Netanyahuk Likuden duen agintea berretsi du botoen % 70 baino gehiago eskuratuta
Benjamin Netanyahu Israelgo lehen ministroak Likud alderdi eskuindarrean duen agintea berretsi du barne-hauteskundeetan botoen % 72 eskuratuta. Guideon Saar, berriz, ez da % 30eko babesera iritsi.
Netanyahuk boto guztiak zenbatu aurretik aldarrikatu du garaipena. Guztira 41.792 kidek eman diote botoa, ustelkeriagatik auzipetuta dagoen arren, eta horri esker, martxoaren 2ko hauteskundeetarako hautagaia izango da. Saar-ek 15.885 alderdikideren babesa jaso du.
"Eskerrik asko lagunei eta Likudeko kideei euren konfiantza, laguntza eta maitasunagatik. Jainkoaren eta zuen laguntzarekin, hurrengo hauteskundeetan garaipen handia lortuko dut eta Israelgo Estatua zuzentzen jarraituko dut, aurrekaririk gabeko lorpenetarako bidean ", esan du Twitter bidez zabaldutako mezu batean.
Benjamin Gantz Israelgo Urdina eta Zuria koalizioko buruak ez zuen herrialdean koalizio-gobernua osatzeko nahikoa babes lortu, eta agintea itzuli zion Reuven Rivlin Israelgo presidenteari. Ondorioz, urtebetean hirugarren aldiz deitu zituzten hauteskundeak.
Testuinguru horretan, Netanyahuren aurkako kritikak ugaritu egin ziren alderdiaren barruan, ustelkeriagatik inputatu zutelako eta apirileko eta iraileko hauteskundeetan ez zituztelako espero zituzten emaitzak lortu. Izan ere, talde eskuindarrak ez zuen gehiengoa lortzeko aukerarik izan.
Hala, Israelgo hurrengo hauteskundeak, 2020ko martxoaren 2an izango dira, Likudek eta Urdina eta Zuria koalizioak egindako akordio baten ostean. Parlamentuak, akordio hori babestu zuen, eta abenduaren 12an desegin zen, bozketaren ostean.
Albiste gehiago mundua
Alemaniak, Frantziak eta Erresuma Batuak Gazako gerra amaitzeko "ordua" iritsi dela diote
Hamasi "aginduzko desarmea" eta bahitu guztiak askatzea eskatu diote, eta Israeli laguntza humanitarioari oztopoak kentzea eta Gazatik ateratzea. Bestalde, Antonio Guterresek adierazi du ez duela ulertzen Gazako tragediaren aurrean munduak duen "axolagabekeria eta gelditasun maila".
Von der Leyen eta Trump igandean bilduko dira Eskozian, AEBk muga-zergak inposatzeko ultimatuma amaitzear dagoenean
Europako Batzordeko presidenteak Trumpekin bilera itxi du, telefono dei "on" baten ostean. Gainera, bileran bi buruzagiek "merkataritza harremanak eta horiek indartzeko moduak" eztabaidatuko dituztela azaldu du Europako Batzordeak.
Netanyahuk Hamas akordioa ixteko "oztopoa" dela esan du, eta Trumpek Gazan "lana amaitzeko" eskatu dio Israeli
Bi bazkideak gatazka konpontzeko "alternatibak" aztertzen ari dira. "Hamas da bahituak askatzearen akordioa lortzeko oztopoa", adierazi du Israelgo lehen ministroak. AEBko presidenteak dio Hamasek bere burua "hil" nahi duela eta, beraz, Israelek bere erasoaldi militarrarekin hasitako "lana bukatu" behar duela.
Georges Abdallah Libanon da, bere jaioterrian, 40 urte Frantzian preso eman ondoren
Georges Abdallah militante libanoarrak palestinarren borroka "inoiz baino gehiago" babesteko deia egin du ostiral honetan, Beirutera heldu ostean egindako lehen adierazpenetan.
Israelek aireko laguntza humanitarioa baimendu du berriro
Aireko laguntzaren berrabiarazteak, Jordaniarekin eta Emirerri Batuekin koordinatuta, metodo horren arriskuei buruzko eztabaida ireki du berriro, muturreko krisi humanitario baten erdian.
AEBk kritikatu du Estatu palestinarra onartzeko Macronen erabakia
Washingtonek Frantziaren erabakia kritikatu du, Gazako gatazkari buruzko nazioarteko iritzien arteko aldea handitzen den bitartean.
Powellek jendaurrean zuzendu du Trump, Erreserba Federalaren erreformen kostuen inguruan gezurra esateagatik
Donald Trump AEBko presidenteak Erreserba Federalaren (Fed) berritze lanak bisitatu ditu ostegun honetan. Bertan izan da Jerome Powell buruzagia, azken kritiken fokua bertan aurreikusitako gainkostuagatik eta erakundearen buru gisa egindako kudeaketagatik. Bisitan, tentsio unea bizi izan dute Powellek presidentea zuzendu duenean, erreformaren gainkostuak aipatzean. Powellek kameren aurrean azpimarratu duenez, Trumpek emandako zifra ez dator bat errealitatearekin: "Ez naiz horretaz jabetzen. Ez dut Fedeko inorengandik entzun", esan zuen. Trumpen kontuetan duela bost urte amaitutako hirugarren eraikin batean zegoela azaldu du, egungo proiektuaren parte ez dena.
Frantziak Palestinako Estatua onartuko du iraileko NBEren Batzar Nagusian
"Ekialde Hurbilean bidezko bake iraunkorra lortzeko konpromiso historikoari leial eutsiz, Frantziak Palestinako Estatua onartzea erabaki dut", iragarri du Emmanuel Macron Frantziako presidenteak, Mahmud Abas Palestinar Aginte Nazionaleko presidenteari bidalitako gutunean.
14 pertsona hil dira Thailandia eta Kanbodiaren arteko mugan, bi herrialdeen arteko gatazka areagotu ondoren
Thailandiako eta Kanbodiako armadek liskarrak izan dituzte ostegun honetan mugan, eta gutxienez 14 hildako eta dozenaka zauritu zenbatu dira. Bi herrialdeek bertan behera utzi dituzte haien arteko harreman diplomatikoak. Tiroketak eta aire erasoak izan dira inguruan, tentsioa areagotu ondoren.
Gosetea maila kritikoetara iritsi da Gazan
Gazako agintarien emandako azken datuek diote erasoaldia hasi zenetik 113 lagun hil direla goseak eta desnutrizioak jota. NBEren arabera, desnutrizioa detektatzeko azterketa egin zuten haurren % 16k muturreko desnutrizioa zuten, eta % 95ek ez dituzte bi elikagai talde baino gehiago kontsumitzen. Herrialde askok eskatu diote Israeli NBEren bidez elikagaien sarrera baimentzeko.