Alemaniako sozialdemokraten matxinada
Harrigarria da Martin Schulz Alemaniako sozialdemokratarekin gertatu dena. Mundu guztia bat dator esatean oso ondo negoziatu duela gobernu akordioa Angela Merkel kristau-demokratarekin. Baina, hala ere, bere alderdi barruan denak ez daude gustura ez berarekin ezta koalizio akordioarekin ere… Are gehiago, argi geratzen ari da asko direla akordio hori gustuko ez dutenak.
Schulzek bere burua eskaini zuen gobernu berrian Atzerri ministro izateko. Ziur ministro ona izango zela, kontutan izanda Europako Parlamentuko presidente izateak eman dion esperientzia. Baina berehala gogora ekarri nahi izan diote iraileko hauteskundeen ostean Schulzek agindu ziena, alegia, sozialdemokratak oposiziora pasako zirela. Hori horrela, ministro izateko aukera baztertu egin behar izan du baita SPD alderdi sozialdemokratako presidente izatea ere. Andrea Nahles Lan ministro ohia jarri nahi zuen alderdiaren presidente karguan baina alderdiko oinarriak berriro altxatu dira eta izendapen hori ez-ohiko kongresu batean egitea exijitu dute. Adi! Izan ere, oinarri horiek baitira datorren martxoaren 4an gobernu akordioa berretsi beharko dutenak. Gauzak dauden moduan, badirudi giroa oso nahastuta dagoela alderdi barruan, beraz, gaur gaurkoz ezin da segurutzat jo azkenean gobernu akordioa egongo denik Alemanian.
Albiste gehiago mundua
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, neskentzako udaleko kristau batean parte hartzen ari ziren 23 adingabe tartean. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.
Hamasek erantzun "positiboa" eman dio AEBren Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.
45 pertsona zauritu dira, horietako bi larri, Erromako gasolindegi batean izandako leherketan
Eztanda Casilino inguruan izan da, zisterna-kamioi batetik petrolio-gas likidotua deskargatzen ari zirenean. Italiako agintariek zehaztu dutenez, zaurituak 24 zibil, hamaika polizia, sei suhiltzaile, larrialdietako hiru langile eta karabinero bat dira.
Ipar Koreak Wonsan hiriko gune turistiko erraldoia inauguratu du
Kim Jong-un liderrak Asiako herrialde hermetikoan turismoa sustatzeko hainbat urtez bultzatutako funtsezko proiektua da. Uztailaren 1ean ateak ireki zituen gune turistikoak 20.000 bisitari hartzeko gaitasuna du.
Hamasek gaur erantzungo dio Gazarako su-eten proposamenari
Erresistentzia Islamikorako Mugimendua "pozik" agertu da Gazarako azken su-eten proposamenarekin, besteak beste, negoziazioek irauten duten bitartean borrokara ez itzultzeko "bermeak" jasotzen dituelakoan.
AEBko kongresuak Trumpen zerga-plan "handi eta ederra" onartu du
Zerga-plan berriak azken urteetako zerga-murrizketarik handienetakoa egingo du AEBn. Gizarte-programetan murrizketa handiak aurreikusten ditu, eta defizit federala nabarmen handituko da hurrengo hamarkadan.
Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.