Eragozpenak
Itxuraz, ez du horrenbeste axola bideak nora eramango gaituen, garrantzitsuena bide hori jorratzeko dugun eskubidea omen da. Hori gertatu da, esate baterako, erreferenduma mahai gainean jartzen denean; badirudi, balio duen bakarra eta demokratikoena egitea dela, kontutan hartu gabe nola iritsi gaitezkeen erreferendum horretara, eta erabakia hartu ondoren nola gauzatuko dugun erdietsitakoa.
Demokraziak ez ditu arau jakinak eta ezinbestekoak, herritarren borondatea eta erabakitzeko duten eskubidea modu askotan bidera liteke. Eta tresna bera egoera batzuetan arazoak konpontzeko baliabide egokia izan liteke eta beste batzuetan buruhauste handien eragile.
Alde guztien arteko oinarrizko akordioen bidez antolatutako erreferendumak ez aurrera ez atzera dagoen korapiloa aska lezake. Baina, brexit-aren kasuan egiaztatu ahal izan dugunez, adostutako erreferendumak eragozpen handiagoak sor litzake konponduko lituzkeenak baino.
Erabakia hartu ondoren irabazleek galtzaileekin hitzartu behar dute aurrerantzean egin beharrekoa, gero kanpokoekiko hitzarmenak negoziatu beharko dituzte. Bozketa egin aurretik erabakiak dituen ondorioak garbi eta zehatz adierazten ez badira ustekabekoak datoz, damua eta iruzur salaketak.
Erresuma Batuak Europar Batasunarekin sinatuta dituen akordioak, hartuta dituen konpromisoak eta bete behar dituen obligazioak hain sendoak eta konplexuak dira, erabat bereizi arteko ahaleginak garbaitzera eraman gaitzakeela. Gainera, behin betiko emaitza espero genuena baino askoz okerragoa izan liteke ez baitago irabazleen esku bakarrik.
Erreferendumek etorkizuna erabat baldintzatzeko erabakiak hartzerako badira, prestaketa lan handia eskatzen dute. Lehendabizi, alde guztien arteko adostasuna lortzeko; ondoren, erabakia bat edo beste izan, ekarriko duena ondo zehaztuta uzteko.
Botoa ematen duenak garbi jakin behar du zer egiten ari den eta egiten duen horrek nola baldintzatuko duen bere etorkizuna. Eta hori horrela egiten ez bada, erreferenduma tresna demokratikoa izan beharrean, bazterrak nahastu eta zatiketa sortzeko erreminta politiko burugabea bihur liteke.
Zure interesekoa izan daiteke
Bruselak ikerketa abiatu du Sheinen aurka, diseinu "adiktiboa" duelakoan eta legez kanpoko produktuen salmentagatik
Europako Batzordearen ustez, Txinako plataformak ez du Europako araudia betetzen, ez delako gardena bere gomendio-sistemekin eta legez kanpoko artikuluak merkaturatzeko aukera ematen duelako, besteak beste, haurren sexu-abusurako materiala.
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.