela ohartarazi du Trumpek
Irango Gobernuak bere programa nuklearra berriro garatzen saiatzen ari dela adierazi du Trumpek azken egunotan, eta balizko bonbardaketekin erantzuteko prest agertu da, ekainean Israelekin egin bezala.
Zazpi pertsona hil dira Iranen, egoera ekonomikoak okerrera egin duela salatzeko deitutako hainbat manifestaziotan
Manifestazioak igandean hasi ziren Teheranen, eta dozenaka hiritara zabaldu dira azken egunotan, besteak beste, Isfahan, Kerman, Kermanshah, Hamadan eta Qom hirietara. Iran krisi ekonomiko larrian dago, urteko % 42ko inflazioarekin.
Txina medikamentuen eta antisorgailuen BEZa kobratzen hasi da, jaiotza-tasa estimulatzeko
Pekinek 30 urte baino gehiagoz indarrean egon den salbuespen fiskal bat ezabatu du krisi demografikoaren erdian.
Gutxienez 40 hildako eta 115 zauritu, gehienak larri, Suitzako Crans Montana eski-estazioan izandako sute batean
"Le Constellation" tabernan ospatzen ari ziren urte berriko festan piztu da sute bortitza, 01:30ean. Agintariek ez dute espekulaziorik egin nahi sutearen arrazoiaren inguruan baina erabat baztertu dute atentatuaren hipotesia. Bi lekukok azaldu dutenez, sua egurrezko sabaira gehiegi hurbildu ziren bengala batzuen ondorioz piztu zen, eta "oso azkar" zabaldu zen.
Sute batek eliza historiko bat kiskali du Amsterdamen Urtezahar gauean
Amsterdamgo Vondelkerk eliza historikoa, XIX. mende amaierako eraikina, erabat suntsituta geratu da bart sute baten ondorioz. Inguruko etxebizitzak hustu behar izan dituzte eta, zorionez, ez da inor zauritu ezbeharrean. Gertakariaren arrazoi ofizialak ezagutzen ez diren arren, herritar batzuek su artifizialak ikusi zituzten elizaren dorretik getu.
Moneta aldaketa Bulgarian: euroak lev moneta ofiziala ordezkatu du
Europar Batasunean (EB) duela 19 urte sartu bazen ere, Bulgaria orain arte eurogunetik kanpo egon da. 2026ko urtarrilaren 1etik, Bulgaria eurogunera sartu den 21. herrialdea da.
Zohran Mamdanik New Yorkeko alkate kargua hartu du
Alkate demokratak gauerdiaren ostean hartu du kargua, hiriko metro geltoki historiko batean egindako ekitaldi batean. New Yorkeko alkate gisa egin dituen lehen adierazpenetan, "ohorea eta pribilegioa" dela nabarmendu du.
Indarrean da Israelek Gazan jarduten duten 37 GKEri jarritako betoa
Israelek nazioarteko erakunde humanitarioei (Mugarik Gabeko Medikuak eta UNRWA) lizentziak kendu dizkie, eta jarduera etetea eta martxoaren 1a baino lehen Gazatik alde egitea exijitu die, erregistro-prozesu polemiko bat ez osatzeagatik.
Su artifizial liluragarriak mundu osoan 2026 urteari harrera egiteko
Su artifizial ikusgarriz eta musikaz lagunduta, urte berrian abiatu dira Rio de Janeiro, New York, Paris, Berlin edo Dubai bezalako munduko hiriburu handiak.