AEBri nekazaritza produkturik erosiko ez diola iragarri du Txinak
Txinak iragarri du ez diola AEBri nekazaritza produkturik erosiko. Horrela erantzun dio Washingtonek duela gutxi egindako iragarpenari. Hain zuzen ere, Trumpek iragan astean jakinarazi zuen Txinara esportatzen dituen produktuetan % 10 igoko dituela muga-zergak.
Astearte honetan argitaratutako ohar batean, Txinako Merkataritza Ministerioak esan du Txinako eta AEBko estatuburuen bileran hitzartutakoa "larri urratu" duela irailaren 1erako iragarritako zerga igoerak.
"Abuztuaren 3az geroztik AEBri erositako produktuetan zergak ezartzea onartu dute, eta, horren aurrean, Txinako enpresek bertan behera utzi dituzte aurreikusitako erosketak", dio testuak.
Edozein kasutan, Merkataritza Ministerioa harro agertu da asiar herriak duen "merkatu gaitasunarekin", eta beretzat hartu ditu kalitate handiko produktu estatubatuarren inportazioan izandako aurreikuspen "bikainak".
Nolanahi dela, argi utzi du aurreikuspen horiek betetzeko beharrezkoa dela Washingtonek martxan jartzea Txinako eta AEBko estatuburuen arteko bileran adostutakoa, eta konpromiso horiek aurrera eramateko ardura erakustea, nekazaritza sektorean bi herrialdeen arteko elkarlana posible izan dadin.
Iragarpenak, baina, iaztik bizi duten merkataritza gerran atzerapausoa ekarri du, tentsioa areagotu baitu. Iragan astean Donald Trumpek muga-zergen igoeraz esandakoaren ondotik heldu da, hain zuzen, bi herrialdeen arteko tirabira.
Zure interesekoa izan daiteke
Pentagonoak kargutik kendu du AEBko Armadako Estatu Nagusiko burua
Erasoen gorakadaren erdian, Randy Georgek agintea utzi du eta Trumpek bere erretorika belizista areagotu du.
Artemis II misio espaziala Ilargira bidean da jada
Bidaia tripulatuak bueltan dira Ilargira, 50 urteren ostean, baina oraingoan ez da ilargiratzerik aurreikusi.
Trumpek kargutik kendu du Pam Bondi fiskal nagusia, Espstein auziaren kudeaketarekin hainbat desadostasun izan ostean
AEBko presidenteak 2024ko azaroan jarri zuen karguan, baina denbora horretan hainbat enfrentamendu izan dituzte. Todd Blanchek ordezkatuko du Bondi, Trump presidente izan aurretik jasotako lau inputazio penaletan defendatu zuen abokatuak, alegia.
Amazonek Bahrainen duen zentro baten aurkako erasoa egin duela aldarrikatu du Iranek
Irango Guardia Iraultzaileak Microsoft, Apple, Google, Meta, Boeing, Tesla eta beste 14 enpresaren aurkako erasoak egiteko mehatxua egin zuen asteartean, Iranen kontrako "operazio terroristetan parte hartzea" leporatuta.
Erreskate faltsuak gauzatzen zituen sare bat desegin dute Nepalen
Mendizaleei iruzur egiten saiatzen ziren, beharrezkoak ez ziren ebakuazio medikoen bidez. Agintariek faltsututako 171 erreskate baieztatu dituzte 2022tik 2025era. Ikerketak zabalik jarraitzen du, eta ez da baztertzen kaltetuen kopurua handitzea.
Texasko petrolioak ia % 13 egin du gora, gerra laster amaitzeko zantzurik ez dagoelako
Trumpen azken agerraldiak gerra azkar amaitzeko itxaropena zapuztu du inbertsiogileen artean. Wall Streetek % 1,28 egin du behera, Trumpek Irani "gogor" erasotzen jarraituko duela iragarri ostean.
Artemis II-ko komuna, Ilargira bueltatzeko misioa kolokan jarri duen ustekabea
Tripulazioak akats bat antzeman zuen Orion ontziko hondakinen sisteman. Hala ere, arazoa konpondu zuten, aireratu eta ordu batzuk geroago, misioa arriskuan jarri gabe.
Albiste izango da: "Artemis II" ilargi-bidaia, NAN digitala mugikorrean eta Balmasedako prozesioa
Orain-eko albisteen laburpena, minutu batean.
AEB Iranen dituen helburuak betetzetik gertu dagoela ziurtatu du Trumpek, eta eraso gehiago iragarri ditu
AEBko presidenteak aste gutxi barru aurreikusten du gerraren amaiera, eta Ormuzko itsasartea "modu naturalean" irekiko dela dio. Bien bitartean, Teheranek ukatu egin du su-etena eskatu izana.
"Artemis II" aireratu da Ilargira bidean
NASAko tripulazioa Lurreko orbitan erabat sartu da, eta 10 eguneko bidaiari ekin dio. Gorabehera txikiak izan dira jaurtiketan, baina konpondu dituzte.