Trump: 'Texaseko tiroketa egilearen buruko gaitzen ondorioz gertatu da'
Texaseko eliza batean gertatutako tiroketak Ameriketako Estatu Batuetako armen legediarekin zerikusirik ez duela ziurtatu du Donald Trump AEBeko presidenteak, egilearen “buruko gaitzekin” baizik. Trumpen hitzetan, erasotzailea “burutik jota” zegoen.
“Hemen arazoa buruko osasuna da”, erantzun du agintariak, su-armen kontrolaren inguruan galdetu diotenean; izan ere, Trumpek prentsaurrekoa eman du gaur Tokion , Shinzo Abe Japoniako lehen ministroarekin batera.
“Buruko osasun arazo larria da, lehen ikerketen arabera, egilea burutik jota zegoelako”, azaldu du. “Gertakari oso tristea izan da, baina nik horrela ikusten dut”, azpimarratu du Trumpek, CNNk jakitera eman duenez.
Ordu batzuk lehenago, AEBko buruzagiak biktimen senitartekoei doluminak eman dizkie eta Ameriketako Estatu Batuetako herriari batasun mezu bat helarazi nahi izan dio. “Malkoen eta atsekabearen bidez, indartsu gaude”, esan du agintariak.
Zergati erlijioso edo terrorista baztertu du Poliziak
Bestalde, Devin Patrick Kelleyk egindako sarraskian zio terrorista, erlijiosoa edo arrazakeria baztertu du gaur Poliziak. Kelleyk 26 pertsona hil zituen Sutherland Springseko eliza baptista batean. Arrazoi pertsonalek bultzatu zutela uste du Poliziak.
“Arrazakeria edo zergati erlijiosoak baztertzen ditugu; familian arazoak zituela esan dezakegu”, adierazi du Poliziak prentsaurrekoan.
Kelleyk bere buruaz beste egin zuela uste dute agintariek. Hamar zaurituk egoera kritikoan jarraitzen dutela erantsi du Poliziak.
si du Poliziak.Zure interesekoa izan daiteke
6,5 graduko lurrikara batek Mexiko erdialdea astindu du
Hegoaldeko Guerrero estatuko kostaldean izan du epizentroa lurrikarak, Ozeano Barean, baina astindua herrialdeko hainbat hiritan antzeman dute, Mexikoko hiriburua barne. Oraindik ez dute kalte material edo pertsonalik jakinarazi.
Bengala bat, Urtezahar egunean Suitzako taberna batean sua piztu izanaren arrazoi nagusia
Oraingoz, ez dago argi zenbat pertsona zeuden lokal horretan, baina hainbat lekukok adierazi dute sutea gertatu zen ordurako bengala zuten xanpain botila batzuk piztuta zeudela, eta sarrera bakarra oso estua zela deitoratu dute.
Irango protestetan "manifestariak hiltzen badituzte" herritarrak "erreskatatuko" dituela ohartarazi du Trumpek
Irango Gobernuak bere programa nuklearra berriro garatzen saiatzen ari dela adierazi du Trumpek azken egunotan, eta balizko bonbardaketekin erantzuteko prest agertu da, ekainean Israelekin egin bezala.
Zazpi pertsona hil dira Iranen, egoera ekonomikoak okerrera egin duela salatzeko deitutako hainbat manifestaziotan
Manifestazioak igandean hasi ziren Teheranen, eta dozenaka hiritara zabaldu dira azken egunotan, besteak beste, Isfahan, Kerman, Kermanshah, Hamadan eta Qom hirietara. Iran krisi ekonomiko larrian dago, urteko % 42ko inflazioarekin.
Txina medikamentuen eta antisorgailuen BEZa kobratzen hasi da, jaiotza-tasa estimulatzeko
Pekinek 30 urte baino gehiagoz indarrean egon den salbuespen fiskal bat ezabatu du krisi demografikoaren erdian.
Gutxienez 40 hildako eta 115 zauritu, gehienak larri, Suitzako Crans Montana eski-estazioan izandako sute batean
"Le Constellation" tabernan ospatzen ari ziren urte berriko festan piztu da sute bortitza, 01:30ean. Agintariek ez dute espekulaziorik egin nahi sutearen arrazoiaren inguruan baina erabat baztertu dute atentatuaren hipotesia. Bi lekukok azaldu dutenez, sua egurrezko sabaira gehiegi hurbildu ziren bengala batzuen ondorioz piztu zen, eta "oso azkar" zabaldu zen.
Sute batek eliza historiko bat kiskali du Amsterdamen Urtezahar gauean
Amsterdamgo Vondelkerk eliza historikoa, XIX. mende amaierako eraikina, erabat suntsituta geratu da bart sute baten ondorioz. Inguruko etxebizitzak hustu behar izan dituzte eta, zorionez, ez da inor zauritu ezbeharrean. Gertakariaren arrazoi ofizialak ezagutzen ez diren arren, herritar batzuek su artifizialak ikusi zituzten elizaren dorretik getu.
Moneta aldaketa Bulgarian: euroak lev moneta ofiziala ordezkatu du
Europar Batasunean (EB) duela 19 urte sartu bazen ere, Bulgaria orain arte eurogunetik kanpo egon da. 2026ko urtarrilaren 1etik, Bulgaria eurogunera sartu den 21. herrialdea da.
Zohran Mamdanik New Yorkeko alkate kargua hartu du
Alkate demokratak gauerdiaren ostean hartu du kargua, hiriko metro geltoki historiko batean egindako ekitaldi batean. New Yorkeko alkate gisa egin dituen lehen adierazpenetan, "ohorea eta pribilegioa" dela nabarmendu du.
Indarrean da Israelek Gazan jarduten duten 37 GKEri jarritako betoa
Israelek nazioarteko erakunde humanitarioei (Mugarik Gabeko Medikuak eta UNRWA) lizentziak kendu dizkie, eta jarduera etetea eta martxoaren 1a baino lehen Gazatik alde egitea exijitu die, erregistro-prozesu polemiko bat ez osatzeagatik.