Conte Italiako lehen ministroak dimisioa eman du
Giuseppe Conte Italiako lehen ministroak dimisioa eman du astearte honetan eta gobernu krisiaren ardura Matteo Salvini Ligako buruzagiari egotzi dio.
Sergio Mattarella presidenteak bilera-sorta abiatuko du bihar alderdi politikoekin, zer egin erabakitzeko. Bi aukera izango ditu: gobernu berri bat osatzea edo hauteskundeak aurreratzea.
Contek agerraldia egin du Senatuan, Salvinik bere aurka abuztuaren 9an aurkeztu zuen zentsura-mozioaren harira.
Senatuan eman duen hitzaldian, Contek aurreratu du “debatea amaitzean Errepublikako presidentearekin bilduko dela bere gobernuko esperientzia eteteko erabakia jakinarazteko, eta dimisioa aurkezteko”. Eta hala egin du.
Lehen ministroaren esanetan, egungo krisiak Gobernuaren ekintza eta erabakiak arriskuan jartzen ditu, baina oraindik asko dago egiteko”. Hitzaldi berean Salviniri “oportunismo politikoz jardutea” eta une kritiko batean Gobernua haustea leporatu dio.
Salviniri “arduragabe” eta “oportunista” bat izatea leporatu dio
Contek gogor kritikatu du Matteo Salvini Barne ministroa, eta “arduragabea” izatea leporatu dio herrialdearentzat une delikatu batean gobernu krisi bat sortzeagatik, helburu pertsonalak bakarrik jarraitzeagatik eta bere alderdiaren ongizatea bakarrik bilatzeagatik.
Salvinik Ligaren eta 5 Izarren Mugimenduaren arteko harremanak haustea erabaki izana “objetiboki oso erabaki larria da, eta ekonomikoki zein sozialki ondorio larriak ekarriko dizkio herrialdeari” Conteren iritziz. Bere hitzak gaitzespenez eta kexuekin jaso dituzte Ligako kideek, eta Salvinik lasaitzeko keinuak egin behar izan dizkie.
Zentzu horretan, Contek bere harridura adierazi du Salvinik gobernu krisia sortu ostean, Ligako ministroak Gobernutik atera ez zituelako. Gainera, haustura Salvinik berak aurkeztutako segurtasun dekretua aurkeztearekin batera gertatzeak “oportunismo politikoa” erakusten duela salatu du.
Azkenik, galdeketetan izandako emaitza onengatik Salvinik aurreratu nahi dituen hauteskundeen harira, “herritarrek bozkatzea demokraziaren oinarria bada ere, urtero hauteskundeak izatea arduragabekeria hutsa” dela adierazi du Contek.
Zure interesekoa izan daiteke
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.