Familia etorkinak banantzeari uzteko agindua sinatu du Trumpek
Mexikoko mugan ume etorkinak gurasoengandik banantzeari uzteko agindu exekutiboa sinatu du gaur Donald Trump Ameriketako Estatu Batuetako presidenteak.
Etxe Zuriko iturri batek baieztatu duenez, denboraldi luze batean etorkinen atxiloketa zentroetan umeak gurasoekin geratu ahal izateko agiria sinatu du Trumpek.
Ordu batzuk lehenago, guraso eta ume etorkinak hegoaldeko mugan ez banantzeko neurri bat sinatuko zuela iragarri du Donald Trumpek. Arazoak kritika ugari sortu ditu AEBetan eta munduan.
“Aldi baterako zerbait sinatuko dut”, adierazi du Trumpek kazetarien galderen aurrean. “Familiak baturik mantendu nahi ditugu”, esan du. Kongresuko kideak Etxe Zurian hartu ditu agintariak.
“Neurri batean” erabaki “prebentiboa” hartu behar zuela azaldu du presidenteak; izan ere, Kongresuak gaiaren inguruko “legea” onartuko duela uste du. Datu ofizialen arabera, maiatzaren 5a eta 9a bitartean gutxienez 2.342 haur etorkin gurasoengandik banandu dituzte.
“Ez zaigu gustatzen familiak bananduta ikustea, baina jendea legez kanpo gure herrialdean sartzea ere ez zaigu gustatzen. Honek arazoa konpontzen du”, adierazi du Trumpek Etxe Zurian.
“Familiak banandurik ikustea ez zitzaidan gustatzen, ezta horrek sortzen zituen sentimenduak ere”, azaldu du buruzagiak. Dekretu hori sinatuta “jende asko pozik egongo da”, erantsi du.
Trumpen gobernuak apirilean martxan jarritako politikaren eraginez banandu dituzte etorkinen familiak. Izan ere, karguak aurkezten dituzte Mexiko eta AEBen arteko muga legez kanpo zeharkatzen duten adinekoen aurka, eta, gainera, gurasoak eta seme-alaba adingabeak bereizten dituzte.
Hala ere, gurasoak eta adingabeak bereiztea ekarri zuen immigrazioaren aurkako politikarekin jarraitzeko asmoa agertu du Trumpek.
“Muga boteretsu bat mantenduko dugu eta inor legez kanpo sartzea ez dugu onartuko”, esan du.
Aurrerantzean, gurasoak seme-alabekin batera eramango dituzte etorkinen atxiloketa zentroetara. Litekeena da horrek Etxe Zuriaren aurkako auziak sortzea, 1997an AEBetako Gobernuak hartutako konpromisoaren aurka doalako.
'Flores' akordioaren arabera, mugan atxikitako adingabeak asko jota 20 egun egon daitezke atxikita.
Albiste gehiago mundua
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.